ام النواني @am_alnoany
عضوة جديدة
ساعدوني زوجي مكرهنني عيشتي
السلام عليكم كيفكم ياحبيباتي بصراحه انا اول مرة اشارك بالمنتدى بالرغم اني دايما اتابعكم بس بصمت المهم انا عندي مشكله مع زوجي وابي منكم حل وهي زوجي مكرهني عيشتي عمري ماطلبت منه شي ووافق حتى لو وافق بعد الزن والصياح والمشاكل حتى لو كان من اتفه الطلبات مع العلم اني مااطلبه ماديا الا في الشديد القوي لاني الحمد لله ربي رزقني يعني ما ابغى منه الا انه يقولي طيب لان صارلي خمس سنين من تزوجت وانا ما اسمع منه الا كلمة( لا) يقول الحريم مايجيبهن الا كذا لكن بالعكس احس اني صرت ابعد عنه اكثر واكثر مع العلم اني قايمه بجميع واجباته على اكمل وجه وعمري ما قصرت معه حتى هو يشهد بكذا ويقولي مافي زيك في هذي الدنيا وتراه يموت فيني ولا يبغاني ابعد عنه دقيقه وحده لكن انا تعبت وش الفايده ياخذ ولا يعطي يحبني علشان نفسه وبس لاني اكتشفت ان حصل مني زله صغيره يزعل عليها اسبوع لاني عودته ان كل شي يكون على اكمل وجه وعلى فكره حاولت ازعل اذا طلبت منه اي شي ورفض مايخليني ازعل ولا يوم واحد يراضيني بكل الطرق ومستحيل يخرج وانا زعلانه صرت ارضى غصب عني وهو يظن اني راضيه مادرى ان قلبي كل يوم يشيل عليه صارحته مره وقلت الدنيا اخذ وعطى بس مافي فايده ماكني اكلم احد حتى اولاده الثلاثه احس انه صار عندهم حاله نفسيه لا يطلعون مكان ويخافون من الناس لان طول وقته يصارخ فيهم ويضربهم مع انهم صغار لكنه مايتحملهم مع ان اكبر واحد عمره اربع سنين وتخيلوا الى الان ما يتكلم ولا كلمة وحده عرضته على دكتور وقال الخوف هو السبب فيه صرت احس ان حياة اولادي بعيد عن ابوهم ارحم واصلح لهم ماعنده اي اسلوب في التعامل معهم ماكنهم اولاده تناقشنا كثير عنهم وجبت كتب عن تربية الابناء واقراها قدامه بس مافي فايده مع العلم انه مستحيل يقرأ مثل هذي الكتب لانه يشوف انه مافي احد في اخلاقه وتعامله لكني اكتشفت انه عدييييييم الاخلاق اناني بمعنى الكلمه لدرجه انه اذا اكل وطفله طلب ياكل معه يطرده من جنبه او يحرقه بالاكل او أو ...اشياء تفشل استحي اقولها لكن الله المستعان دائما افكر بالطلاق لكن في شي يردني ما ادري وشهو اصبحت تعيسه لابعد درجه مايفكر فينا ابدا حتى جمالي راااااااااح نفسيتي تعبت انا بقدر اصبر لكن لما اشوف نفسيات اولادي ما اتحمل حراام يصير فيهم كذا باقي صغار ابوهم سبب لهم رعب صار ولدي اذا شاف ابوه يخاف ويحط ايده باذنه وتخيلوا اذا احد منهم طاح وتعور يجلس يضحك ويقولهم احسن بالله وش رايكم بهذا الاب كرهني وكره اولادي كل شي في الدنيا لكن الله يفرجها اصبحنا مثل الايتام لانعرف احد ولا نرى احد...ارجوكم لاتبخلوا علي بردودكم انا خلاص باانفجر:44:
15
1K
يلزم عليك تسجيل الدخول أولًا لكتابة تعليق.
قلبى معاكى ودعواتى لك بالفرج بإذن الله
شو هالانانية الحب فعل مو كلام وبس
والضحية اطفااااااال ابرياء
شو هالانانية الحب فعل مو كلام وبس
والضحية اطفااااااال ابرياء
الصفحة الأخيرة
لكن من قلبي
الله يعينك ويهديه يارب