ساعدوني ..شسوي مع بنتي؟؟

اناا بالنسبه لي أخليها تصيح شويه و اشتغل شويه وعلى هالحال
بس ليش ما تحطينها في المشايه و تحطين مخده عشان بعدها صغيره وخليها تنشغل بالالعاب

او الغاليه اشتري لها من محل بيبي شوب هذا مال الصوماليين الحماله حطي بنتج من جدام طبعا و نظفي البيت

ماانصحك يااختي انوار البحرين انك تعودينها على هالشي يعني لاتكونين دايم مقابلتها
معليش اتركيها تصيح اهم شي بنتك ماتغشى لما تصيح
اتركيها تتعود مره مرتين لما يكون شي عادي واذا هي تجلس عوديها على المحبس (اللي يكون مثل الشبك تجلس داخله) وامليه العاب لها واتركيها بالساعات تلعب فيه
بس اهم شي لاتعودينها انك تكونين معها دايم

نصيحه مني روحي لمحلات (مركز التعليم المبكر ) للاطفال يعطونك لعب تناسب عمرها
وخاصه ركزي ع الاصوات
وحاولي تشغلينها بالتلفزيون من الحين ركبي المجد فيها قناة اطفال

وبعدين مايضرها تبكي خليها تبكي اذا متأكده مو جوعانه اوحفاظ وطلي عليها من فتره لفتره

والله يصلحها لك

* اذهبي لمركز العاب ووفري لها مجموعه من الالعاب آمنه
ومناسبه لسنها وبنفس الوقت تطورها وتشدها.
* ضعيها في المشايه وحاولي ان تجعليها تتواجد بنفس المكان
الذي انتي فيه.
* من الواضح انك عودتها على تواجدك المستمر حاولي ان تخففي من ذلك بالتدريج وبالاسلوب المناسب وان تعوديها على الانشغال بالالعاب وترفيه نفسها بنفسها فتره بسيطه من الزمن ليتاح لك
القيام بمهامك اليوميه.
* حاولي ان تخفي عنها بعض الالعاب لعدة أيام لتظهريها لها في وقت آخر حينما تريدين تركها والطفل في هذا السن يعتقد بأنها جديده.
* بصراحه انا تماماًضد تعويد الطفل على التلفزيون وتركه امام شاشة العرض في هذا السن المبكر جداً والافضل تشغيل الكاسيت بصوت قرآن لان هذا السن سن تخزين ورصد ومن الافضل شحنه باكراً بالقران افضل من غيره.
* اذا كانت طفلتك قد بدأت بالجلوس وتمكنت منه تماماً احضري
لها العاب مائيه وملئي وعاء صغير جداً وتركيها تلعب به مع ضرورة تواجدك في نفس المكان وان تتأكدي تماماً من نظافة الالعاب والماء لانه من المؤكد ان الطفله ستضعهم في فمها.
* حاولي ان تضعيها في مفرش ملون بألوان زاهيه جداً وان
تحيطيها بالالعاب الملونه والمختلفة الحجم واللون والملمس.
(مع ضرورة التأكد من امان تلك الالعاب بحيث لاتكون صغيره جداً
او ذات حواف حاده ) عموماً حاولي ان تطلعي عليها كل خمس دقائق دون ان تلحظك لان الطفل في هذا السن قد يؤذي نفسه من اشياء لاتخطر على البال.