ساعدوني حامل وعندي فوبيا اكل ... ابي رقم دكتور نفسي بالشرقيه

كيفكم حوائيات كروشات
انا من قبل الحمل كنت اعاني من اكتئاب وضيق تنفس وللحين طبعا وفي يوم ثقلت بالعشى
وجلست الفجر وكنه شي جالس على صدري حاولت ارجع الاكل ما قدرت وشربت مويه ويالله اني خفيت
ومن بعدها كل ما اكل اكل احاول ارجعه بعد كم ساعه طبعا مش كل اكل يعني الاجبان عادي وبعض الاشيا
والحين حملت وزادت المشكله صرت ارجع كل شي وحتى لما عديت مرحلة الاوحام
صرت اخاف من الاكل ويتهيأ لي انه بيسبب لي ضيقه
وصارت تجيني حموضه
حاولت اخذ ادويه الحموضه بس بعد ما اخذها ما اقدر ارجع ويتملكني خوف شديد وتركتها
ادري ان كثر الترجيع يضر المعده
بس وش اسوي حاولت وحاولت وما قدرت والله كرهت عمري لدرجة اني فقدت الامل اني راح ارجع اكل طبيعي
والحين شايله هم إذا ولدت وما تغذيت ما راح اطيب ولازم اتعالج قبل الاولاده
وشايله هم كيف ابولد وانا ما اكل ما راح تصير عندي طاقه والله اني خايفه وملايانه رعب
الله يجزاكم خير دلوني على طريقه ... أو على طبيب نفسي
ووالله ما راح انساكم من الدعاء طول عمري
ارجوكم لا تهملوني واللي ما يقدر يساعد يدعي لي الله يشفيني ويفرج عني