ساعدوني زوجي روتيني

السلام عليكم ورحمه الله وبركاته
اخواتي انا عندي مشكله اتمنى احد يساعدني في حلها
انا متزوجه من 4 سنوات تقريبا زوجي انسان طيب كثير علشان ما اظلمه حقه بس مشكلته الروتين الممل ما يحب يغير اي شي في حياته احاول اقنعه نطلع نتمشي يرفض احاول اعمل معه جو رومنسي الا ما اتفشل اخراتها مثل ذكرى زواجي الاولى رحت وقال لى ابى اسوي جو رومنسي ولعت شموع ولبست قميص اول ليله (قال ياهمي راح يتذكره) وجهزت عصير واستنيته يجي ويوم جاء كانت ردت فعله اكثر رومنسيه شفتها في حياتي دخل وسلم ولا كانه يشوف شي قلت يالله يابنت تنازلى والفتي نظره قلت له وش رايك قال حلو0 (بس) وجلس وبعد شوي قال لى طفي الشموع عورت عيني؟؟؟؟؟؟؟؟؟؟
الشموع تعور العين:10: :10:
المهم انا قمت وطفيتها وانا منقهره منه:( :(
ورميت الشموع في المخزن واخذت وعد اني ما اشغلها مره ثانيه وفعلا ما عاد ادري وينها
هذي قصه بسيطه من مواقفه الحلوه
احيانا احاول اقنعه نسافر طبعا يرفض خل نروح نتعشى في مطعم يقعد يتحمد الله ويقول وين نروح ما فيه مكان الواحد يطلع له هنا بالرغم اشوف العالم كلها تطلع والله ساعات اني انقهر اذا شفت وحدها وزوجها في سوق او مطعم او حتي في الشارع
وطبعا طلعت السوق معه هذي انساها مرررررررررره ولا في الحلم يطلعني
وحتى في المناسبات دائما افاجئه بهديه وهو عمره ما تذكرني حتي بنعله:22:
حتى في الاعياد انا اهديه في الاعياد في ذكرى وزاجنا بس اتصيد المناسبات علشان اهديه وكل ما اهديه يقول يووووووووه فشيله انا ما جبت لك شي:09:
ملاحظه هامه: لا تقولون عنه بخيل ترا ابعد صفه عنه هذي بالعكس بس دايم يقول انا ما احب ادخل السوق اشتري خذي فلوس اي مبلغ واشتري اللى تبين
بس بصراحه ما احب كذا حلوه الهديه اذا جت منه
وفي الفتره الاخيره مثل العيدين اللى فاتو بطلت اعطيه هديه قلت يمكن يلاحظ الفرق والله ولا دري

اخواتي اسفه اني طولت عليكم بس ودي نصيحتكم وش اسوي معه لاني انا الحين تاثرت صرت ما اهتم بالمناسبات ابدا بالرغم اني من زمان كنت انا اللى انسقها واهتم بها والرومنسيه هذي نسيتها او تناسيتها بس من فتره لثانيه احن لها بس اخذ على راسي:07:
انتظر ردكم بفارغ الصبر