ساعدوني خواتي افكر في الطلاق من زوجي لاني مصدومه

خواتي مو عارفه من وين ابدا بس سالفتي سالفه لدرجه ماعاد اقدر انام او اضحك او اسولف قلبي مجروح لاني مصدومه من زوجي بقولكم الموضوع باختصار مع ان الي صار اكثر بكثير وارجو منكن خواتي ان تنصحوني وابغي رايكم بالموضوع
لاني حاسه اني مب قادره افكر ولا اتصرف

خواتي انا سافرت عند اهلي في الاجازه انا وزوجي بحكم اني متزوجه لمدينه ثانيه المهم زوجي بعد اسبوع من وصولي لبيت اهلي تغير ع الكل وصار مايحترم احد لا كبير ولاصغير ويتعامل معاي بقسوه ولا كاني زوجه صبرت وماقلت لاهلي في يوم ارسل رساله ع التلفون وقالي انا بتزوج
ماعطيت الرساله اهميه قلت اكيد يمزح الا كل يوم والثاني وهو يعيد نفس الموضوع لي تقريبا شهر ونص وهو بنفس السالفه اللي هي بتزوج وبعدد تناقشت معاه بعد ماعرفت انه صادق بكلامه قالي من حقي وكل معاي عددو قصده اصدقاءه وكل يوم يطلع لي بقصه يقولي قريت عن المععدين المهم قلت له انا تعبت وانا بقول لاهلي قالي قولي من حقي هذا انا قلت لما اقوله اني بفتح الموضوع قدام اهلي بقولي لا خلاص فتحت الموضوع قدام امي وابوي قالهم من حقي وقام من عندنا
والله لو تشوفو حالتي ماتهنيت بالاجازه المهم صارت مشكله وقالو اهلي خلاص وانا مابغيت ارجع خايفه واحس اني ماعاد اقدر اكمل وهو تغير معاي ماعاد يطيقني ويقول كلام مااقدر اقوله
لما عرف اني ماراجععه معاه حلف وقال لو ماتيجي انتي تحرمي علي اتصلت في شيخ وقالي ردي احسن واكسري اليمين لانه بعدين مايجوز ترجعي طبعا تدخلو اهل زوجي بالموضوع ورجعت مع ان اهلي كانو شايفين متغير وناوي نيه بس قلت ارجع يمكن يتغير رجعت لبيتي وقعدت اسبوع فتح الموضوع ويحن ويزن وقالي انا مافتحته عند اهلج الا عشان اشوف شي كنت ابغي اعرفه وزواج هو في راسي رضيتي ولا لا تخيلو سبع ساعات في الطريق ونحن رادين البيت وو بتزوج ولازم توافقي بقولكم ايش كان يقول

قالي انتي اختاريها واخطبيها وبطاقة الراتب عندك وبراضيج بمية الف ماادري من وين مع ان مصروفي ماكان يعطيني زي الناس
قلت ليش تتزوج وشو السبب وانا قلبي يتقطع قالي ابغي ارتاح ولا تبيني اروح للحرام تخيلوو ابا انوع اشكل من حقي قالي بعدل قلت ماعدلت وانا واحده فال بسفركم وبطلعك يوم وهي يوم وبسكنها بشقه قلت انت تتكلم عادي وماتراعي الله فيني قال حتى نفسيتي بتتغير بتشوفيني غير اضحك واسولف ومب نكدي يعني بجيب حرمه تساعدك فيني قلت له ماطبت منك انا قادره المشكله يقولي كلام يجرح ومايراعي ولايعتذر ولا يقول حرام اكسر بقلبها قلت شو صاير فيك قالي ابغير وحده اخذ منها مافهمت منه ايش يعني قالي انتي تاخذي مني تعرفون يقول كلام مرات ماافهمه لما اسله يقول افهمي انتي لان فهمج بسيط ودايما يقولي ابغي اتشبب

خواتي انا عمري28 وتقريبا من ست سنوات متزوجه

خواتي انا افكر هاليومين بالانفصال لانه ماوضح ولاقال خلاص ولا اعتذر ولاحتى يتعامل معاي كزوجه بس كله انتقادات ونكد ولاعاد فيه شي يونس قالي انا بتزوج لانه مللل بعدين وقتي بقظيه لكم الثنتين دخلت اهله قبل كم من يوم قالهم انا امزح ولو ابغي اتزوج ماراح اخذ راي احد والزواج مب حرام
ابغي ارتاح ابغي ترجع الثقه والالفه والمحبه لانوم لاراحه وخايفخ وحتى كلام بينااا قليل واذا تكلم اقول ياليته ماتكلم وع فكره كم مره اكتشفت انه يكلم بنات في الفيس بوك والواتس وغيره من البرامج وتلفونه لو يموت مايعطيني الرقم السري قالي مايخصك مع انه كان يحلف انه ماعنده ولما قلته له قالي عادي تسليه مافيه احد ماعنده في تلفونه




خواتي بكمل بعدين واعذروني اكتب بسرعه لاني مشغوله ولدي يصيح