جزاكم الله خيروما قصرتوا نحن عوايدنا نحط الفطور كله كامل مره وحده عشان جذيه نحوس ع قولتكم
بعد طمعانه في مزيد من مساعداتكم
الله يهون عليك حملك وولادتك يارب ... لاتشيلين هم واول شي سويه القهوه سوي ترمسين ووزعيهم بالسفره ووزعي الفناجيل جنب كل ترمس 7 فناجيل والتمر وزعيه كذلك ... وحطي حافظتين لشوربه ووزعي صحون الشوربه مع الملاعق ... وباقي الاطباق السمبوسه واللقيمات من برا وزعيها والافضل حطي السفره كامله وريحي بالك... شلت هم تصدقين اكثر منك والله تذكرت يوم كنت بالتاسع الواحد يالله يشيل نفسه ويتحرك:09: ..الله يعينك واحتسبي الاجر تفطير صائم .
الصفحة الأخيرة
في البدايه التمر موزع على السفره وكذالك الحلى سواء اللقيمات والجبنيه وغيرها من هالأكلات الحاليه موزعتها بحيث كل شخصين قدامهم صحن تمر وصحن لقيمات وصحن00000الخ
وطبعا قهوه والعصاير هاذا قبل الصلاة
ومن بعد مايرجعون من الصلاة تكوني مجهزه السفره
بالنسبه للأطباق الرئيسيه خليها زي ماهي
اما الأصناف الثانيه مثل السمبوسه والفطاير وغيرها وزعيها في اطباق صغيره يعني من كل نوع 3-4حبات وخلي بين كل رجالين صحن منوع منها
وإذا كنتي بتحطين سلطات نفس الشي وزعيها في صحون صغار بحيث كل رجال يلاقي قدامه صحنه منوع
والشوربه خليها أخر شي بعد ماترتبي سفرتك إغرفيها وخلي قدام كل شخص شوربته
والحلى إذا كنتي بتحطين حلى سفره انصحك بالكريم كرمل لأنه الوحيد إلي يحبونه الرجال بعد الفطور وخليه من البدايه في أطباق صغيره خاصه بالكريم كرمل وممكن تريحين راسك وتجيبينه جاهز وقلبيه في صحون صغيره
والله يعينك يااارب ويقويك وحتسبي الأجر بتفطير صايمين
وخلي لسانك طول مانتي تشتغلين عامر بالتسبيح وذكر الله وراح يعينك رب العالمين
أتمنى أكون أفدتك ولو بشي بسيط