اولا ضفي العاب عيالك من الى وخلي كل واحد لعبه او لعبتين والباقي شيليهم في المخزن او مكان مايقدرون يوصلون له فيصير يلعبون فيها فقط وماتسوي زحمه والالعاب اللي فيها قطع كثير شيليها وكل فتره طلعي لهم لعبه جديده وشيلي اللي قبلها يفرحون بالجديده ومنها غيرتي وممنوع يطلعون العابهم من غرفتهم عوديهم عالنظام مو الدنيا سايبه واذا عصوك لاتظربينهم احرميهم من شي يحبونه صراحه وسيلة عقاب مفيده وغير مؤذيه نفسيا او سوي نفسك تبكين او حزينه هذي مفعولها اكيد
ثانيا عيالك ممنوع يلبسون الا مره في اليوم يعني قفلي دولاب ملابسهم وشيلي المفتاح عنهم يعني لا تخلينهم يلبسون متى مايبغون
ثالثا المجالس والصوالين نظفيها وقفليها بالمفتاح فتصير نظيفه على طول الخط وشيكي عليها اسبوعيا
رابعا فيه حاجه اسمها تفريز الاكل يعني هنا بالمنتدى صارو يفرزنووون كل شي تقريبا يعني الكشنه والسمبوسك والمعجنات والبيتزا واشيا كثيره سوي وفرزني فما تتعبين في الطبخ بس اي شي تبغينه موجود وما ياخذ وقت كثير وعجبتني فكر ه اسوي منيو اسبوعي اللاكل منها تنظيم وتنويع للاكل ومنها ما احتاس وشو اطبخ صرت اشوف شنو اكله اليوم واطلع من الفريزر اللي فرزنته وبس


اما التنظيف سوي لك جدول يوميا تسوين شي بس يعني اليوم فقط مسح الارضيه بكره تنظيف دولاب الغرفه وهيك شي

فيه حاجه حلووه ساعدتني على ابقا غرفتي نظيفه من جد صراحه فكره وهي تقسيمات الادراج الصراحه انا كنت اقول يوم بنزل السوق واشتريها لكن اكتشفت ان نزلتي للسوق طولت فقمت كرتون الماجي وكرتون المكرونه وكرتون الدخان الكبير وكرتون المناديل جمعت كذا كرتون وحطيتهم بدرج من ادراجي وصففت فيهم اكسسواراتي والثاني فيه المشط وثالث للجوارب والشرابات ورابع لادوات البديكير وكذا لحد ماصارا تسريحيت مررره منظمه وبعدين لاتروحين تجلدينها ومدري شنو انا اعطيك افكار عمليه وسريعه لانك تقولين الوقت ظايع والدولاب الصناديق وحطيت فيها ملابسي مطبقتها رولات

اما عن الغسيل انا صراحه الغسيل اكرهه كره العمى يعني ودي اني ما اغسل فا اخلي السله تمتلي ثم اظطر اغسل اما عن الاهتمام بنفسك سوي جدول يعني جدول للطبخ وجدول للتنظيف وجدول للعنايه بنفسك

يعني في اليوم الواحد تسوين 3 اشياء شي من جدول العنايه بنفسك وشي طبخ من المنيو وشي حاجه من جدول التنظيف

وبعدين تدرين فيه شي ساعدني صدقيني من يوم سويته وانا بيتي متغير ونفسي متغيره يعني زمان مالي نفس انظف ولا شي ولا خلق اسوي شي لكن لما سويت ذا الشي صدقيني تغيرت وصراحه مفعولها خرافي سبحان الله مايامرنا بشي الا له فايده لنا


اتمنى اكون افدتك


وبعدين صراحه انا كنت مفهيه لكن لما دخلت المنتدى ذا صراحه تغيرت مفاهيمي



شوفي ذا الموضوع تسوينه لعيالك وكل اسبوع تعطينهم هديه كتشجيع http://forum.hawaaworld.com/showthread.php?t=1806030



ونسيت اقولك حاولي تخلين لكم غرفه للمعيشه طول اليوم فيها منعا لتحركهم في البيت واثاره الشغب:icon33:

تقبلي مروري

ياويلي من العيال ولا الاولاد

الله يجزاك الجنه اختي ام بدر القمر والله يرزقك الرزق الحلال ويحفظلك عيالك
وان شاء الله اجرب طريقتك

حددي لعيالك وقت يلعبو فيه بالحوش يعني لاتخلينهم طالعين داخلين على كيفهم

هههه توني اقرا ردي

وبعدين تدرين فيه شي ساعدني صدقيني من يوم سويته وانا بيتي متغير ونفسي متغيره يعني زمان مالي نفس انظف ولا شي ولا خلق اسوي شي لكن لما سويت ذا الشي صدقيني تغيرت وصراحه مفعولها خرافي سبحان الله مايامرنا بشي الا له فايده لنا



هههه نسيت اقول انه سبحان الله 33 والحمدلله 33 والله اكبر 34 قبل انام