ساعدوني في أصول الملكة

بالنسبه للعريس طبعا هو الى يدخل على العروسه الكاسات على العروسه تتطقم مع فستانها والدبله اول شي يتلبس ومع الدبله محبس احنا كذا اهل مكه المحبس هو خاتم بسيط خفيف فوق الدبله يتلبس وبالنسبه للشبكه تكون ذهب بس ماتتقدم فى العلبه طبعا تتقدم جوه العربيه حقت الشبكه مزينه ولازم تجيبى عطور مع الشبكه هذولاى الناس الكشخه يسونها يحطونها فى العربيه وطبعا عطور فخمه شانيل ديور وهاكذا انا بصراحه شي اساسى عندى العربيه وذكرا مره حلوه حتى لو كانت بسيطه الشبكه لو ****لله فوق السطح العربيه مهمه وتدل على الذوق والمحبس كمان واتمنى انى افدتك

الف شِِِِِِِِِِِِِِِِِِِِِكر بنت روووق بس معليش فية سؤال

الشبكة تتحط ضمن اغراض العربية يعني اصفها مع علب العربية ولا لحالها وطالما انك من اهل مكة ياريت اذا تعرفي محل عربيات حلوة تدليني علية واذا عندك خبرة في الاشكال الجديدة وشاكرة مرورك وردك

عادات الملكة تختلف من ناس لناس ... ومن أهل العريس لأهل العروسة ..

يعني أهل العروسة عندنا عادة يشيلو الملكة ... يعني حيكون مكان الملكة عليهم سواء في بيتهم ولا في قاعة ولا في استراحة حسب قدرتهم ... وعليهم طبعا العشا ... كاسات العصير طبعا عالعروسة ..

العريس يلبس المشلح حتى لو كانت الملكة في البيت ... وعادة العريس يدخلوه مع العروسة في غرفة عشان يتصوروا إذا جايبين أهل العروسة مصورة وبعدين يتزف معاها سوا ..

العريس يكون عليه عربية الملكة (عربية مزينة وداخلها بخور عودة - عطور للعروسة - علبة مكياج - علب صغيرة فيها لبان ونعناع وهيل) ويكون عليه الشبكة (طقم ذهب ينحط فوق تبسي قزاز ويزين بالشرايط والتل) وبيكون عالعريس برضو الفرقة الخاصة بالملكة والجسيس ...

أهل العريس يفضل ما يكونوا كتير ... يعني يعزم وبالذات الحريم المهمين بس .. لا يتوسع عشان أهل العروسة يمكن عاملينها عالضيق ...يوم الملكة لازم يجوا كلهم مع بعض يعني مو يجو حريمهم لحالهم ولا كل واحدة لحالها .. لا .. لازم مع بعض .. وبعدين الرجال يهيصوا مع الفرقة وإذا كانوا ما كتبوا عقد الزواج يكتبوه في يومها ..

بعد ما يتزف العريس مع العروسة ... يشربوا العصير ويلبسها الدبلة وهي تلبسه الدبله حقته .. وبعدين يلبسها الشبكة (في ناس ما تلبس الشبكة يعني على حسب) ... وفي ناس بتعمل اختراعات جديدة في الملك يعني ماصارت في قاعدة معينة .. عادة العروسة هي اللي تقرر برنامج الملكة زي ماتبغى ... في ناس يقطعوا كيك وناس تكتب عالأوتوجرافات وناس ترش ورد من البلوكنة .. يعني زي كده

وألف مبروك

ليه الخيانة

neesah

الذئبة الزرقاء

لكم مني جزيل الشكر وعلى فكرة مو انا العروسة انا اخت العريس وهذا اول اخ الله يجعل بيوتكم عامرة بالافراح

ياعمرى اذا تبين محلات لبيع العربيات فى مكه عندك شارع الستين فيها باتشى لازورد سعيد الغامدى وفى جده عاد افكار حلوه حلوه انك تحطين مصحف فى وسط العربيه تجلديه بالذهبى