راجحه
الله يعين الجميع انشاء الله ويجزانا جميعا الاجر والثواب

دايم ضايق صدري
ايه واله مثلك احيانا البيت قايم قاعد وانا ادخل الانترنت ابي انسى اسلي نفسي بدل الزحمه الي ماليهراسي والاشياء المتراكمه وراي الله يعينا جميعا

ارام
مشكوره حبيبتي على الرد الي استفدت منه كثير ايه والله الموضوع صاير على حساب الجميع ماهو ما خذ حقه الاولاد ابي اخلص شغلي معاهم سواء بالاكل او المذاكره علشان بس اروح لشغل البيت وبنتي الصغير المسكينه الله يهديه انشاء الله كانت هادئ ويا حليها تسمع الكلام صارت ترمي الاغراض تحب البعثره وتصرخ مثل اختها
فكرتك حلوه انه الجدول يكون تحت سريهم علشان يكون دائما تحت نظرهم الانهم اغلب الوقت في غرفتهم
فكرت المقعد الشرير ما تصلح حق لكبار ما بيرضون يسمعون الكلام
وكلامك عن لصراخ انا بحاول اطبق كلامك ترى انا ما اصارخ كثير دائما يقولون لي باااارده مع اولادي

ابوهم بصراحه قليل ما يشد عليهم احيانا يشد عليهم من نفسه واحيانا انا اقول له روح عصب عليهم لأنهم ما يسمعون كلامي بس من اليوم ورايح بتبع نظام جديد وياليت كان الكلام هدا من قبل
الخادمه زوجي رافض الفكره تماما يقول انا ما احبهم ولا احب اجلس في مكان فيه خدامه واذا عصب وقال البيت فوضى اقول له قلت لك جيب شغاله يقول والله مو هذا الحل بيت صاحبي عندهم 6 اولاد ولا عندهم خدامهم ما اروح الا بيتهم مرتب حتى لو رحت بدون اتصال
ما طولت حبيبتي والف شكر على نصائحك وراح اطبقها اكيد قبل ما يفوت الوقت مثل ما قلتي

leeana
مشكوره على النصائح الروعه الصدقين ولا مره فكرت اني احرمهم من السوني والكمبيوتر بس خلاص شورتك وهدايه الله اوريهم انا ههههههههه
والله لاعبين علي ولاهم مهتمين فيني لو اموت من التعب انا اقول اطفال ما ابي اتعبهم بس الحين كبرو
مره كلمت مرت خالي وأولادها كبر اولادي قالت والله اخليهم ينظفو غرفتهم قلت في نفسي ليه انا ما اخليهم بعد
فكرت اختيار مكان اطلعه والله حلوه حتى زوجي عجبته وعاد هم يموتون في ابو ريالين بس عاد ساعات يتكبرون عليها يقلون تلعبين علينا نبي شيء عدل
قلت بخلي الاسبوعيه من ابو رالين والشهريه شيء غالي

مشكووووووووووووره حبيبتي ما قصرتي

ام حصوصي الحلوه مزايا انسانه
الف شكر على الوصلات
راجعه لكم بكمل الردود بعد اشوي علشان بناتي عفسو المكان

ضوء القمر
الف شكر على ردك الرائع
الصدقين ولدي الي عمره 8 سنوات يحب يساعد في مسح الجدار والدوليب ويغسل الصحون بس انا الي انهيه اقول له انت تبي تلعب بالصابون وبس ما ابيك اتغسل ويزعل مني لان يعمل لي المكان فوضه مع انه الصدقين يغسلهم زين بس يبلل المكان والصابون على ملابسه و حالته حاله بس دام فكرك كذا بعدين ينتظم خلاص بخليه يرجع يغسل
اما الكبير فلو يموت من الجوع ما يعرف حتى ياخذ له خبزه ويحط عليها جبن والله يدور وراي ماما اعملي لي سندوتش جبن اقول له انت الحين في صف رابع ما تعرف تدهن الخبزه بالجبن يقول ما اعرف حتى الغداء انا الي اكله ما يعرف ياكل لوحده شكلي دلعته كثير بقية اخوته حتى الصغيره ام سنه واربع الشهور صرت اخليه تاكل لوحده حتى لو خلت المكان فوضى
انشاء الله اطبق كلامك وأسالك الدعاء