ساعدوني ...... عيوني بدأت تزغلل

انا زيك لا تشكيلي ابكيلك لاكن اقول الحرص واجب:26: :26:

انا نفس كلامك بالضبط

هذه فطره في الانسان.. انا مثلك اغار على زوجي بشكل مو طبيعي وهو بدأ يستغل النقطه دي ويقهر فيا غالبا بالكلام والتعليقات وانا ما اتحمل حتى الكلام.. وابدأ ابكي واعصابي تتوتر لدرجه انه جسمي والله يتعب وتتقلب الليله نكد..واخرها يجيني صداع من كثر ما ابكي وانام من الالم اللي في جسمي...

انا قررت اني اخلي اعصابي بارده على الاخر ومهما قال ماراح ابين له اني مقهوره او غيرانه عليه لانه اعصابي عن جد تعبت.. وانتي حاولي تسوي زيي وتشغلي نفسك باي شي (التسبيح مثلاً) و حاولي تتعودي على انك ما تغاري من امه واخواته لانهم غير وانتي غير( انتي الزوجه)..
عيوني اذا انتي تغاري من اهله ايش راح تسوي اذا زوجك من النوع اللي يعلق على البنات اللي يشوفهم في اماكن عامه او التلفزيون مثل زوجي؟؟

انا امس اتخاصمت معاه وقلبتها نكد لنفس السبب.. هو اتفرج على فيلم وجا يحكيني القصه وانا جالسه اسمع منه وفي الاخر يوصفلي وحده جات في الفيلم ويقول: " جابوها بملابس داخليه وصراحه جسمها طلقه.. شكلها دايما تسوي رياضه لانه جسمها مشدود وبطنها مشدوده".. هذا كلامه بالنص.. :mad:

انا انفجرت عليه وقلتله خلاص لا تحكيني ولا شي.. بكل بساطه رد عليا وقال: الله يهديكي انا ايش قلتلك؟؟
انا جالس احكيكي عن الفيلم واقلك كيف البنت <<<<<<< شايفين كيف مظلوم :(

عصبني زياده بكلامه وقلتله اصلا انت ما يملى عينك التراب وانت ما تحترمني ولا تقدر مشاعري وبدأت ابكي وهو بكل بساطه يقلي الله يهديكي انا ما قلت شي علشان دا كله ( يعني انا مكبره الموضوع وهو صغير ما يستاهل).. :06:

ويكمل الناقص ويقلي خلاص مره تانيه ما احكيكي شي ولمن اتكلم معاكي انتبه لكل كلمه اقولها ومو لازم اتكلم براحتي.. :confused:

يعني يا اما انه ما يتكلم معايا بحريته يا اما انه يتكلم براحته ويحرقلي دمي بكلامه وتعليقاته ومطلوب مني اتحمل وما ازعل..

اتصل عليا لمن طلع من البيت يقلي كيفك؟ كويسه؟ لاني نمت وانا تعبانه ويكلمني من دون نفس كانه هو اللي معاه الحق يزعل وانا لا وكاني انا الغلطانه وهو ما سوا شي.. وفي اخر المكالمه قلي تبغي شي؟ وهو عادة يقول الكلمه دي اذا كان مستني مني اعتذار وانا بصراحه شايفه انه هو الغلطان وهو اللي المفروض يراضيني.. قلتله لا سلامتك وقفلنا..

بالله عليكم انا الغلطانه ولا هو؟؟؟ واذا انا غلطت قولولي في ايش غلطت وكيف المفروض اتصرف؟؟

ادري اني طولتها مرررره بس والله من قهري لاني صاحيه قبل شويه والموضوع دا حصل في الليل قبل ما انام.. يعني انتي جيتي على الجرح..

الله يصبرك عيوني ويصبرنا ويهدي ازواجنا :26:

حسيف الخيل
مساله انك تغارين من محارمه هذي قوية شوي ومالها داعي وتعب اعصاب على الفااضي
وبكذا تخسرين راحتك وتفقدين متعت جلستك معاهم ويصير وجودك متعب لهم ولك

وفري غيرتك لشي يستاهل الغيره :D

الاخت الوحيده بقلبه
بصراحه انتي غلطانه
انتي كذا تخلينه فعلا يخبي عنك اشياء كثيره يفكر فيها لانه صار يخاف من غيرتك وزعلك عليه
وبكذا ماراح تعرفين وش في نفسه ووش مخبي عنك ووش يعجبه وكل هالامور

بخصوص الممثله الي وصفها هالوصف يمكن يبي يوصل لك شي معين خصوصا من كلمه تلعب رياضه وهالكلام
هل وزنك زايد حبتين :o

عموما الله يوفق الجميع ويكفينا شر بنات الحرام آمين

..

.

اول شي بعلق على الاخت الوحيده
ليش تعطينه مجال يطالع جسم غيرك شوفي كل واحد وشكل جسمه ليش تتركين مثلا كرشتك تكبر ولا جسمك يترهل يختي واكبي العصر مثلنا نتنطط بذى البيت وحالتنا حاله نبي نشد تداركي عمرك قبل لا ينط في نانسي عجرم الله ينتقم منها الي جابتلنا البلاء

على سالفة الغيره زوجي مره حكالي عن سكر الاسره هذا الاعلان الي يجي في التلفزيون
وقالي انه مره جاء يسال نفس الاساله الي تجي بالاعلان لامه واخواته وشوف من يعرف السكر هذا قسم بالله ذاك اليوم بصيح من القهر مابيه يكلمهم خخخخخخخخخ ادري اني هبله
وعيد الاضحى الي فات تجمع معهم بستراحه تعرفون بصيح بنطق من الغيره مابيه يجلس معاهم وطل ما انا جالسه بالبيت ادور حول نفسي ماني طايقه اهلي حتى ابغى اعرف وش يسوي وبما انه كان بمنطقه مافيها ارسل كملت معي وكنت بنجلط من غيرتي