أم مـزن
أم مـزن
شوفي اختي انا متابعتك من اول الموضوع لكن ماكتبت لك ولا رد ..

لكن الحين برد لك ..

مااااراح اقول تطلقي .. ولا تفكرين فيه ..

لكن مثل ماقالوا البنات ..

اسأليه عن الرسايل وحده وحده ..

ومن ردوده بتكتشفين اشياء ..


طمنــينا اختي عنك ..

انتظرك ..
mrs.alkout
mrs.alkout
بنات انتو اخاف مفكرين اني راجعتله بحب وحنان
انا أعتقد ان من الظيم اللي انا ويته تحسف يمكن انه قال حق أخوي خلها ترد..
بنات انا عايشة معاه مثل الجماد ومن يكلمني كلمة أسب بوجهه وكل أقوله انا ناري ما انطفت عشان جذي ما أشوفك..
وهو يقولي ميخالف انا بظل معاك و****لله اقدر أطفي نارج..
ولي يومكم هذا وانا ما أكلمه الا اذا كلمني..
وكل يوم يعتذر مني ويقولي اقسم لج بالله اذا تبيني أقطع صلتي بولد أخوج وما أكلمه خير شر..أشري انتي بس وانا مستعد أقطع علاقتي فيه واذا انا تميت أدز مثل هالمسجات ربج يمهل ولا يهمل أكيد بيوم راح تعرفين..
بس قوليلي اللي تبينه..
قتله خلنا نفترض ان انا الحين مادري عن السالفة وان اللي شاف المسجات اخوي مو انا ..شنو تتوقع راح يصير...
اول انت راح تسوي سالفة كبيرة لمراهق سالفة اكبر منه ما راح يقدر يتحملها..اخوي اذا عصب حتى طردة يطرد ولده وانتي ما أعتقد ان لو كنت حقير توصل حقارتك لي هالدرجة..
فقالي صح كلامج وانا ادري بكل هذا وانا أعترف اني كنت غافل عن كل هالأشياء لكن اللحمدلله ربج ستر يمكن هذي قرصة لي..
قتله هذي مصيبة لا تسميها قرصة ولو انا اللي مسوية جذي مع وحدة من البنات يمكن حتى طلاق جان طلقتني..قول الحمدلله اني مستحملة..
وقتله ثانيا انت الظاهر ناسي ان هذا مراهق واحتمال يتعلق فيك زيادة عن اللزوم واذا انتي ببالك شي زين اهو احتمال نيته موزينة وه بيتم مراهق على كبر عقله ومحتاج هالكلام واذا تعلق فيك احتمال يسوي لك سوالف واحتمال يوصل لي درجة حتى مني يغار يعني يوصل لي درجة ان يبي يفرقنا..
(يعني انا بصراحة خرعته بالكلام حيييل لي درجة لما سكتت قام يسرح وظل يفكر وظاق سدره وقالي انا موقصدي أجيب لنفسي هالبلاوي انا صج اني عزيته لكن مو ببالي جذي كلش..)
فقتله المهم..
دامك تقول انك ما سويت شي معاه موزين قول الحمدلله انك ما وصلت لي هالدرجة وانا أنصحك انك تفج عنه لأن مهما يكون اهو ولد أخوي ومثل ما أحبك أحبه وأغليه وأخاف عليه من هالسوالف
فقالي.تكفة سامحيني تكفة والله اني أبيج والله مابي أخسرج..
فقتله باستهزاء:يمكن ما تبي تخسرني عشان لا تبتعد عنه
فعصب شوي وقالي:بس تقطيع فيني شفيج قاسية لي هالدرجة اول مرة أحسج جذي وربي حاس بغلطتي واذا انتي مو مصدقة اخذي تلفوني وكلميه وقوليله يقطع عني وانا بعد أقطع عنه بس ارض علي..
فقتله..حتى لو أرضى عليك أحس الثقة انعدمت
ولي يومكم وانا اسلوبي معاه مو ذاك الزود ولا أكلمه عدل وأشتهيه مع العلم اني أحسه يكسر الخاطر مرات لكن مادري...
لا حول ولا قوة الا بالله العلي العظيم
الثقيلة1406
الثقيلة1406
ربنا يوفقك ويخترلك الي فيه الخير

