ساعدوني عصبيتي راح تدمرني

السلام عليكم ورحمه الله وبركاته

اخواتي عندي مشكله اتمنى ان الاقي حد يساعدني فيها وجزاكم الله كل خير
مشكلتي ياخواتي هو اني عشت بين اب عصبي جداجدا جدا وام مسالمه كانت تنضرب جدامي وهالشي اثر في نفسيتي واجد بفضل الله قدرت لين كبرت اني اتخلص من جزء كبير من الاحداث اللي مرت علي يعني طول عمري وانا في جهاد مع نفسي ..طبعا كنت وانا صغيره اخذ علقات ساخنه من الوالد .. وضر بشديد والنتيجه لين كبرت صرت انا عصبيه جدا اللا نار:44:
وهالشي مدمر اعصابي قدرت اتخلص من كل شي اللا هالشي ماقدرت :44:
واللي متعب نفسي اكثر ان عندي اطفال صغار بنتين واحده منهم شيطان بكل معنى الكلمه وعنيده ومرات ثنتينتهم يتشيطنون فاطقهم طق مؤلم وبعدها اتم ابكي واخذ على نفسي عهد اني ماطقهم وارد اطقهم مرة ثانيه وكل مره تزيد عصبيتي بالرغم ان حياتي مع ريلي جيده جدا ولله الحمد .
وهالشي منقص علي حياتي ..
ياريت حد عندها طريقه تساعدني اتخلص من هالعصبيه تساعدني واكون شاكره وجزاكم الله كل خير.:44: