ساعدوني ضروري انا بمشكله مع زوجي

السلام عليكم ورحمة الله وبركاته

انا ماراح اطول عليكم وبدخل بالموضوع بسرعه

انا زوجي عصبي حييييييييل لابعد حد يبيني افهمه من اول كلمه يقولها يعني يبي زوجه ذكية ونبيهه تفهمها وهي طايره وانا ماادري شنو فيني صار فيني تبلد من عصبيته ماعاد قمت اركز هو طيب وحبووووووب والحمدلله مو مقصر معاي بشي بس عيبه العصبيه اللي تقريبا بدت تقضي على حياتنا الزوجيه انا عندي بنتين وحامل الحين طبعا اذا عصب كلام بذيء يقوله لي وانا هالكلام مااحب اسمعه المفروض يكون في احترام متبادل بين الزوجين انا هالشي ماحسيته معاه على طيبته وكل شي ابيه يسويه لي بس شيفيد اذا لسانه متبري منه يكفي الكلمه الحلوه تسمعينها من زوجك

مشكلتي اني الحين صار اذا عصب على اي شي صرت مااسكت ارد عليه ليش تعصب ومايحتاج هالعصبيه ومن هالكلام كلمة مني وكلمة منه صار عندي رد فعل لا ارادي من كثر مااحس اني زهقت من عيشتي

عمري مافكرت اطلع من البيت طبع زوجي اذا تخانقنا يطلع من البيت يرد ولا كأن شي صاير


هالمره انا ماعاد قمت اتحمل صار بيني وبينه نقاش حاد على امر جدا تافه قالي الحياة وياك تقصر العمر طبعا رديت عليه وقلت لا والله الحياة وياك انت تقصر العمر قال الباب يوسع جمل اذا مو عاجبتج الحياة قمت اخذت اغراضي وطلعت برا البيت وهو مايدري دق علي قال وينج قلت بالطبيب بودي بناتي وكنت فعلا رحت الطبيب وبعدها بروح لاهلي قال ليش تطلعين من غير اذني قلت طلعت وماني راده البيت قال منتي راده اوكي يالله باي

طرش مسج وقال اعرفي شغله مثل ماطلعتي بكيفك راح تردين بكيفك

انا صارلي يومين عند اهلي وامي تحن علي ارد البيت لان بنظرها الرجال مو مقصر معاي وماصار شي بينا يستدعي اطلع برا البيت

شوري علي الله يجزاكم خير شنو اسوي والله محتاره