ساعدوني خايفة من الاجازة الصيفية

السلام عليكم ورحمة الله وبركاته
اول شي انا الحمد لله عارفة اني في نعم كثيرة وكثير يتمناها الحمد لله عايشه مع اهلي وامي
مشكلتي هي اسريةانا تعبانة معهم حيلما ادري ليه يكرهونيما يطيقون يشوفون وجهيوانا والله اني اضحك واسولف معهمبس وش اسوي غير متقبليني
اهل ابوي كلهم ما يبوني ولا ودهم يشوفون وجهي وعندي خواتي واخواني من ابوي ونفس الشي حتى وصلت انهم تعدوا ٤ سنوات ولا شافونا ولا جونا
ويوم رحنا بنسلم عليهم ما بغونا كلهمواهل ابوي من عمّان وعمّات كلهم نفس الشيهم ما يحبونا عشان امي مو منهمواهل امي في ديرتهموجداني وجداتي الله يرحمهم ويوسع عليهم قبورهم متوفين من سنين
وابوي ساحب ومو مهتم لاحد الله يهديه ويسامحهمو مهتم لا لي ولا لخواتي اللي اصغر مني
وانا ما عندي الا اخوين رجال من ابوي اعمارهم فوق الثلاثين وخواتي اللي من ابوي كلهم اعمارهم فوق ٢٧ سنةوكلهم ما يبونا ولا يطيقون يشوفون وجهنا
خصوصا انا لو حضرت عزيمه ولا شيما احد يبينا ولا يهتم فينا مع اني اضحك وابتسم واحاول ادخل معهم بسالفة
واهل امي محد هنا كل واحد بديره وبمنطقهوامي هي البنت الوحيدة الباقين كلهم رجال
الحين الاجازة الصيفية جت وانا شايله هم من اكثر من شهر ما ابي الاجازة الصيفية ما ابيها بس لعلها خيرة ما ادري وما ندري
انا الحمد لله ادرس بالجامعة وكثير قالوا لي تخصصك غير مطلوب ولا له مستقبل
بس ما علي منهم الله سبحانه وتعالى قال : (وعسى أن تكرهوا شيئًا وهو خير لكم)
مع ان معدلي مقبول حتى مو جيد جدًا بس الجامعة اذا رحت لها والله اني ارتاح من همومي
عندي صديقة متعرفه عليها طيبه وحليلهبس مع الاسف خلاص الفصل الجاي ان شاء الله اخر شي لها وتتخرج ما ادري وش بسوي من دونها بس لعله خير ما ادري العلم عند الله سبحانه وتعالى
انا المفروض اني اتخرج معها لكني متأخرة سنة ونصيعني حتى مكافأتي بتنقطع بس خيرة لعله خير ما ندري وين الخيرة فيه
انا ابي حل ارتاح فيه بالصيفية واستانس الكل متحمس للاجازة الا انا والله اني اكتب لكم وانا ابكي
ودورات وتطوع ما اقدر اخذ ظروفي ما تسمح
ما ادري وش بسوياستغفر الله
كثير يسألوني بالجامعة عن المواد انا ما انزل الا قليل مرة اقل شي مسموح حتى هالفصل مواد المفروض اخذها وادرسها ما اخذتها
يقولون لي بالجامعة فلانه انت ما تبين تتخرجين ليه ما تنزلين مواد العدد القليل هذا للي عندهم ظروف !!!
