طبعا انا ما عندي خبره بس بتفلسف
اولا قميص النوم حقك ويفضل قطن ويكون طبعا غير الي بستقبلين فيه الضيوف وطبعا يفضل تجهزين2 لليوم الواحد .احتياط
ملابس داخليه قطنيه برضو جهزي غيرين لليوم
ادواتك الخاصه(مشط-فرشه ومعجون-مرايه صغيره-كريم)
الفوط الصحيه وعلى ما اعتقد فيه شي للنفاس بس ما ادري دارجه ولا لا
اهم شي القميص والروب الي راح تستقبلين فيه الضيوف مع الشبشب هذا خليه بالعلاقه والكيسه حقته واول ما
تصحصحين تشطفي بالمويه والبسيه


للبيبي
بربوتزات4 او 5 -كم حفاضه-ملابس التقديم الخاصه فيه-اعواد اذان-وبودره واذا كانت بنت اختي كانت تحط على شعرها ربطات صغيره حلوه -وجليكوز-والحليب الجاهز-لاني سمعت في النت ان من الافضل انك تتدخلين رضعه او رضعتين صناعي عشن لو لا سمح الله ما كنت عندها في اي ظرف..ممكن يشربه ولا يرفضه..
وبسسسسسسسسسسسسس ...وراح اسال اهل الخبره وارجعلكم:24:

شوفي حبيبتي التجهيزات تكون حسب المستشفى الي ناوية تولدين فيه ..

أنا الحين في شهري التاسع وشنطتي فيها ملابس للبيبي ( فانيلة + لف + ولبس خفيف ) بسسسسس ( ولاتي الأولى ماخليت ملابس للبيبي ما أخذتها معاي بس أنا ماحتجت ولا شيء منها إلا وقت طلعتي من المستشفى و أنا رايحة البيت من كل شيء واحد بس ) أما إذا كنتي ناوية تقعدين ثلاث أيام مثلاً والمستشفى الي ناوية تقعدين فيه ماتحبين نوع الملابس الي يلبسونها البيبي أو أنهم يطلبون هم ملابس من عندج فهذا معناته أن لازم تزيدين ملابس على عدد الأيام الي ناوية تقعدينهم .. ( على فكرة ماعتقد بتحتاجين بامبرز للبيبي ) و إذا أحتجتي ممكن أحد من أهلج يوفرها لج وانتي بالمستشفى ..

هذا بالنسبة للبيبي

أما بالنسبة لأغراضج الخاصة ..

أول شيء حطي ملابس داخلية على عدد الأيام الي بتقعدينهم في المستشفى و ملابس نوم خفيفة ومريحة لج وممكن تحطين جلابية تكون شيك ومرتبة وخفيفه لستقبال الضيوف أو لطلعة من المستشفى .. (ماعتقد بتحتاجين كوتكس لان في المستشفى هم بيعطونج كوتكسات ) .
وأنا حاطة بعد عطري ومشط وفرشاه ومعجون صغير وصابونة وشامبو صغير وفوطة وناوية أحط مكياج فخيف يعني بدرة وضل وكلوس :27: وشوفي الأغراض الي ممكن تحتاجنهم أنتي ..

طبعاً يختلف تجهيز شنطة المستشفى من وحده لثانية وهذا حسب ظروف كل وحده وحاجتا :41:


وتذكررررررررري أن شنطت المستشفى مش شنطت سفررررر :42::o

البنات كفوا ووفوا ما شاء الله:27: :26:

الاشياء اللي بتحتاجينها في المستشفى:
أهم شي كاميرا بكامل عدتها من أفلام وبطاريات وإذا فيديو أشرطة وشاحن
شاحن للموبايل وموبايلج
مصحف صغير تحطينه عند راس البيبي
بطانيتج وشرشفج و مخدتج اللي متعودة عليهم (لضمان راحتج لأن ممكن ما تناسبج بطانيات المستشفى)
مناشف وفوط الحمام
أدوات الحمام والنظافه مثل الفرشاة والمعجون و الشامبو والصابون وغسول الوجه واللوشن المرطب وقطن لتنظيف الأذن
حشوات الصدر القطنيه لتمتص الحليب المتسرب
فوط صحيه للتدفق الغزير XXX Large
مشط +ربطات ودبابيس شعر (مقابض)
مرطب شفاة لأن بتكون جافة ومتقطعة >>> اسألوا مجرب
ممكن تاخذين بودرة وبلاشر وغلوس <<<< أدري متفيقة بس عشان الصور تطلع أحلى :27:
عطر بس يكون بارد وخفيف
نظارتج أو عدساتج مع المحلول لو كنت تلبسين

ملابس الأم:
5 أو 6 قمصان نوم قطنيه بأكمام طويله أو نص اللي يريحج مع 3 شيل أرني بيضا أو بلون قمصان النوم
ملابس داخليه قطنيه للأم :
صدريات للمرضع تنفتح من الأمام
شورتات مريحة
جوارب قطنيه
شبشب داخلي أو قطني ولا فرو

وملابس تحتاجها الأم عند الخروج:
نعال مريح
جلابيه مريحه مفتوحه من الأمام للمرضع
شيله وعبايه

مستلزمات الطفل:
رضاعات صغييييييرة أصغر حجم وفتحاتها small
بامبرز حديثي الولادة شوي بس لأنهم بيعطونج
وقطن تنظيف ومناديل تنشيف


ملابس الطفل:
لا تكثرين منها خذي 3 غيارات بس لأن المستشفى بيهتمون في تلبيسه و لبسهم أسهل لهم وبتلاحظين انهم ما يحبون إلا اللبس العملي لا أزرار ولا فوانيل اللهم قميص و ينربط من ورا و لفة وبس لكن الغيارات خليها للصور ويوم بيي أبوه والأهل يزورونج..
الغيارات عبارة عن أطقم فانيلة وبدله شبك كامل مع لفة (قماط) وقبعة وقفازات تغطي اليدين عشان ما يشمخ ويهه..
حقيبه للطفل عشان تحطين كل أغراضه فيها من غيارات و مراضع ومصاصات ومناديل تنظيف وكريمات ترطيب وبامبرز وتشلينها في ايدج يوم بتطلعين من المستشفى
مهادات ولفه للطفل (قماط) و مفرش تقديم الطفل يسهل حمل الطفل عند يوم حد بيي يزورج أو عند الخروج من المستشفى + كرسي الطفل للسيارة تحطينه فيه وانتوا مروحين بيتكم بالسلامه ...

:26:

شوفي حبيبتي :لاتنسين لحاف علشان تشيلي فيه البيبي وقبعات قطنيه خفيفه لان المستشفى يكون باااااااااااااااااااارد ايضا خوذي معك لهايات من النوع الصغير مره علشان البيبي يتعود عليه من بدري
يارب اكون افدتكم شي :confused: :confused: