حبيبتي اتفقي مع الحبوش اللي تنظف وتروح تجيكي كل يوم تنظف وتروح
الزم ما عليكي راحتك وترا ذي النوعية من الخادمات يجلسون مايبدلون بيوت
زي اللي يجلسون عندك في البيت
والمواعين جيبي بلاستيك يستخدمونه وانتي في الدوام ولمن تجئ كل شئ في الزبالة
و الغسيل يوم تغسلي و الشغاله تكوي
أما الزوج كل الرجال نقاقين سواء كانت الزوجة موظفه أو بالبيت
اهم شئ احتسبي الأجر عند الله سبحانه وهو بيبارك لك في وقتك ويهدي زوجك

اولا الله يفرج همك
ثانيا احيي فيك اجتهادك في انك تحاولين توفقين بين شغلك وبيتك
واستغنيتي عن الخادمه خوفا على اطفالك
ثالثا و انا اختك صلحي جدول بإذن الله ترتاحين
لأن في أشياء مو ضروري كل يوم
مثل غسيل وكوي مو ضروري كل يوم
جمعي غسيلك وكويك في الاسبوع مره اغسلي واكوي حق اسبوع كامل
وخلي غسالتك اتوماتيك مريحة جدا حطي فيها كل الملابس
وحطي الصابون وشغليها
هي تحط المويه وتوزنها تمام وهي تستغل وتوقف وتجفف وانتي مرتاحه
وان بغيتي في الاسبوع مرتين
استحمام اطفالك يوم بعد يوم
الاطفال مايفًرزون ريحه زي الكبار الله يخليهم ويحفظهم
المواعين جيبي غسالة مواعين تحطين فيها كل المواعين قبل لا تنامين واتركيها شغاله وروحي نامي
تصحين الصباح تكون معقمة لك المواعين وكل شي فيها ماشاء الله يلق
شطف سيراميك بيوم اجازتك
كنيس كل يوم عشان حوسة الاطفال
بالنسبة للطبخ فرزني الفرزنه تخدم ست البيت
اشياء كثير بإمكانك فرزنتها

اما بالنسبة لزوجك ماعليك منه يبي يحبطك لأنه يمكن يبيك تتركين وظيفتك
او يمكن دخل بنفسه شيء من الغيرة من نجاحك وتوفيقك بين كل الأمور


رابعا اجعلي لنفسك يوم راحة مهوب نافعك زوجك اذا عجزتي قبل أوانك

خلي هاليوم لك انتي واطفال تمشي استانسي غيري جو

واذا تكلم قولي له بيت مملكتي لا تتدخل في ادارتي لمملكتي



و الله يعينك ويوفقك يارب

لفت انتباهي شي بردك تقولين زوجك يقول غاليه وانتي ماشاء الله راتبك وراتبه كويس جيبي اللي بالساعه اذا طلع زوجك للدوام او جيبيها الخميس من الظهر للمغرب واتفرغي لزوجك ليلة الجمعه ويوم الجمعه كامل وتعاملي مع وحده تطبخ اهم شي ريحي نفسيتك ضروري من اجل صحتك وصحة عيالك ونفسيتهم

وبعدين تذكرت نقطه معليش غلط زوجك ينام الظهر ويخليهم لحالهم الله يستر

الله يعينك يارب ويقدرك علا حياتك بضبط نفس اختي بس اختي

قدرت تسيطر ع بعض من تنظيف منزلها وترتيبه يعني اول ماتجي من الدوام تجيها شغاله سعوديه طبعاآ تخيلوا

تنظف لها البيت ترتبه تغسل ملابس تكوي وتاخذ من اختي ١٥٠ ريال بس

وكل ماحتاجتها اختي تجيها والله حلو اذا بتلاقي زيهم يجوك بنفس اليوم ويروحوا


والله يعينك

للرفع

والله ما عندي ما نقلك هذوهما الرجال و انا مع قول الاخت الاولى الي قالت لك احتسبي اجرك على الله و بس

يعني انا الي قاعدة بالبيت لا شغل و لاشيئ و بيتي دايما حوسة و حاسة بتعب شديد جدا و الم في قوائمي و كل ما احاول ارتب البيت احس بثقل و تعب شديد لدرجة اني مان احط راسي بالوسادة انام

سامحيني تهت عن بيت القصيد ربنا ييسرلك امرك و يفرجها عليك اختي ربما يلزملك تعملي جدول دقيق جدا يعني تعملي فيه كل شي و تنظمي حياتك و امورك بيه و الله اعلم
ربي يفرجها عليكي