بنـــوته :

اهم شئ غرفه النوم والتجديد فيها مطلوب عشان مايمل الزوج ودام انج توج عروس قعدي يوم في البيت لاتطلعين واشتغلي على غرفتج رتبيها تقدرين تشترين ستاندات اللي على شكل رفوف حق الكريمات وتحطينه في الحمام الله يعزج او طاوله فيها رفوف حق الكريمات وهالسوالف اللي مضايقتج حطيهم في الحمام وسويلهم مكان وخذي مجموعه علب من اي مكان العلب متوفره في كل مكان تقدرين تحطين الارواج والقلوسات في علبه والظل علبه والاكسسوارات عليه يعني تنسقين وحاولي لين ييتي ترتبين غرفتج تغيرين مكان السرير والتسريحه عشان يتفاجئ زوجج وبعد علقي لوحات وحطي صوركم يوم العرس حطي ابجورات فخمه وفي في هوم سنتر بيبعون ورد تقدرين تعلقينه على السرير بيعطيه منظر حلو وبدلي الملحف وحطي مفارش على الكومدينو والتسريحه وحطي شموع وحركات وعطري الغرفه وبخريها واهم شئ عطر السرير وممكن تحطين الليت في الابجوره ملون احمر او اي لون على لون الملحف وقطعه سجاده حلوه حاولي تنظمين كل شئ مكانه وحطيلج شماعه عشان لين قمتي من النوم ماترمين ملابسج على الاقل تعلقينهم على الشماعه لين ترتبينهم ولاتتكيسلين وحاولي في اسرع وقت ترتبينها الله يسعدج

اهم شئ غرفه النوم والتجديد فيها مطلوب عشان مايمل الزوج ودام انج توج عروس قعدي يوم في البيت...