ساعدوني حبايبي بموضوع الخطبة ..

الى بتسونه صح ,وانت باشريهم , وهللى فيهم ,وامك مع القعده الكلام بيطلع كلمه منها كلمه منهم ,يعنى الكلام ما يبغاله استعداد ,وامك لا تفتح موضوع خطبتك هم الى يبدئو
وبموضوع خطبتك هم ممكن يسئلو امك بعض الاسئله ,انت لا تطولين بالقعده ,يعنى مثلا عشر دقائق واطلعى ,علشان ما تسمعين
الكلام الى ينقال بخصوصك

خلي امك ومرة اخوك يستقبلوهم

ولما يقولو نبي نشوف بنتكم ادخلي سلمي واجلسي لا تطولين 10 دقائق واطلعي

وخلك مستعدة يمكن يقولو ولدنا يبي يشوفهاا

واذا هم قالو نبي نخطب خلي امك تسالهم اسم الولد كامل ووين يشتغل وعمرة عشان تبتئدون بالسؤال عنة لو صار موافقة

والله يوفقك يالغلا

ياقلبي الف مبروك ياعروسة اسال الله ان يوفق بينكم ويتمم الزواجة على خير وبركة وتكونون اسرة مسلمة مستقيمة سعيدة

والله هذي الامور تختلف باختلاف القبايل
نظام قبيلة في استقبال اهل الخاطب تختلف عن قبيلة ثانية
عموما باتكلم عن لبسك البسي ملابس شيك على الاخر بس لا يكون اوفر
يعني مو فستان سهرة ولا يكون قصير ولا بدون اكمام لان رضى الله اهم من كل شي
الميك اب لازم يكون انيق بس مو ميك اب سهرة ولا ميك اب ثقيل
ركزي على الالوان البنوتية الفاتحة في الظل مثل الوردي ودرجاته او البيتش الخوخي او المشمشي او الاورانج الفاتح
كثري ماسكرا على رموشك اكثر من طبقة مايحلي الميك اب الا الماسكارا الكثيفة
ابعدي عن السموكي ايز والظلال الغامقة الاسود اوالبني او الكحلي والبنفسجي الغامق مرة تكبر في السن وتعطي مظهر جامد
مايناسب مناسبتكم مافيه مشكلة كحل داخل العين اذا تحبين حطي
البلاشر يناسب الظل يعني درجات الوردي الهادية البيتش وغيرها
الروج نفس الالوان اللي فوق بالاضافة الى لون النيود ( اللحمي ) اختارية اذا كنت متكحلة داخل العين
اما اذا ما تكحلتي داخل العين لا تختارين نيود لانه بيخليكي كانك مريضة شهباء

ركزي على الشعر خليه ستريت ومسدول لا تسوين تسريحة ملمومة ولا تسوين كرلي ولا ويفي

اذا دخلتي عليهم افضل تدخلين ومعك شي يعني عصير قهوة ولا تطولين في الجلسة معهم سلمي عليهم وضيفيهم اللي معك واجلسي شوي واطلعي

وقبل هذا كله واهم من هذا كله
ادعي لنفسك بالتوفيق والقبول والبركة والسعادة وان يجعل هذا الرجل هو الزوج الصالح وان يكون قرة عين لك وان تكوني قرة عين له
ادعي في السجود بين الاذان والاقامة اخر الليل نهاية عصر الجمعة ولا تنسين الاستخارة
ولازم لازم اخوانك ومحارمك يسالون عن الخاطب ضروري لا يتم الموضوع الابعد السؤال والتاكد

الله يوفقك

لااختي امك ومرت اخوك يستقبلوهم وانتي بعدين تجي تسلمي ماتطولي ابدا بس تكوني تركتي لهم مجال يشوفوك عدل وتروحي وخلاص لاتضيفيهم ولاشي
امك تسال اذا خطبوك عن اي شي تبي تعرفه عن المعرس وبسس
الله يوفقك ومبروك مقدما