عواطف تركي :

يا الله كأنك تتكلمين عن ناس اعرفهم مثل زوجك حركات وتصرفات اطفال وما يشتغل وابوه واهل زوجته هم اللي معيشينهم ويصرفون عليهم ومعطينهم سكن واكل وشرب مره تصادفنا بسفر وصارو اخواني مع زوجها يومياً انصدمو من تصرفاته زعل وطنقر وهم يتغدون قام شال صحن الرز وكبه على الارض ومره عياله فتحو الباب وهو يبي ينام قام معصب وكب دلة القهوه على الارض يا الله وش قد هالتصرف صغره بأنظار اللي شافوه ما منه فايده لدرجة حتى مشاويرها ومشاوير بزرانها اخوانها اللي بلشانين فيها مابقى احد ماجاب له وظيفه وتوسط له بكل مكان ويتهرب ويتحجج بأتفه الاسباب هو انطوائي ومو حمل مسؤليه ولا يبي وظيفه ولا يبي يحتك بالناس علاقاته محدوده بأصحابه واخوانه بالعربي خبرته بالحياه محدوده لانه ما احتك بالناس بوظيفه وتعلم المرجله ولا عاش تجارب تطلعه من بزرنته اللي عايشها والزوجه وضعها مثلك حملت كم مره ووقفت وهي اللي شالت المسؤليه ويوم كبرو عيالها الله رزقها وظيفه وتوظفت غصب عنه صارت تطنش كلامه وتسمع من اذن وتطلع من الثانيه واذا بدأ يبرق ويرعد ويحن ويزن تتجاهله تخليه يثرثر وتسكت وبنص الكلام تسوي نفسها تكلم عيالها وتنتبه لهم او تطلب منهم شي لغاية ما يخلص ثرثرته ويطلع هي تأقلمت مع الوضع وتعايشت معاه ورضت بنصيبها ان فلان خلاص ما منه مفر ولا راح يتغير وقررت تعيش حياتها وتتوظف وهو حقه كزوج كامل مكمل يجيه ماعليه قصور اما انتي مدري وش الحل اللي يناسبك انا لو مكانك دامها خاربه بستقوي واخذ حقي غصب ما هو طيب لان اللي يعيش ضعيف الناس تاكله وتدوس عليه او اخذها من قاصرها واسوي مثل هذيك الزوجه واتأقلم واقتنع بالواقع واتعايش معاه بحلوه ومره وبنفس الوقت اعيش حياتي واحقق طموحاتي واعتمد على نفسي الله اعلم واضح ان انتي صايره ضعيفه قدامه وهذا الشي خلاه يفرد عضلاته عليك ويأثر عليك حتى بالكلام ليش ما تقدرين تقولين لا ؟؟ ليش ما تقدرين تدافعين عن حقك وتوقفين بوجهه ؟؟ كل هذا خوف منه او خوف من الطلاق والرجوع بيت اهلك ؟؟ طيب متى بتعيشين حياه كريمه متى بتكونين راضيه ومبسوطه ، للاسف كذا حتى عيالك تأثرين عليهم بسلبيتك وضعفك لانك مو متقبله الواقع اللي عايشته وبنفس الوقت ماعندك شجاعه تفرضين شخصيتك ورأيك وتعبرين عن وجودك وكيانك الحل بيدك مو بيدنا احنا لا تظنين انك تقدرين تغيرين شخص عاش وتربى 30 سنه على هالنظام والاسلوب والشخصيه اللي مايعرف غيرها بالحياه لكن تقدرين تغيرين من نفسك لانك انتي اللي مو عاجبك هذا الوضع اما زوجك عارف نقاط ضعفك وجالس يستغلها للاسف تبكين تبينه يتعاطف معك ويطبطب عليك ويحتويك ؟؟ هو ذكي عارف هذا الشي وجالس يستخدمه ضدك عشان يشفي غليله ويحس انه منتصر وقوي وطلباته تكون اوامر مثل الاطفال جربي مره بحياتك كوني قويه من داخلك ولا تتجاوبين مع استفزازه وعطيه على قد عقله صدقيني كذا هو اللي بينقهر لانه ماقدر يستفزك ويقهرك مره بعد مره من التسليك وانك تعطينه على قد عقله بيحس انه سخيف وان حيلته اللي يمارسها عليك ماعاد تجيب نتيجه قال لك بأستفزاز خلصت الفلوس وانتي السبب خليه يثرثر وكوني انتي عقلانيه وناضجه وقولي له بهدوء طيب وش اللي تبيه ما فهمت شي غير توبيخ وهواش وماعرفت وش اللي تبيه مني عشان اعطيك اجابه تريحك لو صارت مواقف بالاماكن العامه تجاهلي الكلام ولا تكثرين معارضه وتتعاملين بعاطفيه تعاملي بعقلانيه ونضج تجنبي الدخول معاه في جدال ماله فايده اعرفي متى تنسحبين وتوقفين نقاش ومتى تسلكين له مثل الاطفال انتي حالياً قدامك واقع اعرفي وش اللي تبين وكيف تتصرفين الواضح ان انتي وزوجك ماعندكم نضج بالتعامل والتصرف وكل واحد يرمي اللوم على الثاني بدون محد فيكم يبادر بتقريب وجهات النظر والاصلاح والتعديل عايشين بحرب وصراع ضد بعض الله يشرح صدرك وييسر امرك ويفرج همك وكربك

يا الله كأنك تتكلمين عن ناس اعرفهم مثل زوجك حركات وتصرفات اطفال وما يشتغل وابوه واهل زوجته هم...