والله كثير قالو اقري سورة البقره وكثري من الاستغفار والله العظيم اني من حملت اقرى القران واستغفر بنيه الولد والحمد لله ماني ياسه من الله واجابته لي لانه هو العاطي والرازق...

والله يرزق كل من ردت علي بذريه الصالحه....يارب ويصخر لها زوجها ويجعله ما يشوف غيرها بدنيا.

الله يرزقك ويرزقني ويرزق كل من تتمنى الولد الصالح المعافى ...

الله يرزقك ويرزقني الولد الصالح المعافى ...

يالغاليات والله ان كل الرجال يبونه ولد بس الذكيه اللي تعرف تلين راس زوجها
انا بقولكم وش سويت
أنا بكري بنت ومن حملت كان يلمح للبنت وانا ادري من قبل الحمل انه يمووووت بالعيال
عاد أنا من سويت السونار وقالت لي بنت طلعت من الدكتوره وسألني وش سويتي ورديت عليه بونااااااسه
الحمدلله الدكتوره تقول كل شي طبيعي والبيبي بصحه ممتازه بس أنا زعلانه عليك وأصد عنه بدلع
وهو استغرب وش فيك وانا أقوله انت أدرى ويحاول معي وبعد ما نشفت دمه بس طبعا ما طولتها
قلت كنت دايم أتمنى ان بكري ولد وانت عطيتني بنت والحمدلله هذي نعمه غيرنا مهو محصلها
وهو يسكت وانا أقوله أسمع ان شاء الله الحمل الثاني أبيه ولد
وقال أنا وش دخلني
قلت ليه ياشاطر انت ما تدري ان اللي يحد الجنس هو الرجل بعد الله سبحانه
وانا اضحك وقلت يمكن ما بك الا بنات وانا اضحك
وهو يقول وش هالكلام الفاضي هذا رزق من رب العالمين وهذي نعمه الحمدلله والشكر عليها
وان ارد طبعا أهم شي الصحه والعافيه
يعني بالنهايه خليته هو اللي يقول الكلام اللي أبيه بس بأسلوب ذكي
والله انه من يومها ما عاد يطري هالموضوع ولا يفرق بين بنت وولد
ودائما أتكلم معاه عن ان فيه حريم تحمل ورى بعض بس علشان الولد وبالنهايه تكون جابت شلة بنات تحت بعض وتعبوا بالتربيه والمصاريف واخرتها الولد ماجاهم
وش استفادوا لو قانعين باللي عطاهم ربهم كان الله رزقهم الولد

والله يا بنات انه اذا شاف حرمه حولها بنات ويقول الله يرزقها الولد هذي أكيد رجلها مجننها يبي ولد ما يدرون ان الله متى ما شاء يرزقهم

وبعدها حملت بالطفل الثاني ما سأل عن جنسه ولا أهتم كان يقول ليتها بنت علشان تلعب مع بنتي
وسبحان الله كان ولد
والحين انا حامل وهو يقول انا حاس انها بنت ولا مهتم بغير صحتها بس يفكر بالأسم
وانا للحين ما ادري بنت والا ولد والحمدلله أهم شي الصحه والعافيه


والله يرزق الجميع اللي يتمنون بنت أو ولد

والله يرزقك بولد سليم معافى