ساعدوني ربي يساعدكم وماتشوفو اللي شفته

اولا احمد الله واشكره على كل حال فهو سبحانه الاعلم بما فيه خير لنا
انا اخذ دواء سبراليكس (مضاد للاكتئاب) ويوم عرفت اني حامل وكان وقتها لي 5 اسابيع وقفته لاني شاورت الدكتور فقال يسبب تشوه في قلب الجنين من كل 100 امرأه واحده يصاب جنينها بالتشوه (يقصد فتحه بالقلب ) المهم كملت الحين 3 شهور وانا بدموعي غرقانه من الاكتئاب والوسواس وقل النوم واشياء كثيره اشكيها لله فهو القادر انه يشفيني منها
الحين لازم ارجع للدواء وضروري جدا اخذه لانه تعبانه من الاكتئاب والقلق حتى امور حياتي البسيطه اعجز اني اسويها (معي كسل شديد بالغده الدرقيه ) ومع الاكتئاب صرت بفراشي مااقوم الا للحمام (اكرمكم الله ) وعيالي مااقدر حتى اجاملهم بابتسامه
الحين من استخدمته وانجبت طفل طبيعي لاني قرأت ان الطفل الذي يولد لسيدة تاخذ هذا الدواء غالبا مايكون عنده مشاكل بعد الولاده
تعبت مرات افكر بنفسي اخذ الدواء وارتاح ومرات افكر بالجنين اللي في بطني اخاف عليه يجيه تعب (وحسبي الله ونعم الوكيل )
وكل ماسبق بعد امر الله بسبب سحر من انسان او انسانه مااعرفهم ولاادري بايش ضريتهم وحسبي الله على كل من ضر اخيه المسلم