ساعدوني فيني اكتئاب مابعد الزواج؟!

والله مليت من حياتي..:icon33:
أحس كل شي فيها روتيني.. أقوم الصبح أسوي فطور زوجي وأسوي فطوري وأفطر وأرجع انام أقوم الظهر أسوي الغداء :angry: يجي زوجي وين الغداء ماجهز ليش ماقمتي بدري؟!
وأحيانا أسويه بدري...
بعدين يجي يقعد على النت يشوف الأسهم الين يصك يسك (يتوقف)السوق.. وانا جالسة اتفرج معاه مجبورة على العربية التحليل الفلاني للأسهم الفلانية :09:
ولا كلمة تدور بيننا لانه مايحب أحد يكلمة أذا كان يتابع السوق:(
بعدين أطفش وأروح أنام وهو ينام بالصالة يقول علشان أذا نمت بالصالة ماأسحبها نومة وأقوم لصلاة العصر..أيه هين كثر منها؟!!!!

واذا جاء المغرب نزل عند اهله وانا جلست عند التلفزيون بعدين يجي بعد صلاة العشاء وين العشاء سوي لي عشا بسرعة جوعان وأبغي انوم..

دايما يفوت الصلاة واقومة مافية فايدة احيانا يجمع العصر مع المغرب واحيانا الفجر مايصليها الى اذا قام للدوام وأذا بيغيب عن الدوام ولا يوم خميس شوفو متى يصلي مايصلي الا اذا قام من النوم والله مليت انا منه دايم أقومه يقول روحي عني واحيانا يقول أف منك انتي يالقلق خلاص بقوم..:icon33:
حتى أذا كنت عند اهلي أدق عليه الفجر علشان يقوم يصلي وادق على البيت بس مافيه فايدة اجي والقى التلفون مفصول لاني أزعجته؟!
لا والحين أحنا مسوين توفير في الميزانية شطبنا على روحات المطاعم والاكل من برى والحلويات وأحيانا امل أقولة دق على البقالة جب لي اسكريم يقول طيب بس من مصروفك وبس أروح عند اهلي شوفوا غداه من المطعم وعشا من المطعم غير الحلويات اللي يشتريها ماكأن اهلة تحتنا.. يابوي وين التوفير ووين اللي يقول بسوي رجيم وانتي تخربين علي ..


واذا طلبت منه نطلع نتمشى قال انا تعبان الحين وما احب الطلعات وزحمة الناس وبعدين وين نروح أسواق ما أحب اروح للسوق..طيب نتمشى بالسيارة أنا تعبان وأبغى انوم الحين..بعدين انا اخليك عند أهلك يومين علشان تطلعين معاهم وتنبسطين.. بس انا احب اتمشى معاك أغبط الوحدة أذا شفتها مع زوجها تتمشى وايدها بايده ليش أحنا أقل منهم بشيء؟!
خلاص تكلمنا في هذا الموضوع اكثر من مرة..



لا حتى السفرات مافية تخيلوا انا من يوم تزوجت لحد الأن ماقد رحت معاه لمكة او الشرقية ليش...

زوجي المصون مايحب السفر واذا قلت له قال السيارة ماتتحمل وغير كذا الطيارة غالية؟! والباص انا ما اتحملة بعدين السفرة يبغالها ميزانية واحنا ماعندنا..قلت له يعني كل حياتي ماراح يكون فيها سفرة قال يمكن ماتدرين مانبي نتكلم في المستقبل الله أعلم؟!

بعدين لاتفسرينها اني ماأحب أطلع معك لأ أذا تبين تسافرين مع اهلك ماعندي مانع؟!
مدري وش يبي يوصل..

وربي مليت احيانا اتحسف اني تزوجت واقول ياليتني وافقت على فلان وعلان ولا ياليتني قعدت عند بيت اهلي مرتاحة البال والخاطر..


أدري طولت بس أبي تنصحوني بشي..

بس تصدقون كل هذا وانا مامر على زواجي سنة ..يعني لسه توني عروس

مدري وش بيصير اذا مرت سنتسن وجاني عيال؟!