ساعدوني خطيبي يبغى الملكه بعد اسبوعين >>>بليز مساعده

السلام عليكم ورحمه الله وبركاته

بنات حواء انا عندي مشكله وابغاكم تساعدوني

انا مخطوبه لولد عمتي تقريبا لي 4 شهور وانا مخطوبه وفي الخطبه وماجابوا سيره انو فيه ملكه قريب ولاشي


المهم انا اخوي خاطب بنت عمتي يعني اخذ اخت خطيبي اخوي له سنتين خاطب وراح ابوي الثلاثاء عندي عمتي وزوجها عشان يقلهم انو اخوي يبغى يملك عشان القرض اللي ياخذه قبل الزواج


قامت عمتي وزوجه قالوا خلاص كمان احنا نبغى نملك لولدنا ويقدموا على القرض سوا ونسويلهم حفله مع بعض


انا ابوي قالي امس بالسالفه وانا عالطول رفضت اولا لانو بقي لي سنتين على التخرج من الجامعه وادا ملكت هذي السنه راح تكون السنه الجايه زواجي وانا ما ابغى اضيع السنه الاخيره عشان زواج وما ابغى معدلي يطيح

وكمان يوم الخطبه ماقالوا لنا سيره الخطبه وانا مره مو مستعده لا لملكه ولا لزواج من ناحيه بشرتي مره مسمره من الدوام راح ينفجع خطيبي شافني في النظره بيضاء

وكمان انا عمري 21 وهو 22 ويدرس كمان اخاف يكون مو قد ملكه وزواج

وانا من النوع مااعرف اقسم وقتي للدراسه او الزواج وراح اخلي وقتي كله للدراسه لانها اخر سنه



وقلت لابوي انا مابغى املك عشان الدراسه وكذا وقال صح كلامك طبعا كلمني بالموضوع وانا جايه من الكليه كنا في السياره

ولمن جينا البيت كلم اخوي وقاله اني رفضت وكلم امي قام اخوي راح يقوله عادي ايش فيها لو ملكت دحين وتزوجت السنه الجايه شوف هذي وهذي تزوجوا وهما يدرسوا غير تفكير ابوي ويقولي على خطيبته انو راح تتزوج وهي هذي السنه غلقت من الثانوي يعني مافكرت في الدراسه ويقولي اخوي المفروض انو يرفض الملكه هو خطيبك لانو قاعد يشتغل ويدرس وما فكر زيك


واليوم بعد الظهر ابوي قام يقولي ايش سويتي في الموضوع قمت قلت له انا مو موافقه قام يقول هو نفسها لو ملكتي دحين ولو ملكتي السنه الجايه راح تكوني في اخر سنه وانتي مملكه ويقولي اكيد في سبب تاني غير هذا

وكمان يقول انا مستحي من زوج عمتك وعمتك ايش تبغيني اقلهم يعني مالنا رأيي عندك

واخوي زعل المشكله انو اي شي راح يسويه اخوي لازم انا وخطيبي نسويه حتى حفله الملكه راح تكون مع بعض والزواج مع بعض قلت لابوي خلى اخوي يملك

المهم انا دحين ماني عارفه ايش اسوي تتوقعوا لو قالوا لهم انو البنت رفضت وقالت مو مستعده راح يزعلوا وخطيبي راح يزعل وياخذ بخاطره




بالله قولولي ايش اسوي اخاف يزعلوا واخاف اوافق بعدين اندم وايش رايكم في اللي تتزوج وتدرس تعب ولا لا وكمان لو حملت

وكمان اللي تزوجت وعمر زوجها 23 او22 كيف يكون تفكيره وهل يقدر يتحمل مسؤوليه الزواج

بلييييز يابنات شوي وابكي:06: ماعندي احد اسأله غيركم