ساعدوني خلاص مليت ابي اغير حياتي من كل النواحي ؟؟؟؟

والله ماعند خبرة كافية افيدك
بس انشا الله الاخوات مارح يقصرون معاك

برنامج خلال إسبوعين ثلاثه يعني لازم يكون مكثف ولازم يكون عندك إصرار ..
بقول اللي عندي وإن شاءلله البنات يفيدونك أكثر ..
أول شيء الأكل : من الصبح لي الليل خلي أكلك عامر بالسلطات والفواكه والورقيات (جرجير وبقدونس) يوميا إكليهم واالتمر صبح وعصر .. وكثري من الماي والعصاير ... وإخذي قفشة عسل كل صبح ع الريج ...
طريقة الأكل هذي بتنقي جسمك من السموم وبتحسين حيوية ورونق بوجهك ..
يومياً تسبحين ... وقبل السبوح تكونين داهنه المناطق الغامجة بجسمك بفازلين وكركم وبعد نص ساعه تسبحين بصابون بابايا .. ولازم يكون عندك ليفة بودي شوب أروع شيء للتفرك ولخلصتي من تفريك جسمك وغسلتيه بالماي تكونين خالطه بطاسة ( ملعقة سدر+ ملعقة ملح خشن بس مطحون عشان مايجرح جسمك) فركي جسمك فيهااا خمس أو عشر دقايق وبعدين غسلي بالماي
وبالنسبة لشعرك قوليلنا شنو طبيعة شعرك عشان أقولك شاللي يناسبك >> بحكم خبرتي المتواضعه :):) ..
ولطلعتي من الحمام رطبي جسمك بزبدة الكاكاو إما مالت بودي شوب أو ماركة بالمرز أثنينهم ممتازين ..
وقبل النوم دهني جسمك كله بهالخلطه (قلاس عصير ليمون + بيالة جلسرين سائل + ملعقة فكس + علبة جليسوليد الوسط + شوية كلونياا ريفدور) ..
وإذاكان لك كرش .. إطلبي المشد الأندونيسي وإستخدميه وحددي لك ساعة مشي يوميااا
هذا اللي عندي
وموفقه إن شاءالله

شعرج تبينه يكثف زيت دابر املا الاخضر بوريحه شينه بس نتايجه فتاكه وجهج قوليلنا شنو نوعيه بشرتج وانا اعطيج اسم مجموعه حلوه مثلا اذا انتي دهنيه مثلي انا استخدمي غسول روك وحمايه روك حلو حق الدوام

تبين خلطات لوجهج الطحينه حلوه تصفي وعندج السدر تحطينه كماسك على وجهج حلو وعندج الليموون يوخر كل البقع اللي بالوجه بس اهم شي الاستمرار فيه وعندج شنو بعد المره مع ماي الورد تصفي الوجه وتقشره عل خفيف امم وبس هذا اللي عندي

احلى لوشن للجسم يخليج زبده لوشن جونسون اند جونسون بزبده الشياا عجييييب وريحته حلوه ورخيص بعد

كل ماتسبحتي سنفري جسمج وعقب اول ماتطلعين من البانيو على طول حطي كريم مرطب

وعقب فوقه عطر جسم من بودي شوب

اذا عندج امكانيه اخذي المجموعه كامله من عندهم انصحج بمجموعه الفراوله ومجموعه لونها ازرق فاتج احلى شي وعندج بعد مجموعه مون فلاور ومجموعه لايف از


اخذي منهم سنفره افريكا سابا اهي ويا كريمها للجسم يمدحونها البنات يقولون تصفي الجسم وتفتحه مع الاستمرار


اممممم وشعرج اهم شي حطيله برنامج 3 مرات بالاسبوع ادهنيه اقعدي بالدهن اقل شي اربع ساعات عقب اغسليه احسن شامبو صانصيلك بالبيض
عندج شامبو ميتال الاندونيسي يطول الشعر لونه احمر في بيج هذا لون العلبه

اي وشنو بعد ياربي كل ماخذتيلج فتره سوي حمام مغربي انشالله لونه بالبيت ترى مايبيله شي سهل


وغيري طريقه لبسج اشتري بجايم للبيت كشخه واهم شي يكونون الوانهم فرش اخذي كل الالوان نوعي

يعني مثلا بيجامتج لونها سماوي اخذي معاها مداس البيت لون سماوي وتحطي مكياج خفيف وكريم لونه طبيعي بحيث انه يوحد لون بشرتج وقلوس ورشه عطر

وشعرج العبي فيه مره سويه ستريت مره حطي قذله مره رفعيها مره قطي خصل خفيفه عل وجه مره سوي ويفي مره سوي كيرلي مره حطي بفه صغيرونه وجذي عندج المواضيع بالمنتدى شكثرها يعلمونج شلون تسوين تسريحات حلوه بالبيت ولا تكلفج فلس حمر


اي اشتري عدسات كذا لون اخذي ماركه توتي رمادي غامج
وماركه فريش لوك بني اغمج لون عندهم
وهمن من فريش لوك رمادي مالهم حلوو بو ث3 الوان


ودايم كحلي عيونج وحددي خشمج مثل حليمه بولند وحطي على عظمه الخشم لمعه
وركبي رموش تلقينهم عند ابو اميه فلس اذا انتي كويتيه عند ابو اميه اخذي عشر بدينار لوووول وكل يوم ركبي
اذا من السعوديه اعتقد تلقينهم عند بوريالين بعد واخذي كميات واجد

والمسكارات مره حطي سوده مره زرقا مره خضرا مره بنيه العبي في وجهج بس لا تخبصين اهم شي المكياج يكون نظيف


لبسي تراجي(حلق) بالبيت وعلى كل فستان ترجيه تلوق له

واهم شي رتبي البيت تعطري دايم وتمكيجي دايم ولاتحطين دابر املا واهو موجود ولا ترا يبي يهج ويخلي لج البيت لوووووووووووووول لا اضحك


بس هذا اللي عندي اذا تذكرك اشياء ثانيه بجي اقولج

لحظه بقولج خلطه سدر للشعر

سدر وزبده وبيضه تخلطينهم مع بعض وحطينهم اكبر فتره ممكنه
والاحسن تحطين قبلها دابر املا يعني تدهنين شعرج بدابر عقب تحطي فوقها خلطه السدر والبيض
وبس تلاص خلصوو افكاري لو بس قايله شنو نوعغ بشرتج جان قلتلج شنو تستخدمين لها

بس عندنا بالكويت يمدحون كريم من العطار اسمه دالفور بدينارين من 3 يوم يتغير وجهج ويصير صفحه بيضا وصافي ومشدود




وسلالالامتووووووووووج والله يوفقج ياقلبيي

مشكورة حبيبتي