ساعدوني في تحديد أفكاري وطموحاتي -للطموحات فقط-

السلام عليكم
كيف الحال يابنات

اليوم أنا رااايقة وفااايقة قلت خليني أكتب اللي براسي

أنا إنسانة أحلامي كثييير
أنام على أحلام وأصحى على أحلام
أتخيل إني سويت هذا الشي وهذا الشي
إذا شفت إنسان ناجح يجيني إحساس قوي إنه بيجي اليوم اللي أوصل فيه لنجاحه
هذي الأفكار تراودني من سنيييين
وإلى الآن لم أحرك ساكنة
مافي أي بوادر لبداية تحقيق حلم
لأنه أصلاً مافي مبادرة

وبما إني تعبت من الأحلام قررت وبشكل حازم إني أخطط لمستقبلي بشكل واضح
يعني مو أحلام وبس
أبغى شي حقيقي ملموس

بتكلم عن دراستي
أنا إنسانة جامعية تخصصي كيمياء
تخرجت بنسبة نازلة مررة لأن دراستي كانت مو بالمستوى المطلوب من الطموح << أقولكم طموحة بزيادة
كنت أتمنى نتعلم أشياء تفيدني في حياتي
أصير أمشي وأنا أعرف مكونات كل المواد اللي حولي
توقعت أتخرج وأنا براسي 100 مشروع له علاقة بالمواد الكيميائية
تفاجأت إن الدراسة كلها : احفظي المحاضرة عشان تنجحي :44:
حتى المعامل أي كلام
بس أوامر اخلطي هذا مع هذا يعطينا اللون الفلاني يعني فيه المادة الفلانية
طيب وبعدين؟
ليش ما نجيب مواد من برى المعمل ونستكشف اللي فيها
ليش ما يحسسونا إنه هذا العلم مرتبط بحياتنا اليومية
المهم تخرجنا وارتحنا من هذا الهم



حاليًا أنا حامل وعندي أطفال
أكيد بيسببوا لي عائق أو على الأقل بيكونوا عذري الدائم
عشان كذا قلت أبغى ابدأ أحدد خطة حياتي من الآن بس مو شرط أبدأ الآن
ممكن أبدأ بعد سنة مثلاً
بس أبغى حاليًا التخطيط



يعني لما أفكر بمواهبي وميولي
الحمدلله عندي ميول لأشياء كثيييير
أحب الفنون بأنواعها
أعمال فنية - تصميم بطاقات - الكتابة ع الوورد - ديكور - مجوهرات - أزياء - أحيانًا الرسم - ممكن الاتيكيت
كلها أحبها .. وكمان أي شي فيه إبداع وتميز يلفت نظري
نفسي أتعمق في دراسة أي شي منها وأبدع فيها


حتى أفكر إن شاء الله أدرس لغة انجليزية عشان بعدين أسافر برى
وإذا سافرت ما أبغى اسافر لمجرد إني أسافر
لاااا
أبغى أسافر عشان أستفيد من سفري في دراستي لهذا الشي
يعني أحضر دورات خارجية أو معرض أو أي شي يفيدني

<< أقولكم ياااااكثر الأحلام



طيب أول شي أبغى أعرفه في ناس مثلي ولا لا :35:
وكمان أبغى أشوف إيش عندكم أفكار وأحلام
واللي قدرت تحقق أحلامها كيف سعت لها
مع العلم إن شخصيتي (جنوبية غربية) << يعني أحلامي كثيييير بس دائمًا مترددة ومأجلة
بس ترى قررت إني أمحو هذا الشي من حياتي
أبغى أبدأ بجدية لأني تعبت من الأحلام




ولا ننسى يابنات
(عش لدنياك كأنك تعيش ابدا، واعمل لأخرتك كأنك تموت غدا)






اللي طموحة تشاركنا الرأي
واللي ما عندها طموح وتبغى تحبطنا تسكت أفضل << إحنا مو ناقصين :44:

أنا عارفة إنه ما تفهمني إلا اللي زيي
أما الي عايشة حياتها عادي بتقول : انتبهي لبيتك وأولادك أحسن << هذي العبارة حافظينها :mad: