هيام انا تطلقت وعمري 19 صغيره وماناقصني شي والله الحمد والحين عمري 26 ماطق بابي غير متزووجين فحمدي ربك واخذيه لاتسوين نفسي قاعده انتظر الاعزب او المطلق



ترا نصيحة من اخت ذاقت مر الطلاق 8سنين وتوني لاتتطلقين وانا اختك اقعدي عند ولد عمك البناتالوقت هذ يدورن وربي المتزوج وهن صغيرات لان باختصار مافي احد يتزوج

استغفر الله العظيم معقووله كل هذا تخلف معشش بروسكم يعني مااشوفكم تعصبون وتحمقون كل التعصيب لما الرجال يطلق وحده ويقول ماارتحت لها أو شكلها ماعجبني انا شخصياً ولد خالتي طلق زوجته بعد كم شهر وكل الفتره اللي عاشها معاها سود عيشتها وحاول يطفشها بكل الطرق وهي المسكينه صابره ومتحمله تبي الستر لحد مافي الاخير وداها زياره بيت اهلها وارسل لها ورقة الطلاق من هناك ولما راح للمحكمه يطلق سأله الشيخ عن السبب قال مارتحت لها نفسياً وشكلها يخرع قاله القاضي وحطوا تحتها مليون خط النفس ماتجبر على لقمه او شربه عشان تجبر نفسك على مره تعاشرها بالغصب وهو الاخ صار يتحجج بهالجمله والناس ايدوه لا وتزوج بعد 3 شهور وانتم ماسكين البنت تجريح وتزيدون عليها الهموم لمجرد انها عايشه في صراع نفسي وتحاول تقاوم وتجبر نفسها على واحد ماتبيه صدقوني لو هالانسانه عقلها صغير ودلوعه زي ماتقولون ماعاشت كل الصراع وصبرت كل هالمده وهي تجاهد وتحاول تقتل شعور القرف اللي بداخلها ترى مو عشانكم كل وحده مرتاحه مع زوجها تقيس الوضع على نفسها والله لو وحده منكم تحس بالنفور من زوجها لحظه وحده ماقعدت معه يعني هالبنت غلطت من الاول بزواجها بشخص ماهي مقتنعه فيه ميه بالميه وهربت من نار العنوسه لجحيم الزواج لمجرد الزواج بس ماهو معقوله تبقى طول عمرها تعيش تحت رحمة هالزوج لمجرد انها استعجلت وتزوجته يعني هي لما رجعت له وعلى قولتها انه ينظر للزواج كمتعه يمكن هالكلام خطأ بس من كثر ماهي نافره منه حاسه انها تمارس مع رجل عابر ماتربطها فيه اي الفه يعني زي علاقة البيع والشرا فهمتوا وترى اللي تقول انتي كبيره وهو ماهو كبيره تسمح لي اقولها الله يخلف على عقلك وتعليمك ترى اكثر مادهورنا احنا الحريم هالشعارات اللي عيشونا عليها من الصغر الرجال مايكبر المره تعجز بسرعه ومالها عمر الرجل مهما كبر يتزوج ومن هالخرابيط يعني اشوف ابو خمسين يقدر يتزوج مثله مثل ام خمسين واللي تقول المره اذا وصلت الخمسين ماعاد تجيب اقولها يافرحة قلب الرجل اذا تزوج بـ 50 وانجب وبعد 15 سنه يفنقش ويخليهم وش هالتخلف ؟؟وترى بالنسبة للهرمونات حتى الرجل من يوم يوصل للاربعين 90 بالميه من الرجال يصيبهم عجز جنسي مو مثل المره اللي مافيه رابط بين الجنس عندها وسن اليأس حتى بالاشكال الحين اشوف رجال اقسم بالله من الكرش والصلعه تعطينه 45 سنه وهو ماكمل 34 وفي حريم كتاكيت يكبرون ومايبين عليهم فخليكم من تفكير جدتي هذا اللي ودانا في ستين داهيه وخلانا مضحكه للرجال الواحد يستقوي على ظلم زوجته واخته بوحده من بنات جنسها لدرجة انهم يقولون المره عدوة نفسها اي شي فيه صالحها ترفضه واي فكره يزرعها في مخها الرجل او المجتمع المتخلف تؤمن فيها وتحطها زي الحلقه في اذنها وعندنا اهم قدوه الرسول عليه الصلاة والسلام تزوج السيده خديجة وعمرها 40 سنه وهو شاب عازب في الخامسه والعشرين وجاب منها 5 ابناء ولاجاب من عائشة الفتاه البكر ام 9 سنين حتى في زمنا هذا لاتحطون بلاويكم على الرجال اللي تقول الرجال مايتزوجون مطلقه ولا كبيره اقولها انتي وين عايشه الشباب تفتحوا ماصاروا زي اول اللي يبي وحده ناضجه واللي يبي وحده عندها تعليم ومركز ووظيفه تجاريه وسط مجتمعه واللي يدور على الجمال ويلاقيه بمطلقه عندها عيال ترى الدعوى ماهي زي قبل يمه دوريلي حرمه بتزوج تراهم صاروا يسألون ويعرفون ميزة كل وحده وكأنا في مجتمع مختلط وبالنسبه للأخت هيام انا مااشجعك ولا احرضك على الطلاق بس اتفق مع الاخوات ان التردد ماله اي داعي اجلسي مع نفسك وحطي مزايا تركك لهالشخص في ورقه وحطي مزايا استمرارك معه في ورقه ثانيه وشوفي اي كفه ترجح واياني واياك تحطي من مزايا الاستمرار مع هذا الرجال انك بتكونين حصلتي على فرصة زواج وانك ماراح تكونين مطلقه ترى هذا وهم كبير انظري له كشخص بمميزاته وعيوبه بعيداً عن وضعك انتي كفتاه وصلت لسن ال30 او راح تكون مطلقه لما تتركه ترى احياناً الطلاق اكبر نعمه وغيرك يتعذبون سنين لحد مايمسكون هالورقه اللي انتي جالسه تكابرين وتذبحين احساسك كل يوم عشان ماتاخذينها يمكن يكون بطلاقه خيره وفرصه لك لبدايه جديده بتكون اروع بإذن الله

