الله يهديكم يابنات ولا واحده عارفه انها قذفت الرجل ترى الكلام اللي قلتوه ما يجوز (لوطي _شاذ وووووو) اشفيكم هي الى الان ماتقدر تثبت هذا الشي يااخواتي من عظمه شان القذف ينطلب في المحكمه اربع شهود ويكونون شافوا بعيونهم مو سمعوا باذانهم نسيتوا الغامديه اللي راحت للرسول عليه الصلاه والسلا م واعترفت وردها كم مره ترى اعراض الناس مو بالسماع ولاهي لعبه
هي شاكه ومو متاكده ما شافت بعينها ترى الكلام اللي قلتوه ما يجوز ولا واحده قالت اتاكدي اول
ياما تصير مشاكل بين الازواج وتكون الواحده شكه في شي وفي النهايه تطلع غلطانه وفاهمه غلط اقسم بالله حصلت لي كثير من الشكوك وفي النهايه اكتشف اني مخرفه
اسعد عمل على الشيطان التفرقه بين الازواج ويدخل من باب الشك وتصوير الامور بطريقه سيئه وان في مصيبه انا مااهون الموضوع المطلوب من الاخت تتاكد لان لو طلع اللي شاكه فيه مو صح واستعجلت في شي راح تموت من الندم وزوجها وولد اخوها ماراح يسامحونها
حبيبتي استعيني بالله اول وتعوذي من الشيطان وتاكدي بالاول من نوع العلاقه اللي بينهم اذا تقدرين تركبين كاميرا في بيتك او جهاز تسجيل وتتركينهم بالبيت او احد تثقين فيه يراقبهم برى البيت في مليون طريقه وادعي الله انه يساعدك ليل ونهار والحل راح يتقرر على اساس ما تاكدتي منه
المشكله مو في الحل ولاعي استرجاع الزوج المشكله كيف تتاكد المسجات مو كفايه لا ترتكبين حماقه ولاتردين علينا الا اذا تاكدتي علشان ما تسمعين اراء مختلفه وتوهين زياده لو الله لايقدر وطلع شكك صح ما فيها كلام اتركيه لو طلع شي ثاني ذيك الساعه لكل حادث حديث

حبيباتي مشكورين على الردود اللي قاعدة احس بخوفكم علي منها وكأن شي يطفي النار اللي شابه فيني..
لكن ادري مستغربين ليش ان اليوم مادشيت المنتدى مبجر بس وربي عندي التهاب بأعصاب المخ يسبب لي كهربا زايدة ان عصبت ما تدرون شصار فيني اليوم وربي اني تشنجت وزوجي قالي اول ما قمت وهو يبكي حييييل..شفيج جذي شاللي صاير فيج وربي صارلي جم يوم محتار مادري شفيج علي..
المههم انا سكت..ولما رديت البيت وجينا ننام قتله: تصدق ..حاطين ذاك اليوم برنامج أعوذ بالله أعوذ بالله عن الشاذين منالبنات مع البنات ومن الرجال مع الرجال..انا بديت بالبنات(عشان مابيه يحس بس بشوف ردة فعله)قتله:تصدق..في بنات متزوجات وشاذات..يروحون مع بنات ويسوون أشياء موزينة..جان يعفس وجهه كأنه انقرف وقال:ول ول ول ول منهم عاد انتي اذا حسيتي في بنات جذي معاج بالمعهد لا تقربين يمهم فاهمة..وقتله:ويييييييييع وتكلمو بعد عن الرجاجيل..كانت وحدة متصلة بالبرنامج وتشتكي يا حرام من زوجها الخاين اللوطي القذر الخنزير(وانتو بكرامة)تقول انه صادته بعلاقة مع واحد أصغر منه بكم سنه أعوذ بالله من هالخلق وقتلها:لو انا بمكانها اول ما أعرف راح أطلب الطلاق على طول ما راح أتم عنده ليله وحدة..بصراحة صدمة
فرد علي وقال:مو بس تطلبين الطلاق هذا المفروض تطلبين انهم يذبحونه..أعوذ بالله..مادري شهالناس..

بنات بالله شرايكم برده..هل هو تغطية على أفعاله..
خو انا من الحرة بقيت أقوله:انت ياليت تنطم وتسكت ....قذر

ونسيت أقولكم..قتله بعد:عاد احنا عندنا بالمعهد وايد من هالنوعية الحمدلله والشكر ووايد منهم حاولو يتقربون مني عشان يبون يكونون معاي علاقة(جان أسكت)
فشافني لما انا سكتت و قالي:انزين وبعدين..شفيج سكتي..قتله:بس خلصت السالفة..
فشب نار وعصب وقال:هييييي شنو خلصت السالفة انا اللي بعرفه ردة فعلج شنو...لا حول ولا قوة الا بالله شنو هالمعهد الوسخ..
فقلت له:لا انا ما أكون علاقات بس في وحدة ليلحين تلاحقني..
فقالي:قوليلي منو هذي عشان أأدبها اذا أهلها ما عرفو يربونها انا أربيها..
عاد انا خفت لأنه عن جد عصبي..فقتله:لا لا من زمان ما قامت تلحقني لأنها طفشت وانا ما ألقيها وجه..

زي ما قلت لك تاكدي انا باقلك قصه صاحبتي مرت بحالتك وكان زو جها يكلم صاحبه (ايوه ياقلبي مشتاق لك حيل وضحك بصوت عالي )والثاني يرسل له رسايل كذا غير انه مسوي له نغمه باسمه وهي انطقت وضاقت عليها الدنيا وووووو
في النهايه اكتشفت انها مجرد مسخره بينهم وفضاوه راس وكل اللي طلعت به من زوجها الفضيحه انها تفكر بهذي الطريقه وشكلها صار بايخ قدامه وتاكدت بالفعل انو مافي شي بينهم
في رجال يحبون هذا الاسلوب من المعامله وبما ان زوجك هذا النوع من الرسايل بينه وبين ولد اخوك بس معناته انو ولد اخوك كذا اسلوبه وتاكدي من جوال ولد اخوك ومن رسايله مع غير زوجك وشوفي وكمان اذا ولد اخوك ذكي زي ما قلتي فما اعتقد انه تفوته انه ممكن تفتحين الرسايل حتى لو حذرك لان هذا يمسك انت واكيد انه حريص انك مت تكتشفين اذا بالفعل صح
خلينا نبدا بحسن النيه

حبيبتي والله انا اخاف تكونين ظالمته.
ما ادري بس ردت فعله ما تبين انه صاحب هذي الصفة.
الله يطمن بالك ويريح اعصابك ويهدي زوجك ويسخره لك.