ساعدوني شرايكم هذا الدايت رح ينحفني

صعب مرة احتمال ماتستمرين وين الخضار والفاكهة ومنتجات الالبان

ألف مبروك مقدمًا والله يتمم لك على خير..


أهم نقطة شيلي من بالك الميزان حاولي قد ما تقدرين تتجنبينه لأنه بيتعبك نفسيًا
واحتمال كبير يحبطك ويضعف إرادتك.
فاستبدليه بالقياسات سواء بالمتر أو بلبس ضيق عليك
يكون هو معيارك الأساسي في رحلتك لخسارة الوزن.

نظامك الغذائي لا بأس فيه لأنه نظام الصيام المتقطع بتصومين لـ17 ساعة
خلالها تشربين فقط سوائل خالية من السعرات الحرارية
والفترة المفتوحة 7 ساعات ومهم جدًا تحسبين عدد سعراتك الحرارية لخسارة الوزن
لأنها هي اللي تحدد نجاح حميتك من فشلها.
وبرضو مهم جدًا تكون وجباتك غنية بالفيتاميات والمعادن وشاملة لجميع العناصر الغذائية
البروتين ,الكربوهيدرات,الدهون الصحية.
لتكون خسارتك للوزن صحية وما تأثر على صحتك الداخلية ومظهرك الخارجي.
إضافًة وجبة الفطور ووجبة العشاء لا تحصرينهم بالكورن فليكس والحليب
أولًا الروتين بالوجبات راح يمللك ويكرهك بالحمية .
ثانيًا ماراح يغطون احتياجات جسمك من الفيتامينات والمعادن.
فتفنني شويات في وجباتك ودلعي روحك ضيفي فواكة وخضار
نوعي بمصادر البروتين والكربوهيدرات الصحية.


ولا تهملين ممارسة الرياضة من مقاومة وكارديو
بيختصرون لك الوقت ويشدون ويرتبون جسمك ويعطونك ظاهريًا وزن أقل من وزنك الحقيقي.


والله يقويك ويعينك وتوصلين لهدفك وإنتِ بخير وسلامة.

احس ان نظامك متعب وممكن يجيك خمول وارهاق وشحوب ويثبت وزنك او تطفشين منه وتجيك شراهه قويه للاكل

الفطور كورن فليكس وحليب كويس بس اذا طفشتي منه كلي ربع خبز او صامولي او توست بر اسمر بس لا تكثرين وكلي معاه ملعقه لبنه او جبنه وضروري يكون معاه خياره او شرايح خس وحبة طماطم صغيره عشان يحسسك بالشبع .
والغداء كلي من اكل البيت نص الكميه اللي تاكلينها قبل بس انتبهي من المقالي والدهون والشحوم والزبده لانها اساس المشكله وتنفخك على الفاضي حتى لو اكلتي كميه قليله .
وقبل الغداء والعشاء ضروري تاكلين طبق سلطه خضراء سواء جرجير او خس او فجل مع خيار وليمون يملي معدتك ومايسمن

ولو تاكلين ايدام خضار غير نشويه وبدون زيت مثل الزهره القرنبيط والبروكولي والكوسا والباذنجان راح تحسين بالشبع ولا راح تسمنين ابداً لان سعراتها الحراريه قليله جداً

والعشاء تقدرين تسوين لك شوربة خضار شوية بصل وكوسا وجزر وكرافس وماشروم كميات بسيطه من كل نوع ومرقة دجاج للنكهه برضو ماتسمن وتعطي جسمك الياف وماتحسين بالملل والارهاق



خذيها قاعده اللي يسمن هو النشويات مثل الرز المكرونه المعجنات البطاطس الذره البازلاء والزيوت والدهون والزبده والاكل المقلي بشكل عام والمايونيز والطحينه والسكريات والحلويات هذول كلهم قللي منهم قد ماتقدرين

اما هذي الاكلات ماتسمن اذا اكلتيها بدون زيوت الكوسا والباذنجان القرنبيط البروكولي الباميا الجزر السلطات الخضراء خس فجل جرجير سبانخ خيار طماطم كراث كلي منها طبق راح تشبعين بسرعه

والعدس ممكن تاخذين منه كميه بسيطه وتطبخينه مع خضار وتاكلينه كوجبة او شوربه مشبعه للعشاء او الغداء كتغيير

وبين الوجبات اذا حسيتي بالجوع كلي سلطه خضراء او تفاحه او كوب شوربه

واكثري شرب الماء عشان يسد شهيتك

ولا تهملين الرياضه هي اللي بتحسسك بالفرق في جسمك وافضل رياضه هي الزومبا 20 دقيقه زومبا افضل من ساعه مشي بطيء الزومبا تنحف اسرع لانها تخليك تلهثين وتحرك كل جسمك كذلك تمارين الاستب والخمسه ميل

لا تفكرين كم لازم تنحفين ، توكلي على الله وخليك على نمط غذائي صحي خفيف مع رياضه وبتلاحظين نتايج حلوه

اهم شي الرياضه لاتنسين عشان جسمك مايترهل

فعلا الرياضه والماء ضرورى تشربي لترين او ثلاثه