بنت المها @bnt_almha

عضوة نشيطة

ساعدوني في ألعاب بنتي

السلام عليكم يا خواتي
حبيت اعرض مشكلتي وهي إن شاء الله بسيطة بس مسوية لي صدعة راس

بنتي عمرها 3 سنوات ودائما اشتريلها ألعاب تناسب سنها ولله الحمد
انزين وين المشكلة؟؟
مشكلتي في عيال جيراني......... دوم ياخذون منها ألعابها إذا دخلوا غرفتها او طلّعت الألعاب في الممر بين الشقق.......... ومرات يدسون الألعاب وراهم وهم طالعين( يعني سرقة عيني عينك)( اللعبة أكبر منه وهو حجمه صغير يعني وين بيدسه؟!أكيد بينكشف).. ما اقدر المح لجارتي عسب ما تزعل مني وفي نفس الوقت حاولت ما اخلي البنت تلعب وياهم وأغلب الوقت امنع عيال الجيران من دخول غرفة البنت..

اليوم مثلا اكتشفت ان بنتي ماخذه ألعاب صغيرة من الحضانة( الظاهر من دون ما تدري الحضانة) وهذي مشكلة قلت بحلها مع الحضانة يوم الثلاثاء إن شاء الله .. قلت في نفسي بودي الألعاب بنفسي وأشرح للمس واستشيرها في موضوع أخذ بنتي للألعاب من دون اذن.. المشلكة اللي يتني إن الصغيرونه طلعت بالألعاب برا الشقة ودخلت بعد خمس دقايق تدوّر على القلم المغناطيسي ومعاها الألعاب الصغيرة ناقصة قطعة! على طول سألتها وقالت ان ولد الجيران خذا اللعبة منها ودخل بيته.. طلبت من خدامتي تسأل جارتي عن اللعبة وتقولها إنها تتبع للحضانة مش مالنا ولكن الأم أصرت ان ولدها ما خذا شي وبعد شوي الولد دخل شقتي وطلبت منه بأسلوب رقيق ان يروح واييب اللعبة وما في فايدة ( الكذب شغال عنده)
وما اعرف شو اسوي معاه الحين
فلوسي بتضيع على ألعاب البنت وجارتي ما تصدق ان ولدها ممكن ياخذ شي( الولد في اول روضة)
ارشدوني شو اسوي؟؟

يلزم عليك تسجيل الدخول أولًا لكتابة تعليق.

تسجيل دخول

^_^ ريماز ^_^ • 19 سنة

الله يعينك

من جد انقهر من الام اللي تبرء طفلها من جميع الاغلاط 00
ما كأنه طفل ويخطي 00

مثل وحده اعرفها الله يستر علينا وعليها 00
بنتها تقتل القتيل وتمشي بجنازته 00
وهي تقول لا ابد بنتي ما تضرب ولا تكذب والبنت كذووووووب عيني عينك

واستقوت لما شافت امها ما تصدق فيها 0

الله يعافيهم ولا يبلانا 0

السيدة ماما • 19 سنة

عزيزتي .. لا بنتك و لا ولد الجيران ياخذون الالعاب بقصد السرقة .. و يمكن ها السن بعده ما يميز او يتقبل فكرة الملكية .. يعني هاي اللعبه ملك شخص ثاني او حتى ملكه
انت اذا شفتي الولد شايل شي قوليله حبيبي بعد ما تلعب رجع اللعبه مكانها و الا ترا بتضيع و اذا جيت مره ثانيه عدنا ما بتلقاها عشان تلعب بها .. لانها ضاعت .. لانك ما رجعتها مكانها
و ارفعي الالعاب اذا حد ياج البيت
و بالنسبه لسالفة بنتج و اخذها الالعاب من المدرسه .. كان المفروض تكلمينها و تقولينلها ان هاي الالعاب مالت المدرسه اذا انت خذتيهم اليهال في المدرسه بيتضايقون لان هاي مالت الكل و مش مالتج انت -يعني حاولي تفهمينها باسلوب يناسب سنها- .. و قوليلها انها لازم تعتذر للمس .. و انت خذيها من يدها و خلها تعطي المدرسه الالعاب و تعتذر

الغنادير • 19 سنة

اختي هالشي طبيعي عند أغلب الاطفال

والمفروض انتي تشرحين لها بأسلوب مبسط

دوم اسأل ولدي تحب الله ؟ يقول نعم ،،، والي يحب الله يعمل شي يغضبه ؟ يقول لا ،،،
والي يأخذ حاجات غيره بدون مايدري الله يزعل منه ؟؟ فيندم الطفل وأقوله انت كنت ماتدري بس ألحين عرفت ولازم ترجع هالشي
والحمدلله نفعت مع ولدي على الرغم من شقاوته ماياخذ حاجات غيره
المفروض تكونين شرحتي لها عن حب الله بأسلوب مبسط وتسهل عليك الحكايه إن شاء الله

بنت المها • 19 سنة

مشكورات خواتي على التفاعل
بالنسبة لبنتي رحت يوم الثلاثاء لاحتفال الحضانة باليوم الوطني للدولة وكلمت المس بالموضوع فراحت ماخذه البنت على جنب وطلعت الأغراض من شنطتها وشرحتلها ان الأغراض للحضانة والحمد لله الموضوع عدى على خير.. بس بتريا الأسابيع الياية وما تتكرر السالفة مرة ثانية وتكون البنت فهمت المعلومة
وعيال الجيران ما ينفع معاهم الذوق وعيب بابا إلى أخره.. علشان جذيه فكرت اخفف طلعت البنت برا البيت عندهم مع منعها من أخذ ألعابها الى الخارج ومنعهم من دخول غرفة البنت
ماشي حل غير هذا

والله المعين

ام سارونا الحلوة • 19 سنة

شوفي اذا اولاد جيرانك اخذوا الالعاب اخذيهم منهم عااادي ..

بعلمك على سالفة ..

مرة امي جابت حق سارونا سيكل يهبل طيب وفي نفس اليوم جوا اولاد اخو زوجي هم اثنين طيب وهم طالعين اخذوا السيكل معاهم طبعا معاهم امهم وانا ماااتكلمت ..

طيب متى رجع السيكل رجع بعد اكثر من اسبوع وهو بس هيكل بدوون ولالالاشي مكسر تكسير .. انا مايهمني السيكل بس انه هدية من امي لسوسو ..

وللعلم هم ساكنين في شقة فوقنا بس ايش تقولي عن قلة الذوق ..

فاللحين لما ينزلوا وهم نزلتهم قليلة اذا اخذوا شي وبيطلعوا فيه زوجي يااخذة من عندهم لانهم مااياخذوا الاشياء الصغيرة لا ينقوا الحاجات الكبيرة والغالية ..

وانتي شوي نفس الشي لاتستحي او قولي لزوجك ..