السلام عليكم
مابطول عليكم ، اول شي اختي بصف سادس ابتدائي طبيعيه ومافيها شي . جميله وعندها اصحاب وماشي وضعها .
جا بشعرها قمل فتره وكل ماترجع تقول اخاف البنات يدرون عني ويكرهوني وتصيح وترجع يوم تقول سمعت بنات يتكلمون اكيد يتكلمون عني .
المهم ان شعرها نظف خلاص ، وهي الحين توسوس على اشياء كثير يعني مثلا تسمع اسمها بمكان تقولي مين قال اسمي ؟ في احد تكلم عني !
جا اليوم كنت اكلم اختي عن شي وجات قالت انتو تتكلمون عني ايش قلتو !! وانا ماجبت طاريها
وقعدت مكتابه طول الوقت اقولها شفيك قامت تصصصيح تقول انا بنات المدرسه خلوني اصير كذا انا كل افكر انا ماعرف انام من التفكير حتى اذا طلعت مجمع او اي مكان واحد طالع فيني اقعد افكر طول اليوم ليش طالع فيني واقعد اصيح واتحسف اني طلعت صرت اكره اطلع واشوف الناس تقول ابييي تروح مني هالحاله ولا افكر ابي اصير زيكم استانس ومرتاحه 😢😢
والله حزنتيني ماعرف ايش فيها قلت لامي نوديها دكتور نفسي قالت ما احس له داعي هي طفله ولا اعرف مره مو مرتاحه 😢
هل في احد فيكم صادف هذي الحاله ؟
fatima911 @fatima911
عضوة جديدة
يلزم عليك تسجيل الدخول أولًا لكتابة تعليق.
فررجت
•
أسمع كثير بالدكتور سليمان الصغير ممتاز جدا قريبتي تروح له وممتاز معهم يعطي أدويه خفيفه ومايكثر أنصحكم فيه
أحلام 22
•
شوفي أختي الصغيره ع 10 سنوات طفشت أمي هي شاطره ومؤدبه ب المدرسه لكن والله العظيم جتها حاله أعوذ بالله تصرخ ب أخر الليل ولا ترضى تنام الا ب غرفة أمي وزادت حالة الخوف عندها والله م عرفنا وش نسوي لها وتجي من المدرسه دايم تبكي ومره جلست احاول معها تعلمني وش فيها قالت البنات يقولون أشياء تخوف ب المدرسه عن الجن وعن الساحرات وعن داعش يقتلون الاطفال حتى الدميات والالعاب صارت تخاف منهم وامي كلمت مديرة المدرسه عن الرعب اللي عاشته اختي من قبل طالبات يحبون يخوفون زميلاتهم والحمد لله بعدها اعرفت ان كل هالكلام كذب ومجرد تخويف انتي قولي لها فيه بنات خوفوك من شئ حاولي تعرفين السبب بس تكفين لاتقولون لها حسد او عين او سحر اذا قلتوا كذا البنت راح تتوهم بالأشياء طول عمرها اختك م زالت صغيره واكيد تعرضت إلى تخويف ولاتنسين افلام الكرتون الاطفال يشفونها ينامون يحلمون بها الوضع عادي وتطمني بس محتاج منكم تهدئة البنت وسلامتها
أحلام 22
•
وفي حاجه مهمه البنت ب ع 12 سنه تطلع معها ريحه عرق واكيد اختك اسمعت كلام من بنات ع بنات ثانيات ان فيهم ريحه وخافت اختك لايتكلمون عليها يعني حتى لو هي نظيفه ومرتبه تشك بنفسها من كلام زميلاتها خصوصا المعلمات بعضهم تقول لطالبات تنظفوا انتم فيكم ريحه وتنتقد الطالبات وهذا العمر حساس جدا حتى تشك بنفسها من نظر الاخرين ترى هذا تصرف طبيعي بهذا السن بس فهموها وعلموها تثق بنفسها وم تصدق اي شئ
الصفحة الأخيرة
شكلها حساسه و مره تاثرت من اللي صار
عادي دكتور نفسي بيعالجها علاج سلوكي و ترتاح
لانهملونها لسا صغيرونه و العمر قدامها