ساعدوني في الصندل

في خلطة نسيت صاحبتها الله يجزاها كل خير في الدنيا والاخرة قالت عن وصفة الصندل مع الزبادي بصراحة انا جربتها صج روعة تخلي البشرة عجيبة المقادير يا عزيزتي تحطين ملعقة صندل مطحون وتخلطينها مع ملعقة زبادي وتحطينها على البشرة لما تنشف وبعدين تغسلينه وشوفي النتيجة وادعي لصاحبة الخلطة وادعي لي

يابنات انا رحت العطار وقلتله ابي صندل قام عطاني شي احمر مطحون وماخذته لانه خفت يكون موصندل مال الخلطات ياليت تقولولي شنو شكل الصندل اللي تستعملونه عشان ما اتورط
وبعد ابي اعرف شكل الصلصال بالمرة اذا مافيها كلافة

مساك الله بالخير اختي كويتية عسل

اسمحي لي ان ادخل واجاوب عن سؤالك

الصندل يأتي على نوعين :

الاول_ يكون مثل العصى او الخشبه الصغيره

وهذا النوع يتطلب منك فرك في المنزل وذاك بان تحكيه بقليل من الماء مجرد رش الى ان تحصلي على عجينه مثل الطحين والكميه التي انتي تريدينها ويمكن ان تستعمل هذه العصاء اكثر من عشر مرات ولها لونان عصا محمره شويه وعصا بيج او بيضاء


اما الصندل الثاني يكون مطحون جاهز وهذا في راي افضل واريح لان ها الايام الوحده ما فاضيه

مثل امهاتنا زمان

والنتيجه هي هي في النوعين

وسلامتك

اختي كويتيه عسل انا مثلج رحت العطار وشفت عندة نوعين من الصندل الاول عبارة عن خشب اوشكله مثل العصاة والنوع الثاني مطحون لونه بني فاتح سالني حق شنو تبينه قلت له للبشرة عطاني من الصندل المطحون اللي لونه بني فاتح قال لي هذا يستخدم للبشرة وانا الحين استعملة والحمد لله اشوف نتايجة حلوة وان شاء الله بستمر عليه واوافيكم بالنتائج انتي توكلي على الله واشتري المطحون احسن لج

ان اذكر كلام الاخوات عن فايدة الصندل للبشرة وانا تمشى في كارفور في القسم الخاص بالصابون تميت ادور ابا اكتشف شي يديد وانا استخدمت صابونه الكركم وكانت زينة وهى من الهند وحصلت صابونه من الهند وهى مكتوب عليها تشاندريكا من الصند ل والله ما ادري اذا الاسم صح ولا لا لون العلبة اخضر غامق وهى ب 90 فلس ويوم اغسل وجهى احس انه ناعم وانا بشرتي دهنيه و بعد ما طلعت النتائج توه شارتنها