اشكرك عزيزتي لاعطائي من وقتك وتفرغك لبيتي00
الله يعينك علي00
في البداية انا حاسة انك مانتي ستوعبة صغر البيت ؟؟

نبدأ وحدة وحدة00
المجلس هل تتوقعي ينفع مجلس رجال لونه احمر وابيض؟؟ اخاف زوجي مايقتنع بالفكرة لو كانت لحريم افضل00 مع اني تخيلته روعة ومميز00 الجدار احمر مايصغر المكان؟؟
المجلس يادوب يتحمل طقم واحد وين احط الطقم الثاني؟؟لان عرض المجلس ضيق مرة00
طيب انا الان عندي كنب كلاسيكي لونه بيج فاتح والخشب ذهبي لكن نقشه خفيف وبسيط00احسه انيق وبسيط ينفع اخليه في المجلس ؟؟ ولو كان تمام ايش اخلي لون الجدار والارضية؟؟ او البيت كله لازم يكون علي طراز واحد يعني مودرن؟؟؟

الصالة خلاص راح اخلي الكنب في الزاوية لكن الان لون الكنب ازرق مشجر فياليت تقترحي لون ثاني00تتوقعي الاسود يكون حلو مو قاتم ماراح ادخل معاه لون ثاني؟؟؟؟ واقدر اخلي كنب الصالة من الجلد لسهولة التنظيف


مافهمت وين احط التلفزيون؟؟؟؟ المفروض احطه في الجدار المشترك مع المجلس00 لاني لو حطيته في الجدار 5*1 راح يكون في وجه الباب مباشرة مو قدام الكنب ابدا0000


الجدار المشترك بين غرفة الحريم والصالة راح يكون زي الممر لغرفة الاطفال يعني مااقدر احط طاولات 00 ايش رأيك استبدلها بأرفف جداريه رفين او ثلاثة ؟؟

غرفة النوم لونها بيج 00 ايش رأيك ادخل عليها جلد النمر في السجادة وبعض القطع او انه موضته راحت؟؟؟؟؟؟




نجي لغرفة الحريم البنفسجي رائع جدا 00 هل المساحة تكفي لصبغ جدار بالبنفسجي؟؟؟
وكذلك حمار الوحش جميل جدا00 لو اقتنع زوجي راح اخليه في المجلس00


اتمني مااكون تعبتك او ثقلت علكي00 انا في انتظارك00

صحيح نسيت اسألك كيف يكون شكل الجبس الدورين والاضاءات؟؟؟؟

وياليت توريني صورة لموديل الكنبات يعني زي صورة الكنب الابيض والاحمر تنفع ووين الاقي زيها في تفصيل؟؟

صراحة اقتراحات للمجلس وغرفة الحريم دخلت مزاجي بقوة لكني خايفة من الصبغ يصغر المكان زيادة00


مع العلم ان كل اقتراحاتك غير مألوفة في مجتمعنا اللي مايعترف بالبساطة والمودرن00يعني لازم الكنبات كلاسيكي او امريكي وفخمة جيدا00
لكن انا فعلا احلم ببيت يريحني نفسيا 00 انا الان عندي غرفة الحريم كلاسيكي والصالة كنبتين في الزاوية امريكي والمجلس جلسة ارضية وسجادة كلها منقوشة مافيها مكان سادة00 والبيت كله موكيت ومافي مجال احط لون فاتح عشان الاطفال00لكني اختنقت منه واحس ان البيت مافيه مساحة اتحرك لان صغر البيت مايتحمل كل هذا 00

عشان كذا نويت اقوم بحمله علي كل الاعتقادات الخطأ يعني فرش بيتي صحيح راقي وحلو لكنه مو في مكانه!!! مكانه شقة واسعة او فيلا0 لكن مساحة بيتي تناسبها اشياء مودرن000

ماادري هل نظرتي صحيحة؟؟ وهل توافقوني اني الغي غرفةالحريم واخليه مجلس واحد للضيوف؟؟ لان الغرفتين مقفولة للضيوف اللي يجوا مرتين في السنة مواكثر؟؟ احس انه حرام اضيق علي زوجي واولادي واقفل غرفتين عشان الضيوف؟ خصوصا الصالة مكان جلستنا مافيها شباك ولا مكيف؟؟


لو شجعتيني علي الغاء غرفة الحريم ابغاكي تأثيثي الصالة والغرفة لجلستنامن جديد( ان شاء الله مااكون كلفت عليكي لكني معتبرتك اخت ولو ماقدرتي انا عاذرتك)

بصراحه الافكار جدا مناسبه
واشجعك على الغاء غرفه الجلوس فعلا حنا دايم نخصص للضيوف مساحات اكبر من الي حنا نستخدمها بشكل يومي!!
وعلى مافهمت منك ان ضيوفك قليل

وفعلا الاثاث المودرن حلو لغرفه المعيشه جدا

اما المجلس رايي لو تحطينه كلاسيكي بس يكون هادي ونواعم ولاتكون كراسيه ضخمه مرة
شوفي الصناعه المصريه بعض موديلاتهم كذا احسه افخم من المودرن والي تشوفينه انتي
وحطي تحف ناعمه وخداديات ناعمه مع محافظتك على الكلاسيك

واذا جاك حريم بس ضيفيهم بالمجلس مو شرط مجلس خاص بهم
انا بسوي كذا
وممكن اذا تقهويتو تقولين لهم تروحون لغرفه المعيشه عادي

وبالنسبه للمطبخ حلوة فكرتك بس اذا ناويه تجيبين شغاله ماراح تنفع لان الشغاله بتشتغل مراقبه عليكم وراح تضايقكم


الله يكون بعونك
وبشرينا بالنتايج