جـــداويـــــــــة :

السلام عليكم و رحمة الله و بركاته .. صباح الخير يا حلوين :) .. أختي دمدوم طهور إن شاء الله .. وماتشوفي شر :) .. بس أنا أعرف إن الشعر يبغاله جبس و راحة !! بس يمكن عشان المنطقة صعبة يجبسوها !! بس لازم الراحة و قلة الحركة .. طيب إنتي رحتي المستشفى ؟؟ ما أعطوكي أدوية ولا شي ؟؟ وعالأقل لو مو جبس .. يربطو المنطقة برباط ضاغط قوي عشان كمان يخفف الألم شوية .. عموما أنا إللي أعرفه أول شي الراحة .. تاني شي يقولك كلي ( مقادم ) !! إللي هي الشوربة إللي يسووها بالمقادم ( رجول الخروف ) أشربي الشوربة وكلي المقادم .. يقولك سبحان الله تلم العظم .. لأن صاحبتي كان ظهرها مكسور مادري سوت فيه عملية خطيرة والله ماني فاكرة مزبوط بس سوت عمليات خطيرة في ظهرها وقالولها كلي مقادم عشان تلم العظم ويتعافى بسرعة .. وهي إللي قالت لي عليها .. وكمان في شي إسمه ( الـتـفــة ) بضم التاء .. من الأشياء الشعبية وتلاقيها عند العطار .. برضو يقولو تلم العظم .. أنا لما كتفي أنخلع واحد حق علاج شعبي قال لي خدي تفة .. هي تنسف ( سفوف ) زي الحبيبات .. وكمان أظن إنها تتسوى زي اللبخة ( تنخلط بموية وتسير زي الغراء ) وتنحط عالمكان إللي فيه المشكلة .. وبعدين تربطيها عشان تعطي مفعولها .. بس هادي والله ماني فاكرة طريقتها مزبوط .. بس لو تروحي تسألي العطار يفيدك أكتر ويعطيكي الطريقة والمقادير .. ومن المستشفى يعطوكي مراهم موضعية تخفف الألم وتساعد عالشفاء بإذن الله .. ويمكن يعطوكي مقويات وفيتامينات .. بس إنتي لازم تراجعي المستشفى أضمن لك .. وأشربي حليب ومشتقاته عشان الكالسيوم كمان .. وما تشوفي شر إن شاء الله .. وأتمنى أكون أفدتك ولو بالقليل :) .. تحياتي .. جــــــــداويــــــــــــة

السلام عليكم و رحمة الله و بركاته .. صباح الخير يا حلوين :) .. أختي دمدوم طهور إن شاء الله...