ساعدوني عن الحقن المجهري جزاكم الله خير

:أماني: :

دخلت لعيونك حبيبتي معظم الدكاترة ما يفضلون التلقيح منشطات وتعب وقليله فرص نجاحها حوالي من 2-20% انا عملت اول مره تلقيح مانجحت وثاني مره عمليه أطفال انابيب تقدري تدخلي على ملف البنات بتأخر الحمل وراح تشوفي الموضوع وتستفيدي من التجارب واقري كثير بالنت واجد معلومات واسألي الدكتور بيخبرك كل التفاصيل عن نفسي سويت العمليه بالبحرين زوجي كان عنده ضعف بسيط بالحركة وكان يتعالج من قبل العمليه بسنة تقريبا وصارت النسبه تمام وممكن يحصل حمل طبيعي بس ربي الى الان ماكتب . بالبدايه زي التلقيح ياخذو منك تحاليل دم ويفحص الدكتور . بعدين كورس ابر التنشيط انا تقريبا 10 أيام من ثالث يوم الدوره . بعدها طبعا في مراجعات للدكتور يحدد اذا تحتاجين ابر زياده ويتأكد من حجم البويضات وبعدين يحدد يوم الابره التفجيرية ولازم تلتزمين فيها بالضبط على الوقت اللي بخبرك فيه ثم يحدد موعد العمليه الأولى العملية الأولى سحب البويضات فيها لازم تفضي المثانة وتكوني صايمة انا عملو لي تخدير كامل بعد ما صحيت من العمليه جاني اخصائي الاجنة وخبرني بعدد البويضات اللي تم سحبها وعطوني إرشادات وتعليمات انه ممكن ينزل اشوي دم وفي الم وصرفو لي ادويه تقريبا 6 ادويه حبوب وتحاميل ومثبت واسبرين وممكن السفر ، وبنفس اليوم يعطي الزوج العينة وثاني يوم لازم نتصل على وحدة الاجنة علشان نتأكد من عدد البويضات الملقحة بعض المستشفيات ترجع الاجنة في اليوم الثالث وبعضهم في الخامس بعض البنات يقولون في اليوم الخامس افضل لانه بتكون في فرصه اكبر لثبات الاجنة الدكتور يحدد الأفضل في هاليومين من السحب بكون في الم ونغزات انا بصراحه اول يوم مرت علي أحوال وقمت ابكي من الألم والتعب بس ثاني يوم صرت تمام باليوم الثالث رجعت الاجنة لكن للأسف 2 كانو كويسين والباقي انقساماتهم ضعيفه بسبب انه ابر التنشيط ماتناسبت مع البويضات ولازم مره ثانيه اغيرها الترجيع لازم تكون اشوي المثانه مليانه افضل ويكون من غير تخدير الم بسيط وماتاخذ وقت وتشوفين الاجنة وهم يرجعونهم بعدها يخلوك ترتاحي نص ساعه ثم تقدري تروحي الحمام وتتوكلي البيت وبيعطيك الدكتور إرشادات الاكل وممنوع الجماع .. أسبوعين انتظار الأفضل يكون فيها راحة واكل صحي واهتمام واجازة من العمل وراح يكون اول يومين الم ونغزات وانا كنت اشرب مويه كثير وكل اشوي حمام كنت 24 ساعه احس بالعطش ونصيحه لا تحطي بالك واهتمامك على اعراض وربي راح تتعبي كل وحده تنجح او تفشل عمليتها لها اعراض تختلف على الثانية ثم نتيجه التحليل تحليل دم في اليوم 14 قبل ممكن يأثر تأثير الابرة التفجيرية على التحليل والاهم لا تنسين القران وادعيه تيسير الحمل والاستغفار والصدقة وسلامتك وان شاء الله تجي تبشرينا ودعواتكم لاني مقرره اعيد كل هالمعاناه بس يستاهل ولدي اتعب علشانه

دخلت لعيونك حبيبتي معظم الدكاترة ما يفضلون التلقيح منشطات وتعب وقليله فرص نجاحها حوالي من...