كلهم مستغربات منيبس وش اسوي ما لي الا الله ثم هالجامعة تونسنيبالبيت ما عندي احد ابد
بس مقابله هالجوال
ابوي اغلب وقته طالع ومو مهتم لنا ابد
وامي مسكينة تتعب
وخواتي اللي من امي وابوي نفس كل مره اجي اكلم وحده منهم ما تعطيني وجه ولا تبيني
واللي من ابوي ما يبونا كلنا
ما ادري وش بسوي بهالاجازة ٤ شهور
ما شاء الله معي بالجامعة
اللي بتسافر
واللي بتستانس مع اهلها وخواتها
واللي ملكتها بعد عيد الفطر
وكم وحده بتستعد لولادتها وخايفه
ما شاء الله كل ما اسمع سوالفهم عن الصيفية وحماسهم لها اجلس اذكر الله اكثر من مرة اخاف اني اعطيهم عين ما شاء الله مع ان اللي بداخلي مو حسد بس اخاف اعطيهم عين
وانا اتوقع ان اهلي كلهم ما يبوني ولا يكلموني ولا يعطوني وجه لاني اعاني من مرض الصرع لكني اخذ له علاج من اكثر من ١٠ سنوات والحمد لله حالتي مستقره
وهم مع الاسف عارفينفأنا اتوقع انهم عشان كذا ما يبوني ولا يعطوني وجه
وكنت بدرس صيفي هالسنة بس مع الاسف المواد اللي نزلوها ما اقدر اخذها لاني ما عديت متطلباتها السابقة
انا كاتبة لكم والله نيتي مو اعتراض على قضاء الله وقدره
بس ابي منكم الدعاء لي ادعوا لي تكفون
ان الله يفرجها علي وارتاح واستانس بالاجازة الصيفية اللي بتدخل هالسنة
لعل احدكم اقرب الى الله مني
وانا الحمد لله ادعي ربنا سبحانه وتعالى
لكن مثل ما قلت لكم لعل احدكم اقرب الى الله مني
والرسول صلى الله عليه وسلم قال :(الدعاء ينفع مما نزل ومما لم ينزل، وإن البلاء لينزل فيتلقاه الدعاء فيعتلجان إلى يوم القيامة)
وفي الحديث هذا ايضًا قال صلى الله عليه وسلم :(لا يرد القضاء إلا الدعاء، ولا يزيد في العمر إلا البر)
اللي تصلي بالثلث الاخير تذكرني بالدعاء لا تنساني
اللي تصوم هالايام تذكرني
اللي تدعي تذكرني
اللي تقرا قرآن اذكار تذكرني
لعل احدكم اقرب الى الله مني
ادعوا لي ان الله يفرجها علي ويسعدني ويوفقني ويرضا عني بهالاجازة وطيلة حياتي
اخر يوم لي بالاختبارات ٢٠/شعبان يعني اجازتي بتبدا ٢٠/شعبانيعني ما بقى شي عليها
المفروض الى ٢٧/شعبان لكني مثل ما ذكرت لكم انا ما انزل مواد حسب الخطة او اكثر من الخطة لا
انزل اقل وكل يوم احط مادة وحده عشاني ابي اروح للجامعة
والله اني افكر بهالاجازة ما ادري وش بسوي فيها
والصيفي الله يهديهم المواد اللي نزلوها مثل ما قلت لكم ولا مادة مسموحه لي
لاني ما عديت متطلباتها السابقة
واللي عندها شي اي حل لا تبخل علي فيه
وادعوا لي ادعوا ليشايله هم هم هم والله ان اختباراتي بتبدا الاسبوع الجاي يوم الاحد ووالله انا ما ذاكرت ولا شي للحين
ومعدلي مع الاسف مقبول
انا حاسة انه بسبب ضيقتي وتفكيريفالمفروض اني اذاكر الحين احاول ارفع معدلي بس وش اسوي مو قادرةومخلصات حنا ومختمات المواد من اسبوعين اصلًا
لكني ما ذاكرت بسبب تفكيري بصيفية هالسنة
وجزاكم الله خيروالله يحقق لكل من دعت لي وتدعي لي بظهر الغيب كل اللي تتمناه وترجوه بالدنيا والآخرةوان يجعله ربنا سبحانه وتعالى في ميزان حسناتها ويجعله خيرة لها بالدنيا والآخرة
واكرر واقول انا غير معترضة على قضاء الله وقدره والعياذ باللهلكني ابي الدعاء منكم لعل احدكم اقرب الى الله مني ثم ابي حل للي انا فيه
والسلام عليكم ورحمة الله وبركاته