ساعدوني في اتخاذ قراري النهائي

سأكتب مشكلتي باختصار شديد
متزوجه من 11سنه واول سنه كانت تمام طبعا انا زوجه ثانيه ومشترطه لي سكن وزوجي استآجر لي شقه اول سنه وبعدها حاول يجبرني اسكن مع زوجته الاولى ورفضت وطلبت منه الطلاق قبل ان احمل منه اذا بيجبرني اسكن معها وانه موافق على شرطي من البدايه والسكن حق لي وهو مقتدر وبعدها تراجع وسكنت بشقه في نفس بيته الملك وزوجته في الدور الاول وصار يضايقني نفسيا واسلوبه تغير معي وصار يتجاهلني يتعمدها رغم اني اتجمل له واذا ماتجملت يطلبني كأنه يعاندني وبعد ماجبت ولدنا الاول حصلت مشاكل كثيره وتافهه جدا وضربني ضرررب مبرررح وطلع لبيته الثاني وانا مصدوووومه منه قد ماحبيته امتلا قلبي كرره له وللاسف ابوي ساعتها مريض الله يرحمه ولاودي يدري ويشيل همي وهو بعزضعفه وقفلت بابي يومين مافتحت لزوجي وكنت تعباانه مرره ويدق الباب علي والجوال ولاارد وراح وقفل علي الكهرباء يجبرني افتح له وفتحت له وانا ساكته نهاائي وسويت الغداء وحطيته وهو ساكت وندماان مره ويحاول يكلمني وانا مجروحه مارد عليه وحطيت له الغداء ومااكل ورحت لغرفتي وجاني ومسك اذني!! وتفل بوجهي الله يكرمكم لاني مارديت عليه وهو ماله الا يومين ضاربني المهم مشيتها له لان اول مره يضربني وكان ابوي مريض ماودي يعرف شي واللي فيه مكفيه ومشت الامور وسامحته وقلبي انمسح من المحبه بديت اكرهه واجامله وبعدها صار يطلب مني اطبخ لعياله من زوجته الاولئ بيومي وياكلون مع ابوهم عندي ع انه بيجمع الاخوان ووافقت عشانه لانه مراح يقبل لو رفضت ولدت المشاكل انهم يضربون عيالي 2 وصغار واتضايق مره منهم لان ماهو فترة اكل وبس يستقبلهم عندي طول النهار الا فترة النوم واذا زعلت والا تكلمت خاصمني وبعدها صاروا عيالي بس عندي مايجلسون يخافون من اخوانهم وابوهم ساكت مايآدبهم اذا اخطوا و ضربوا اولادي وانا اشوف وانقهرررررت وعصبت وحلفت ماعاد اطبخ لهم دامك حتى اذا اخطوا ماتادبهم وقام وضربني ضرب مبرررح وزعلت منه وابي اروح لهلي ثم اعتذر وجاب لي رضاوه واني ارجع اطبخ لهم مره ثانيه ورفضت ومشى الموضوع وبعدها رجع يطلب مني اطبخ لهم ورفضت وضربني بشددده واخذ الرضاوه !!وكلمت اخوي وجاء واخذني ولارجعت له الا بعد7شهور جاب جاهيه ورضاوه وتعهد قدام شهود انه معاد يمد يده علي ولالي علاقه بعياله ووافقت ورجعت عشان عيالي وانا كااارهه له واجاامل…
وبعد مارجعت له فعلا صار عند عهده ماضربني لكن يتمنن علينا النفقه والكسوه مايعطيني بسهوله لازم ازعل عشان يدفع الواجب تعبت معه يقصر في الواجبات ولاينفع الكلام معه الا اذا زعلت او رفضته في الفراش يتعدل ويسوي الواجبات اللي عليه وحسيته بدا يتثاقل كل شي حتى لو حاجه تحتاج تصليح يتأفف منها وجبت الطفل الثالث والان عمره4سنوات وحامل الان بالطفل الرابع وبالشهر السادس حصل بينا خلاف عند الكسوه ابي ملابس صيفيه للاولاد ورفض وانه مراح يشتري لهم الا في عيد الاضحى وزعلت عليه لان فعلا محتاجين لبس من العام ماشريت لهم واشترا لهم بالعيد ثياب جاهزه بسس وبدون ملابس داخليه ولاجزمات وجانا العيد وعيدنا في البيت وجهزت الاولاد يعيدون ابوهم ولبس لبس العيد عندي ولاعايدني لاني زعلت عشان الكسوه وبعدها بكم يوم وبدون اي نقاش ضربني ضرررب مبرررح وخنقني لدرجة ان عيالي يترجونه يتركني وضربني في العقال وانا حامل وسحبت نفسي منه بالقووه وطلعت لغرفتي وقفلت ع نفسي وزوجي اخذ جوالي وقفل علي البيت عشان مااروح لهلي واهلي فقدوني 5ايام بدون جوال وبعيدين عني اتصلوا بزوجي مارد عليهم وجوالي مغلق ومع زوجي وبعدها جاني يطلب مني اسجل له اعتراف ان انا السبب في ضربه لي مقابل يعطيني الجوال ويبي يستر الموضوع ولااقول لهلي شي بس يبغئ يمسك تسجيل يهددني فيه لو ابلغهم يسمعهم اعترافي ان انا الغلطانه ورفضت وبعدها عصب علي وقال فكري زين ترا معنا عيال لازم نستر الموضوع عشانهم !! وانا مررره مقهوره وبعد ماطلع جاء فبالي اسجل في ايباد اولادي وهو يطلب مني اعتراف اجباري وفعلا سجلت له بدون علمه وسجلت له الاعتراف اللي يبغاه وعطاني الجوال ع اني اقول لهلي جوالي خربان وزوجي مسافر وقلت خلاص تمام مثلت عليه وقال لي بجيب لك هديه عن ضربتك !!وابدا مابان عليه انه ندمان على ضربي وانا اسبوع كامل تعباااانه وكلي كدمااات قلت لا ماابي هديه ولاشي قال والله لتجيك وسكت لان ناويه اول زياره مراح ارجع له نهااائي ولاعاد له امان وانا الان عند اهلي وبلغتهم باللي حصل وسمعوا التسجيل وزوجي ماسلم ع اهلي نزلني ومشى حسيته خايف ماهو واثق ان ماعندهم خبر بشي لاني مثلت عليه اني سويت نفس مايبي وجابني زياره وغيرت رقمي ولاعاد ابي ارجع لو يعلقني بعيش لعيالي وبسس واخيرا ابي رايكم في قراري