ساعدوني زوجي قرأ مذكراتي

السلام عليكم
انا كنت طالعة برا البيت ولمارجعت لقيت زوجي يقول لي دخلتي الغرفة روحي شوفي فيه شي نسيتيه على السرير ..واشوف دفتر مذكراتي مفتوح
رحت سكرته ورجعته مكانه ...
الا يقول لي اذا تبي احجز لك موعد عند طبيبة نفسية قولي لي .

قلت ليش وش صار ..يقول كاتبة بمذكراتك انك تكرهيني ..وتخافين اتزوج عليك
ونادمة انك تزوجتيني وتشكين فيني وين اروح كاتبة اني اغيب ساعات طويلة .
اخ يالقهر قرأ كل الدفتر
انا كنت افرغ مشاعري بالدفتر وهو يعرف اني احبه
لكن ماوضحت له نقاط ضعفي والحين قرأ وشاف كل شي
عاتبته قلت له مايحب لك تقرأ مذكراتي خنت ثقتي فيك والأمانة اللي بين يديك .
قلت له الكلام من زمان مو السنة هذي وطبيعي اني بعبر لكن انت ايش عذرك تفتش حرام اللي سويته .
الآن أنا منحرجة من اللي صار
مادري وش كتبت بعد مابي اقرأ والفشل اكثر

تذكرت يقول كاتبة اني لازم اشوف سلبياته عشان اكرهه وافك تعلقي فيه .
واني لو انفصل عنه اتزوج سيد سيده

انا من كثر الضغط جالسه اواسي نفسي والله ادري كله هبد وكلام فاضي .
بس هو صار يضحك علي وعلى تفكيري.وبعدين نام وانا جالسة افكر كيف اتصرف كيف بقابله وايش اقول اذا رجع فتح الموضوع .
هو عرف اني ما اثق فيه واتساءل وين يروح يغيب وقت طويل خارج البيت .
فيه اشياء كثير كثير انصدم منها .
وش اسوي يابنات .

ساعدوني كيف ألملم الموضوع واحوله لصالحي