غلاي بدر
•
ولاتخلين اي كركبه زايده عندج يعني كراتين وصناديق ومجلات زايده وقديمه والعاب وخرابيط كل هالاشياء على طول بالزباله لاتجمعين ترى كثر الاغراض والكركبه هي السبب
الصفحة الأخيرة
1- اول شي خلي الملابس كلها في زاويه بالغرفه
2- جيبي كيس زباله وقطي كل شي ماتحتاجينه والوسخ
3- الاشياء اللي تخص التسريحه ( عطر, كريم, شباصات ,, الخ ) حطيهم على التسريحه
4- الاقلام والكتب والورق والدفاتر ,, الخ جطيهم على المكتب
5- صارت الارض فاضيه اكنسيها (خميها)
6- نجي للملابس اللي ماتبينه او صار صغير عليج حطيه بكيس للتبرعات واللي تبينه دخليه الغساله
7- طلعلي كل شي بالكبتات ومسحيهم بالماي مخلوط بديتول او بس ماي
8- نشري ملابسك اللي انغسلت
اليوم الثاني :-
1-سفطي ملابسك اللي نشفت من الغسيل وحطيهم بالكبت
2- مسحي الكمدينو والتسريحه ومكتب الدراسه
3 - بخري غرفتك وعطريها
ولاتنسين تغسلين الكفر(البطانيه ) او وديها المصبغه (المغسله)
وبجذي بتكون غرفتج نظيفه ومرتبه وتفتح النفس وبعد جذي راح تعودين نفسج على الترتيب اول بأول ماتقطين شي عالارض ومره بالاسبوع تنظيف عميق (غسيل ملابس,ومسح , وكنس) وراح ترتاحين وتتعلمين على النظافه
هذا النظام اللي عطيتج اياه ممكن تخلصينه بيومين او ثلاث بالكثير ميخالف تعبي شوي عشان ترتاحين