ساعدوني، عذابي مع أدوات ومواد التنظيف

بنات نتمنى تفيدوني بمكان تخزين أدوات التنظيف عندكم، زي المكانس العادية بجميع أنواعها، الشطفات، المكنسة الكهربائية تاخذ حيز، ممسحة الأرضيات، المناشف الخاصة بمسح الغبار، جهاز تنظيف النوافذ.
وكذلك المنظفات بجميع أنواعها أغلبها تنباع عندنا في علب كبيرة تصل 5 لتر وكلها تحتاج مكان واسع.
والله احترت فيهم ماتقوليلي مخزن لأن ماعنديش وما أحبه نحسه سبب تجمع للأغراض الي ماليها داعي.
ما تقوللي منظمات الحمامات لأن حماماتنا ، صغيرة وأساسا المنظمات الي تنباع صغيرة ما ترفعش المكنسة الكهربائية الي تاخذ مكان واسع.
عندي زاوية قريبة على المطبخ وبعيدة عن مكان الضيوف نبي نشري اي شي نحطهم فيه فكرت بالدولاب المتنقل بس منظره بشع جدا😨وحتى ماما ما عجبتها فكرتي عندها حق حتى اني مش مقتنعة أصلا، وحرام نشري دولاب خشب صغير أنيق ح يكلف وفي الأخير بنحط فيه أدوات ومواد تنظيف،و ماعندي بلكونة نخزن فيها لأن بيتنا أرضي.
محتارة نتمنى تساعدوني بحثت في اليوتيوب مالقيت، نحب التنظيم وحاليا مواد التنظيف مقسمتهم بين الحمامات اكرمكم الله ، وشكلهم معقدني مهما رتبت مش عاجبني والمكنسة الكهربائية حاطتها بزاوية بجانب المطبخ حارقتلي دمي.
اعطوني اقتراحاتكم ، الله يسهل أموركم🌹🌹