ويهدي زوجك ويسخرو لك يارب

ومابعد العسر الا يسرا

ومابعد الكرب الا الفرج
قطعه حلى
قطعه حلى
الله يكون في عونك ,,,, وان شاء الله ازمة وتعدي ....
ويمكن انه غلط خلاااااااااااااص اعتذر وتأسف وشاريك يابنت الحلال ....
زيزافووون
زيزافووون
شوفي ياعمري لا تخلين ردودبعض البنات تاثر فيك وتخليك تحقدين واقولك على شي احنا الحريم عقولنا صغيره وتفكيرنا للامور قاصر وسطحي وما نشوف الا الظاهر لكن خلينا نفلسف الامور شوي شوي وراح ترتاحين
اولا : زوجك حلف انه مافي شي بينهم وهذا شي في ذمته بغض النظر عن دخيله نفسه (من حلف له بالله فليرضى )
ثانيا: لا تقولين رسايلهم تشكك هي تشكك بالنسبه لك لكن اقسم بالله انه في رجال كذا رسايل بينهم وهم مافي شي بينهم ابدا ابدا
ايوه صح عيب وغلط بس تفكيرهم كذا وطريقتهم كذا في ذمتك وذمه كل قارئه ما نرسل لبعض رسايل اخوات او صديقات فيها غزل انا نفسي تجيني رسايل وكلنا عارفينها واعطيك واحده على سبيل المثال( حاولت اختفي لاجل قلبك يفقدني وحاولت اغيب يمكن روحك تشتاق لي وحاولت وحاولت و........)
(يافرح يومي امسي يادفا نبضي وهمسي يا ضياء عمري وشمسي .........)
(العاشق يرضى لو كان مجروح وان بكى ما يشتكي .............)
هذي مو رسايل عشاق؟ ليه ما قلنا احنا شاذات
صاحبتك في التلفون تقولين لها ياعمري وياحياتي ويا بعد ي ومدري وشو
حتقولين ايوه احنا حريم عقولنا صغيره ومو قصدنا وهم رجال المفروض اعقل واسمى واقول لك صح بس لكل قاعده شواذ في رجال كذا
وكثير
ثالثا : كون انك تطعنين في عرضه و تتهمينه باللواط مره كبيره حتى لو في رسايل بايخه بينهم انا وانتي عارفين حكم الشرع في الطعن مو حاجه بسيطه حتى لورحتي للقاضي وقلتي ابغى اطلق لانه لوطي حيقلك اثبتي حتورينه الرسايل حيققاضيك انتي
رابعاوهو الاهم : انتي تقولين تحسبوني طايقته ولا انا قادره اطالعه فهمت من هذي الجمل انك تبغين ترضين القراء الحاقدات على زوجك وود الواحده تتطلقين وترتاح وهي ماهي عارفه ملابسات الموضوع بالكامل ولاهي عايشه الموقف وتاخذك ذنبك وذنبه
ببساطه انتي تحبينه وهو ***** الله يححبك واستخرتي الله و***** الله ما اختارك الله الا الطيب وحلف لك انه مافي شي بينهم اذن خلاص قفلي عالموضوع وارجعي لزوجك يمكن هذا الموقف يعقله ويركز عن الخبال والطفقه ويصير رجال ونعم وانتي اهتمي في زوجك وبيتك ولو هو حق الحركات هذي راح يبان وانا اقولها لك بالفم المليان وذيك الساع لكل حادث حديث ولا تبدين حياتك بالشك ولا تبينين انك لسه شاكه فيه حتى لو بالظاهر عيشي حياتك وتمتعي بالطول والعرض وظلي دائما وابدا على صله بالله وماراح يخيبك ابدا هو الاقرب والاصدق والارحم
ريحي بالك وقلبك وروحي توضي وصلي ركعتين بصدق نيه ونامي ساعتين ولا تفكرين في الموضوع كثير بس خليك نبيهه بعد كذا
وسدي اذانك واسمعي قلبك وعقلك وسلامي ودعواتي لك