ساعدوني في اتخاذ القرار

السلام عليكم ورحمة الله وبركاته
كل عام وانتم جميعا بخير
بحاول ادخل في الموضوع واختصر مشكلتي انا عمري38سنة متزوجة من تقريبا عشر سنوات بدون اطفال زوجي تزوج برضاي له تقريبا الان اربع شهور والله يابنات احس فقدت الحياة والضحكة وفقدت كل شي حلو ماتوقعت ان الجرح بيكون كذا ولاتوقعت اني بنكسر هالكسر يارب اجبرني هو ماتغير في معاملته لي ابدا بس انا اللي افكر بكل شي والله اني انهار واموت لما اشم عطر غير عطوري حتى سيارته ماصرت اطيق اركبها اعرف ان فيه غيري احساس الله لايذوقه لاي وحده خصوصا اللي تحب زوجها وربي احساس يقتل طبعا زوجي عنده عماره ومسكنها معاي بنفس العماره هي دور منفصل بمدخل منفصل وانا كمان دور بمدخل منفصل بس هاذا اتعبني زياده الحين انا افكر كثير اني اطلب الطلاق اقول ايش يخليني اتحمل الضيق والنكد واحيانا افكر اني اطلبه اني اطلع برا العمارة وابعد عنهم مدري متضايقة كثير ومهمومه والله من لما تزوج وانا مخنوقة ولاشفت الفرحه ومخي طول اليوم يفكر ارجوكم دلوني وواسوني وادعولي بجبر كسري