ساعدوني شو أسوي ويا ولدي؟؟؟؟

السلام عليكم ورحمة الله وبركاته

أخواتي ولدي عمره 4 سنوات و4 شهور وهو في روضة ثاني...مشكلته إنه من يوم ما دخل المدرسة يعني من العام في الروضة أول.. وهو مش إجتماعي يعني ما يتكلم مع زملاءه ويتكلم مع مدرساته بالهمس يعني ما يعلي صوته ويتكلم عادي...بس ما شاء الله عليه في المستوى الدراسي جيد جداً يعني يسوي كل الأشياء اللي يطلبونها منه إلا الكلام يعني يلون ويلعب ويرسم...لكن ما يردد مع الطلاب الأناشيد والأرقام والأحرف اللي يتعلمونها مع المدرسة...بس يحفظها ويقولها لي في البيت...وهو في البيت حركي ومشاغب بس في المدرسة لا...مع العلم إنه يتصرف طبيعي وعادي مثل كل الأولاد إذا اخذته لزيارة أو مكان فيه أولاد من سنه ويلعبون معاه..

وهذي السنة يسوي نفس الشي...مع العلم إنه يقولي أنا ما أبغي أتكلم في المدرسة..يعني هو يسوي هذا الشي بإرادته...وهو يحب المدرسة وايد...أنا طلبت من مدرساته إنهم يركزن معاه على الناحية الإجتماعية واللغوية...

أخاف يستمر هذا الوضع معاه في كل المراحل الدراسية ويأثر عليه في مستوى دراسته

قولولي شو أسوي وياه...