اختي هيام

اعتذرجدا منك لو فهمتيني غلط

وربي ابدا ماكان قصدي تجريح

اللي كنت اقصده انه عمرك مناسب لعمره

واللي فهمته من كلامك انك مترددة والرجال فيه مميزات وماينعاب فيه غير سنه واللي موب مقتنعه فيه وانه متزوج من قبل

حاولي انك تتقبلين الوضع وشوفي وش الشغلات اللي انضافت عليك في حياتك من بعد زواجك وقارني وضعك الحين وقبل الزواج وحاولي تتخيلين الوضع لو اتطلقتي لاسمح الله وهل الاهل راح يتقبلون الوضع لو رجعتيلهم وهل تضمنين انه يجيك الانسان اللي تتمنينه ويكون في نفس عمرك وغير متزوج

يعني وازني بين حسناته وعيوبه واتذكري انه محترمك وحافظ كرامتك

واهم شي حبيبتي كثري من الاستخارة والاستغفار

والله يسعد قلبك ويوفقك ويختارلك اللي فيه الخير

أختي،،، يقول المثل ما ينجبر قلب على قلب
انت ادرى بريلج، واذا كنت ما تحبينه ولا تتقبلينه استخيري ربج
واطلبي الطلاق، ولا تفكرين في سالفة يمكن محد يخطبج في المستقبل كله مكتوب عند الله
وحطي في بالج ان في ناس تزوجوا عن حب وكان اخرتهم الطلاق
ومش كل متزوج مرتاح ومش كل اعزب شقيان

واذا عيبه شكله، تراج ماراح تظلين حلوه وصغيره
والحرمة تكبر اسرع من الريال

والله اذا كنتي تكرهينه وتنفرين منه لاترجعين لانك لو رجعتي وحملتي وجبتي اولاد وانتي تكرهينه راح ينعكس على اولادك وومكن ماتقدرين تكملين وتكونين مطلقه وعندك اولاد وراح يتشتتون

عموما استخيري وهذي عاقبه التعجل بمثل هذه الامور

ووممكن يكون ظالم زوجته بزواجه منك ودعت عليكم ماتتوفقون ودعوة المظلوم مابينها وبين الله حجاب

انتي لاتخافين من الطلاق يمكن ربي يرزقك ويعوضك احسن منه وعلى قولة المثل كل كره ولاتعاشر كره

وانا اعرف بنات شخصيا كرهو ازواجهم وماقدرو يعيشو معهم وتطلقو والله كلهم ربي عوضهم بازواج طيبين وعايشين حياة سعيده