ساعدوني عن حبوب منع الحمل

اذا نسيت وما اكلت حبت يوم و تذكرتها اليوم الثاني ايش اسوي???

خذي الحبه اللي نسيتي تاخذيها ومعاها حبه اليوم يعني يصير اخذتي حبتين لانك نسيتي حبه امس ..واي وقت تتذكريها خذيها ...
2 اذا ما اكلت حبت اليوم المحدد الا بعد الجماع هل يحدث حمل؟؟
ما ادري بس ما توقع ..

3 اذا جامعت بعد ما خلص الحبوب في انتظار الدورة هل يحدث حمل؟
اذا خلصت الحبوب هذه فترة امان لانك تنتظرين الدورة ولا يحدث حمل ...

وعشان ترتاحين وتاخذيها في وقتها عندك موبايلك عيريه من التقويم يوميا يرن ينبهك في ساعه معينه
خليه يوميا ...اصلا احنا من المشاغل الوحدة تنسى ..بس انا معتمدة على الله ثم الموبايل ...

والله يعين

شكرا لك يا محارة لؤلؤ

بس ودي ردود اكثر واهل خبرة
علشان اطمن لاني خايفة مرررررررررة
بلييييييييييز لا تخلوني

1 اذا نسيت وما اكلت حبت يوم و تذكرتها اليوم الثاني ايش اسوي
بالنسبه لي أخذ الحبه ثاني يوم يعني اذا نسيتها اليوم أخذها باجر بس ما اخذ حبتين ؟ لا بس وحده

2 اذا ما اكلت حبت اليوم المحدد الا بعد الجماع هل يحدث حمل
لا طبعا ما يحدث الا اذا تكرر نسيانج للحبه كذا مره في الشهر

3 اذا جامعت بعد ما خلص الحبوب في انتظار الدورة هل يحدث حمل
لا ما يحدث حمل لان بعد انتهاء حبوب منع الحمل يبقا لج 3 ايام او 4 على الدوره يعني مافي مجال يحدث حمل

وتبين نصيحتي علشان ما تنسين الحبوب الحمل ؟؟
انا حاطتلي تذكير على الموبايل كل يوم الساعه 10 الصبح يرن جوالي ويذكرني في موعد الحبه وآخذها على طول :)

جذي تريحين بالج وما تنسين حبوب الحمل نهائي :)