ساعدوني زوجي استغلالي و بخيل علي انا بس

زوجي للاسف كريم مع الناس و معي لا لاني موظفه شايل يده من كل مصروفاتي واحيانا يستغلني و يحشرني يقول مامعي فلوس مع ان راتبه زين 11 الف و نص عشان اشتري لبناتي او للبيت لانه مسرف و يخلص راتبه علطول و محاصر نفسه بالديون و القروض و للاسف عالفاضي و ان غبيه استسلم بسرعه لاني مااحب اطلب اكثر من مرة و في نفس الوقت مااحب شي ينقصني او بناتي او بيتي و هو استغل هالشي فيني يعني يشتري طلبات البيت و يسدد الفواتير غيره مافيه انا شايله نفسي و شغالتي واحيانا بناتي احس بالقهر و الذل و الاستغلال والي حطمني اكثر قريت عبارة للدكتورة ناعمه الهاشمي انه اذا لم يصرف زوجك ماله عليك سيصرفه على غيرك و سيبحث عن امرأه يصرف عليها لان الرجل عنده غريزة العطاء و الحمايه للانثى و بيدور ع امرأة يمنحها هذي الغريزة..... انقهرت ع نفسي كثير فعلا صادقه يصرف ع اهله و اصحابه و يتفشخر و يحب الناس تمدحه انا عارفه اني استاهل عودته ع كلام امي بس كيف اتصرف الحين و انقذ نفسي لي سبع سنين متزوجه و عندي بنتين كيف اغيرة و اخليه مسؤؤل عني و عن بناته بالاخص ابغا حل مدروس و مجرب لاني تعبت من الوضع و كل ماحاولت اقوله يكبر المشكله و يقلبها علي يستغل ضعفي لاني اسكت و انسى تخيلو يهدي لالخواته و انا لا الا ما ندر في السنه مرة و يحطمني يقول والله متسلف قيمتها من واحد ما عندي فلوس عشان لا اتعود عاد تنسد نفسي و اعيفها و مغير اثاث صالة امه و انا لا و مشتري لاخوة زوليه فخمه و بلازما و يوم قلتله و انا ابغا لبيتي قال اشتريها انتي و غيرها كثييييير صرت اكره الوظيفه و احسد الي بالبيت و كل شي متوفر عندهم سلايفي زيي و يمكن احسن جوالات و سفر و ذهب و خدامات و هم نايمين احس الشي الي اجيبه انا ماله طعم منه يكون غير بس ولا ع باله و مستغل اني احب الزين و الغالي و ادلع نفسي يقول مقدر اشتريلك اشتري لنفسك غير كذا اشك فيه لقيت في جواله مقاطع اباحيه في الواتس بغيت انجن و قلت ثقتي بنفسي للصفر و تحطمت انوثتي حسيت انه معجب بهالبنات الساقطات تمنيت اموته و كالعاده قلبها علي و لا قدرت اخذ حقي منه احسه عارف نقطة ضعفي و مستغلها صح لاني دايم للاسف مقدر اكون قويه علموني كيف اصير قوية و ملكة امري و اخليه يحسب لي حساب و ينفذ طلباتي؟؟؟؟؟ احسه قدر يمشيني و يعودني علي يبغاه  الله يخليكم ساعدوني انا في امس الحاجه الله يجزاكم الف خير