ساعدوني تكفون

مرحبا اخواتي انا مشكلتي تعبت من التفكيرفقلت مالي غير اخواتي
بنات عالم حواء وان شاء الله القى الحل عندكم
انا متزوجه وعندي طفل علاقتي بزوجي ولله الحمد تمام
طبعا المشكله بخواته وربي تعبني نفسيا انا طبعا ساكنه فوقهم
يعني اغلب وقتي عندهن المهم لما اجي ازورهم القاهن
كلهن جالسات بالصاله البنات والمتزوجات الا يسلمن علي وشوي
ماشوف غير انا بالصاله تجي وحده تقهويني والبقيات جالسات بالغرفه
الا صوت الضحك واصل الشارع واذا جلسن عندي تخيلو غير انا اللي اسولف
وهن ساكتات واذا وحده تقول سالفه وربي يبنات تقولها بصوت واطي
علشان مااسمع واذا جو بنات خالتهن ع طول كلهن ع الغرفه
ويجبن لهن القهوه جوا والحلا وانا مثل المسكينه جالسه بالصاله
مع ان بنات خالتهن متزوجات واكبر ومني وعندهن عيال
تخيلو يرحن السوق يرحن الحديقه عمرهن ماقالن لي ‏
ولما اسألهن عن اكله او طريقة حلا مسوياته مايعلمني يقلن هذا سر المهنه
المشكله لو يسألني عن شي مااقصر معاهن بشي وربي ‏
تعبت من حركاتهن يعني معقوله هاذي كلها خصوصيه
لا ووحده منهن وربي يابنات انها تسلم علي من طرف خشمها كاني
ذابحه لها احد ولما اجيهم مستحيل تجي تجلس معانا
ومع غيري لا عادي والله العظيم احيانا اقول احشر حالي بالبيت
ومااطلع لاكن انا ماعندي غيرهم اهلي بديره وانا بديره
وزوجي مايمشينا بس مقابلني واطفش من جلسة البيت
واحس اني رازه وجهي عليهم بس ياربي شسوي بحالي
لاكن انا اطلب منكم تساعدوني شسوي الله ييسر لكل وحده
ترد علي بكل ماتتمنى ‏