ساعدوني زفر الدجاج

السلام عليكم ورحمة الله وبركاته
الطريقة المعتمدة عندي الزفرة بالدجاج والسمج
1- بعد ماتغسلين الدجاج حطي عالدجاج عصير ليمون وثوم مدقوق وطحين حوالي قبضة يد
بعد نص ساعة غسلي الدجاجة وطبخيها كالمعتاد على حسب طريقتج
بصل مفروم عالنار وثوم ماجي بهارات برياني كركم ملح جزر مكعبات ماي حار لين تنضج

عشان يروح ريحة الزفر
اغسلي الدجاج زين بالخل وشيلي كل الاحشاء الداخليه
وبعد ما تحطيه على النار ويغلي شوي
اذا لاحظتي فيه شوائب بنيه فوق عايمه شيليها
لانها هي تسبب الريحه
وحطي معاها عود قرفه

نفس كلام الأخواااات ........وشوفي حبيبتي ترااا بعض أنواع الدجااااج له ريحه مااادري ليش انتي تحري يكون نوعيه زينه
ومعروووفه وبعدين احسن شي غسله با الخل ممتاز ....وحطي عود قرفه وكذا حبة هيل مع مويته مرررره ممتاز احس انه يقضي علي الريحه
وتقبلي كل الود

انا عقدتي ريحة الدجاج اكرهه
بس طريقتي الحمدلله اللي قضت عليها اني احط شوي خل وشوي ملح ليمون وافرك فيهم الدجاجة بعدين اغسلها زين واستعملها عادي ولا تبقى اي ريحة الحمدلله

حبيبتي السلام عليكم ...

عشان الزفر اذا غسلتي الدجاج حاولي انك تنقعيه بالملح الخشن والخل عشر دقايق تقريبا ..واثنا الطبخ حااولي دايما وانتي تحمسين البصل لازم يكون معه الفلفل البارد الاخضر لانه يمتص ريحة الزفر ويخلي الاكل لذيذ لا يقاوم ...

وتقبلي مروري