ساعدوني ع التغيير !!

السلام عليكم اخواتي


صراحه مو عارفه كيف ابدا اطرح لكم مشكلتي مستحيه وخجلانه من نفسي جدا يعني بنت بعمري عيب تسوي هالتصرفات المشكله اني ادري انها غلط ويأنبني ضميري لكن لا زلت اسويها ومستمره واتفنن فيها بعد.....
طولت بالمقدمه ادري بس تحملوني رجاءاً، بحاول ابدا باهم شي بحياه الانسان اللي هو العباده اول مشاكلي واهمها الصلاه مشكلتي اني وحده ما تصلي ما اقصد اني ما التزم بالصلاه لا لا انا ابدا ما اصلي نهائي يمكن بس كم يوم برمضان اذا ضربتني امي!! طيب بتقولون ليش ما تصلين؟ ما ادري ليش فيه شي يمنعني ما ادري كيف اوصف كل ما تروشت وتنظفت ع اساس اصلي يجي هالشي ويمنعني شي يهمس لي اهلك اذا شافوك تصلين بيقولون انك تصلين عشان ربي يحقق لك شي ولا بيقولون انك تصلين قدامهم عشان يمدحونك لا تصلين عشانهم واشياء سخيفه زي كذا والشي الاسخف والاغبى اني استمع لها واترك تعبت والله العظيم تعبت خايفه اموت وانا ع هالحال انصحوني وجهوني وش اسوي لا تدعون علي الله يخليكم جدا حزينه ومستائه من حالي هذا ودي اتغير..


هذا الشي الاول الشي الثاني العقوق انا عاقه بامي وابوي جدا عاقه، امي تشتغل تكرف تغسل وتطبخ وتنفخ وانا رجل على رجل على الجوال زي البهيمه بس اكل وانام لا صلاه ولا عباده حتى دراسه ماعندي تركتها من خمس سنين او سته ومن ذاك اليوم ما مديت يديني ع شغل البيت ومن ذاك اليوم لهذي اللحظه امي ماعمرها قالت تعالي اشتغلي معي ولا مره ياناس ولا مره امي طيوبه وقلبها ابيض ماتستاهل يجيها بنت مثلي!! وربي يشهد عليها انها حتى الاكل تجيبه احيانا لفراشي تخيلوا يا بشر كميه الوقاحه اللي فيني!! يعني امي تخدمني ما ادري وش اقول صراحه مافيه كلمه توصف كميه دنائتي...
وابوي بعد ما سلم من شري اذا قالي كم كلمه صرخت عليه وسبيت ولا عمره رد علي ولا ضربني الا بالصيف اللي فات ضربني عشان الصلاه مو عشان العقوق وتحسبوني تأثرت لا والله صرت اتمادى واتفنن بوقاحتي...
ماودي اذكر التفاصيل عشان ما اطول عليكم ولا ينقلب الموضوع سب لي بدل النصح..






.


..