ساعدوني عجزت افهم هالرجال

السلام عليكم ورحمة الله وبركاته
خواتي انا حابه استشيركن بشي واللي تعرف ببوصله الشخصيه يليت تعرف وش شخصيه زوجي
انا متزوجه من 4 سنوات تقريبا وعندي طفلين زوجي اكبر مني ب7 سنوات وكان مطلق من اول من اخذته عندة اهله شي مهم وضروري بدرجه جنونيه يعني تبيني احترمك واقدرك احترمي اهاي وقدريهم وانا الشهادة لله ماشفت من اهله شي امه طيبه معي وابوة وخواته مثل خواتي بالعكس دايم اهديهم واشتري لهن ولاعمري خبيت عنهم شي حياتي مكشوفه وعمتي تبيني اكثر من حريم عياله راح اعطيكم صورة عن حياتي علشان تفهموني طبعا زوجي من اخذته ممنوع مطاعم وممنوع تمشيات وممنوع سفر وانا اشترطت بالعقد اني اكمل دراسه واتوضف خلاني اكمل دراستي وحرمني الوظيفه بحجه اطفالي وانه مايبيني اشتغل وسكتت وصبرت زوجي من النوع اللي مايقصر على اطفاله بشي مرفههم اخر ترفيه كل شي يطلبونه يجيبه لهم ولايقصر على نفسه بشي بس بالمقابل انا ولاعمرة فكر وقال تبين ملابس او امشي اوديك السوق او محتاجه شي لا من اخذته عمرة ماسواها انا اذا رحت لاهلي انزل السوق واشتري مع اخوي وانا كنت اسكت لانه يقول انا مامعي فلوس والشي اللي عجزت افهمه من اخذته مايبيني اتواصل مع احد لاصديقات لا اقارب ولاشي غير رقمي وقال لاتتواصلين مع احد وكل مازعل قال انتي خربوك خوياتك والان لي كم سنه ماشفت احد غير اهله وكل اسبوعين اروح لاهلي يومين او ثلاث يعني حاصر حياتي على اهلي واهله قبل كم يوم كلمتني وحدة قالت بجيك وانحجرت وقلت لها حياك الله وجيت استأذنه والله يابنات قلب علي البيت سب وشتم واهانات وكلام وصخ واخذ جوالي يفتشه وحذف البرامج حتى الواتس وخلاني امسح كل الارقام اللي بجوالي بس ارقام اهله وامي وابوي اهاني كثير ويتكلم بامي وابوي وكلام وصخ حسيت نفسي كرهته ودعيت عليه ويحاول يقولني شي ماقلته علشان لو رحت لاهلي يقول قالت كذا وكذا مثلا يقول انتي ماتبين خواتي ولاامي اقوله شدخل امك وخواتك بالموضوع يقول انتي تقولين تعبت مع هالانسان ماني عارفه كيف اجاريه انت بنت اجتماعيه ومحبوبه من الناس وهو من اخذني سكر علي الان من ذاك اليوم ذبحني ضرب واهانات كرهت كل شي وانا مازعلني رفضه للبنت تزورني قد كلامه علي واعلى اهلي مع ان اهلي مقدرينه ومحترمينه وانا عمري ماشكيت منه عند اهلي بالعكس احاول مااجرح فيه لانو ابو عيالي واسكت الان لنا اسبوع مانكلم بعض وانا انام عند عيالي بس صار يدور علي الزله علشان يرجع يهاوش ويضرب هو فيه صفات زينه ماانكر هالشي اشوفه يوقف مع اخواني بأمور ويتواصل مع ابوي ولاعمرة غلط علي قدام احد ويمدح اهلي قدام اهله بس لسانه وصخ من يزعل ينسى كل شي وانا بطبعي حساسه جدا وابكي وهو يزيد علي ساعدوني اللي مثل كذا شلون اتصرف معه