الله يختار لك الخير ياقلبي
وانا مع البنات في الاختيار الثاني
لانه البيزمنت له مشاكل كثير عدا عن المشاكل اللي قلتيها
في الشتا مايدفا كويس
وممكن يصير رطوبه كثير او تتسرب ماء لجوا البيت اذا امطرت
وكثير من اللصوص يفضلو انهم يسرقو البيزمنت لانه اسهل انه يكسرو بابه غير عن باقي الادوار
بالاضافه لمسألة الشمس والهوا

خذي الثانيه وبالنسبه لاطفالك مشيهم في حدايق طول اليوم وغيرو جو وفي نهاية اليوم البيت للنوم بس

الله ييسر غربتكم :)

حبيبتي أنا علي الرصيف الي فيه تاج
وعمارتنا قريبة للسنتر كثييير كنت اروح له مشي
وبالعكس التيسكو ما عرفته في برايتون
وسوبر ماركت ووترس في الرصيف الي قبال تاج صح كأني مو غلطانه
أنا اطلع من عمارتي وعلي يميني تاج ووترس امشي لهم مسافة سبع دقائق
والبوست كود كان bn3 1ae
والشقة كانت رقم 4

وموفقين.

اذا مالك الا هالخيارين اختاري الشقة اللي فوق اشرح لك صدر وايش تبين بالشقة اللي تحت الارض
الواحد مو ناقص كابة
الله يسهل امورك

آآآآمين وييسر غربتكم
وفعلا نبهتيني على نقاط ماكنت أدري عنها ولا حسبت لها حساب
الله يجزاك الجنة



أرسلت لك عالخاص صورة للعمارة والشارع
ياليت تشوفينهم وتردين لي خبر
يعطيك العافية



والله إنك صاااادقة وهذا اللي حاولت أقنع زوجي فيه من شفتها
سبحان الله تضيق الصدر ومكتووووومة
والواحد مو ناقص
مشكورة حبيبتي

السلام عليكم خواتي

حابة أقولكم آخر التطورات اللي صارت على هالشقة اللي تقول قصر

طبعا كنت مقررة الشقة اللي فوق خلاص بعد راحتي اللي حسيته وشوركم اللي شرتوه علي جعلكم وجعل والديكم للجنة

وقلت لزوجي بقراراي بس للأسف ماصار

والسبب بكل بساطة إنه الله يهديه في وحدة من اللياالي جاني وسألني قال قرري تبين اللي فوق والا اللي تحت وهذا الكلام قبل ماأكتب هذا الموضوع

فرديت عليه وقلت لها من زعل سوي اللي تبيه لأنه عارف ومتأكد تماما إني مستحيييييييل أوافق عللا البيسمنت

من أول ماشفتها قلت له انسى موضوعها

قلت له سوي اللي تبي من قهري والضيقة اللي فيني وهو طالع قال أنا خلاص بقول له على اللي فوق << ريحني

المهم من كم يوم يقول لي إنه خلاص جهزي نفسك على البيسمنت أنا قلت من جدك ؟؟؟

قال إيه والله طبعا أنا ولفت فيني الدنيا بس قلت يالله يابنت هذا اللي كاتبه ربك وحاولت أتقبل الوضع.

لحد الحين الأمور أوكي

بس اللي قاهرني وأبغاكم تقولون لي إذا أنا صح أو غلط في وجهة نظري هي إن السالفة ومافيها

إن صاحب العمارة العربي اللي قلت لكم عنه أحسه قاعد ينصب علينا ويلعب فينا زي الشطرنج

تدرون إنه كان متفق مع زوجي على واحد من حلين :

الأول إنه يطلعنا الشقة اللي فوق ولا طلع المستأجر اللي في البيسمنت يعطينا شقته
الثاني إنه يطلع المستأجر اللي في البيسمنت للشقة اللي فوق ويخلينا على طوووول نسكن في البيسمنت

طبعا الحلين كلهم مرهقين ومتعبين وغير مقبولين بالنسبة لي لأن تخيلوا لهالحين والله والله أغراضنا بشناطهم مافكيناهم
مااستقرينا زي بقية خلق الله صار عندي هاجس إنا ماراح نسكن إلا قبل رجعتنا للسعودية بشهر

المهم نبهت زوجي كثير إن هالرجال نصاب وقاعد يلعب فينا وكان يعصب ويثور ويقول وش يلعب علينا حرام عليك
بزارين حنا الرجال ماسوى شي أنا اللي حست الدنيا وخليته يحط لنا حلول

تدرون صاحب العمارة وش سوى ؟؟؟
تخيلوا الشقة اللي فوق قال يبي يأجرها خلاص كاملة يعني مو مقسومة مثل ماعشمنا في الأول
وبالتالي الأمل لازم نفقده في السكن فيها ومابقى لنا إلا البيسمنت اللي ساكن فيها مستأجر اللي راح يعرض عليه صاحب العمارة
إنه يطلع للشقة اللي فوق بشكل مؤقت لأنه مابقى له في عقده إلا شهر وحنا نأخذ شقته اللي هي البيسمنت وهالحووووسة كلها ماراح تصير إلا إذا المستأجر وافق على تبديل الشقة وخصوصا إنه اللي فوق أفضل
وطبعا إذا ماوافق يصير ماقدامنا على قولة زوجي إلا ندور شقة ثانية في مكان ثاااااني وهذا بصراحة اللي أنا أبيه
صاحب العمارة ماراح يسأل المستأجر إلا يوم الأثنين الجاي

طبعا أنا أدعي ربي ليل ونهار إن صاحب الشقة يرفض يااااااااااااااارب يااااااااارب ياااااااارب يرفض
ياناس أبي أرتاح أبي أستقر أبي بنتي تزحف وتحبي وتاخذ راحتها بشقة اليوم والله اليوم طاحت من على سرير عالي مررررة وربي نجاها الحمدلله
ماعندي مكان أحطها فيه بالأرض تحبي عليه الغرفة صغيرة وأرضيتها مو نظيفة مررررة ومايعطيني قلبي أحط بنتي عليها
ياناس ودي ولدي يلعب زي بقية الأطفال يطلع ألعابه من غير ماصرخ عليه لم حوستك عنا
ياناس ودي أفكك شناطنا ونلبس وناخذ راحتنا ببيتنا زي بقية خلق الله من غير ماأشيل هم إنه إذا كثرنا غيار كيف بنغسل ملابسنا


بناااااااات أنا صح وإلا غلط ؟؟؟؟
هل أنا زوجة شريرة ماأعين زوجي في غربته ... وإلا أي وحدة في وضعي ماتنلام ؟


بنات للمعلومية احنا في بريطانيا من أكثر من شهرين وساكنين بغرفة بيسمنت بفندق صاحبه هو نفسه العربي صاحب هالعمارة اللي بيأجر منه زوجي
وتخيلوا هالغرفة ندفع عليها 300 جنيه في الأسبوع يعني لهالحين لاهف منا الرجال أكثر من 2400 جنيه على غرفة بيسمنت بفندقه
مدري وش مسوي بزوجي أحس زوجي يحبه ويقدره مدري ليييييش ؟


بنات طلبتكم طلبة ادعوا لي بظهر غيب إن المستأجر مايرضى يطلع من شقته ويبدل
عشان ندور شقة زينة زي بقية خلق الله

بنات ادعوا لي الله يسعدكم ادعوا لي تعبت تعبت تعبت وماني لاقية أحد أفضفض له وخصوصا إن سبب تعبي
هو شريكي في غربتي واللي ماعندي غيره يسمعني

دعوااااااااااااااااااااااااااااااااااااااتكم يالغالياااااااات