ساعدوني في تحفيظ أولادي القرآن..

وينكم خواتي؟؟!!

اهلين اختي فيه طريقه اسويها مع بنتي وان شاءالله تنفع لاولادك
مثلا احدد الاسبوع هذا حفظ سورة الفيل اقراها واخليها تردد وراي
بعدين اعطيها كمبيوتر بابا سلام واخليها تسمع السوره واقولها اذا حفظتيها اوديك للسوق
وخليك تختارين هديتك ..شويه تتكيسل واذا ذكرت الهديه تجلس تسمع
واذا دخلتي علي في المطبخ اقولها خلينا نقرا مع بعض عشان نجيب الهديه واصير اقرا
وتردد وراي لحد ما تحفظ واذا حفظت اجيب لها هديه وصارت تحرص على الحفظ
عشان الهدايا

أهلين أم أحمد ،،
أول مابدأت مع أطفالي عشان أحبب لهم وقت القرآن كنت أقول لهم تعالوا ألعبكم مدرسة وطبعاً ينبسطون مرررة ..لما أجلس أجهز لكل واحد شنطة وقلم ودفتر وألوان .. بعدين من باب التغيير كل واحد يختار له اسم أو لقب ..ثم أسوي صوت جرس ويدخلون الغرفة وأكون مجهزة كراسي مخليتها على شكل فصل ..وأبدأ أسوي نفسي معلمة ..وبعدين أقول هذي حصة القرآن وأقريهم واللي يحفظ أعطيه حلاوة ..وأقول إذا حفظتوا بسرعة ناخذ حصة الألعاب ..وحصة الألعاب أعطيهم صلصال يلعبون فيه ..
أو ألوان ويلونون وأطبع صور التلوين من الكمبيوتر ..

وطبعاً حبيبتي عشان مايملون ويبقى حماسكم خلي لعبة المدرسة مرة في الأسبوع وباقي الأيام يكررون السورة ..

ولاتنسي الدعاء يالغالية ..الدعاء بإلحاح ..أصلح الله لنا ولك ذرياتنا ورزقنا برهم وصلاحهم ..

آمـــــــــــــــين

جزاكِ الله خيرا اختي العزيزه كتكوتة بيت وبجرب مره طريقتك وطريقت اختنا العزيزه نرجس..

جزاكِ الله خيرا اختي العزيزه نرجس وبعد بجرب طريقتك وطريقت اختنا كتكوته بيت ..

جعله الله في ميزان حسناتكم..

ممكن موضعي الي بتوقيعي يساعدك