السلام عليكم
بدون مقدمات بقولكم قصتي واتمنى تفيدوني وتساعدوني فيها...
انا عمري 17 والحمدلله تقدم لخطبتي شبان كثير بس مالله يكتب نصيب
بس انا بقرارت نفسي احب ولد خالتي وانا اقولكم وبكل صراحه اني متهوره لدرجه كبيره
مره فكرت اني اكلمه بدون مايعرف
وصحيح مرة لايام وكلمته في شهر 7 عربي .. على اساس اني غلطانه وهو ماتقبل الوضع بس انا اكز له مسجات وادق عليه
وهو ظليمته شينه مايكلم بنات مع العلم ان عمره 25المهم استمرت العلاقه بيننا ونكلم بعض بس مو بشكل يومي ... على اساس اني غلطانه ماصارحته ولا قلت له اني بنت خالته عشان ماطيح من عينه ولا ياخذ موقف مني
ولا يقول الشرهه مو عليها على خالتي اللي مادارت بالها لها ..!!
والعيب اللي في ولد خالتي واللي يميزه بنفس الوقت انه ذكي ماشالله ذكي لابعد حدود لدرجة لو تسالونه 10÷2 مايعرف لانه من ذكائه مستسخف هاذي لامور بس يعرف يحل ويستنتج المسائل المعقده اشد التعقيد
المهم هو شك بالوضع ومااقولكم انه ماتعلق فيني لاولله حبني وتعلق فيني بس بدون مايقول واضح من مسجاته واسلوبه
كان دايم يقولي انتي عارفه وانا عارف ==>استغربت هالكلمه خفت انه عرفني مع العلم ان شريحتي بدون اسم
وكنت اساله وش قصدك ومايرد علي .... بس كان شكه في محله وانا اراوغ واكذبه
مرة لايام بيني وبينه لين جينا اخر شهرا 12ومرة لامتحانات النهائيه وقال انا بقولك شي في اخر يوم تخلصين فيه الامتحانات وقالي لاتدقين انا مراح ادق واتفقنا على كذا..
بس صرت ادق انا من باب الفضول بس يسكر في وجههي خليته ماعاد دقيت ولا كزيت مسج
وجا اخر يوم من لامتحانات لاربعاء وانشغلنا وسافرنا الرياض عندهم بدون مايعرف ان حنا جايين عندهم مادرى الى وحنا داخلين عليهم مع العلم اني مادقيت عليه ولا لمحت له اني بسافر عشان مايشك
بالوضع
وذيك الفتره كان من المستحيل اني اكلمه ولا ارد على اتصالاته وبدء شكه فيني يكبر وكانه اللي عرف اني بنت خالته بس ساكت
رجعنا الحمدلله من الرياض بعدها كلمته قالي وين الغيبه عسا ماسافرتو قلت لااسف ماسافرنا بس رحنا البر==>عشان يشيل الشك الي براسه
مر اسبوع الى وحده من خالاتي جاتنا من الرياض برضووو
والله كتب وان خالتي تروح للملاهي هي وزوجها وعيالها وسبحان لله غرق ولد خالتي وتوفى جعلله ان شالله شفيع لوالديه
بعدها بيومين في ايام العزا كانو اهلي في بيت جدتي ورحت لبيتنا اجيب ملابس لاخواني لان حنا نصدمنا بالخبر وماحسبنا حسابنا
وشفت جوالي على مكالمات ودقيت عليه
بدون مااحس في نفسي ولله انفلتت اعصابي قعدت ابكي من قهر منصدمه من وفاة ولد خالتي ولا قدرت ابكي هناك ولا اطلع اللي بقلبي عشان ماابي خالتي تشوفني ابكي وتذكر ولدها وتبكي هي بعد
المهم قالي وش فيك قلت ولا شي قعد يصر علي اقوله لين هو بكى معي وهااللحظه صدق ماقدرت اسكت
قالي انتي تعرفني قلت ايه قالي تقربيلي وانتي قريبه مني واعرفك بس ابيك تقوليلي من انتي
قلت له انا مااشرفك انك تعرفني ومن هالكلام هو اقنعني بالكلام لين قلت له من انا وسكرت في وجهه
ومر شهر ونص ومنقطعه اخبارنا عن بعض
لين كلمته كان فرحان بمكالمتي له بسانا كان غرضي اني ابي اعرف وش موقفه مني كرهني حقد علي
وامنته انه ماياخذ موقف من اهلي وان العتب اذا بيكون بيكون علي انا
وهم بعد مده جا واحد وخطبني وقلت سبحان لله خلني استخير لاني ضمنت ان ولد خالتي كرهني وماراح يفكر فيني ولا راح يفكر يخطبني
واستخرت وارتحت مع ان اللي جا وخطبني فيه المواصفات الكامله ماشلله ومالكامل الى وجه لله سبحانه
بس ماكان احد يدري بخبر خطبتي اليوم اللي كان خطيبي السابق بيجي يشوفني شوفه شرعيه ويحدد موعد الملكه امي دقت على خالتي وقالت لها
وخالتي بدورها تسولف لعيالها وعصب ولد خالتي وسوا سالفه وقال محد بياخذها الى انا واعترض ودق على ابوي يخطبني منه
(انا انفجعت بدوري يوم امي قالت ماكنت متوقعه ولا حاسبه حساب ها الشي ل لاني امي جاتني فرحانه تقولي ولد اختي جا يخطب ارفضي الاول وخوذي ولد اختي )
مع العلم ان امي تدري اني احبه وصارحتها اني اكلمه وشجعتني في حبي له مااعترضت علي بس اعترضت على مكالاماتي له وقالت لي حنا يوم كنا في عمركم حبينا
بس ان تصير معجزه ونتزوج الي حبيناه هاذا كان المستحيل بنضرها
وكانت امي فرحانه لي من قلب وانا كنت منصدمه
وفرحانه مدري وش كان شعوري
وطبعا ابوي فاتحني بالموضوع وقالي القريب ولا الغريب
مااعترضت على الموضوع
وان شالله بيتتم الملكه قريب والعرس بالعطله
بس المشكله هالحين بعد هالقصه اهي
اني اخاف بعد الزواج انه يقعد يشك فيني ويعذبني معه
من كثر مااسمع في هالقصص والي يقولون قعدت اوسوس صراحه
والمشكله اني صغيره ماعندي خلفيه كبيره عن الحياه الزوجيه
واخاف ان بيوم يحبسني ولا يتجسس علي ولله صرت اخاف واوسوس من اشياء كثيره
خصوصا ان اغلب الناس يقولون ان قصص الحب قبل الزواج غالبا ماتفشل
واخاف اني اندم اني رفضت اليي قبل واتحسف عليه
وافشل في زواجي
ابي احد ينصحني يوجهني ترى ماعندي خلفيه ذاك الزود انا صحيح مراهقه عشان كذا اخاف اني ارتكب اي شي ياثر علي وعليه
العيون الكحيلة @alaayon_alkhyl
عضوة فعالة
يلزم عليك تسجيل الدخول أولًا لكتابة تعليق.
عنودتي10
•
ان شاء الله ربنا يكتبلكم الخير مع بعض
موفقه ومو غلط حتى بهالفترة بعد ماوافقتي تضلي تستخيري
موفقه ومو غلط حتى بهالفترة بعد ماوافقتي تضلي تستخيري
حطي في بالك انه لابد يعيدها عليك يوم ..........
وفي ذيك الساعة قولي :من قرادة حظي اني حبيتك ولا كان الحين مرتاحة(نولم العصابة قبل الفلقة)....
وفي ذيك الساعة قولي :من قرادة حظي اني حبيتك ولا كان الحين مرتاحة(نولم العصابة قبل الفلقة)....
mdry
•
هذا واجبك انتي انك تحسسيه انك تحبيه وتحافظي عليه وتاكدي ان مافي الدنيا الاهو لن بالتصرفات وحسن الاسلوب راح يدرك هذا ولو شاك فيك مجرد شك ماكان اتقدم لك كان قال الله يرزقه ويستر عليها
الصفحة الأخيرة
و ان شاء الله بما انه صمم عليك و انه ما بيرضى انك تكوني لغيره ان شاءالله يكون خير
نصيحتي تصارحيه بشكوكك و قوليله اني انا صريحة معاك و ما بحب تغير نظرتك فيني و ما بتنمى أي زوج غيرك و شوفي ايش ردة فعله
و أهم شئ تكوني صادقة مع نفسك و معاه في مشاعرك و توكلي على ربنا و ان شاء الله ينولك تاخير وين ما كان
و افرحي ان شاء الله ربنا يكون اختارلك الأفضل
الله يسعدك و يهينيكي