الله يوفقك و يسعدك

اهم حاجة تسوينها تجهزين ليلة العمر من و الى
و بعد كذا فكري بالباقي

و نصيحة لا تشترين ملابس كثير
لان الجسم بعد الزواج يتغير اذا ماسمنتي بتضعفين و يمكن تحملين

تتهنين يارب

سبحان الله وبحمده

الله يوفقك ويسهل امرك يارب
حبيبتي راح يكفي مهرك
كان مهري 25 الف وقدرت اشتري اللي ابي بعد توفيق من الله ومشورة البنات

الذهب اشنري بحدود 15الى20 الف اذا كنتي بتاخذين عيار 24 افضل وراح ينفعك بعدين
وراح يضل عندك 20 توزعينها على الاشياء الاساسيه مثل شريط زفتك اخذت مني 200ريال طلبيه عن طريق النت ومثل مابغيت ولله الحمد والكوشه كلفتني مع الطاولات كامله 4000 وهدايا العروس كلفتني 1900 كانت عباره عن مرايات منقوش عليها اسمي واسمه ومرصعه بالسوارفسكي المقلد والحبه اخذتها 3 ريال ومجموعها بحدو د 700 حبه والفستان مع اغراضه كان تفصيل كلفني 3600والمصورهاخذت مني 1200(هذي حددي لها ميزانيه من الان وخليها على جنب ولاتقربين منه) طبعا فستان زواجي عندي وموديله فرنسي لان طلتي كانت فرنسيه والكل سئلني عنه ومازال عندي الفستان والطرحه والجيبون والشوز واذا تبينه انا بالرياض وخذيه مني بدون مقابل

النقاشه حطي لها 200 الكوافيره 1500الى 2000وتبع الحلاو وتنظيف الجسم400 مو اكثر ولاتقولي انك عروس بس خليها تهتم فيك اكثر واذا كنتي بتصبغين شعرك على حسب طوله انتي شوفي(برضو اتفقي معهم على اخر سعر وسجليهم عندك وخصصي لهم ميزانيه)

بالنسه للفساتين لاتفصلين الا بعد ماتعرفين انتي راح تقضين شهر العسل داخليا عند الاهل ولا بتسافرين برى
اذا برى فانصحك خذي بس 1او2جاهزه
اذا بيكون داخلي اكيد بيكون فيه عزايم وسهرات ومناسبات لازم تحضريها فخذي لك 3او 4 ولاتتكلفين بميزانيتها خلي لها 3000
ملابس الاندر وير الداخليه خذيها من لاسنزا هي والبجايم وقت التخفيض وخلي لها 400او 500 ريال
القمصان اول ليله خذيه بحدود 400الى 600 ريال وفيه اشكال تهبل كانها فساتين من روعتها
والملابس تيشيرتات خذي كم حبه البناطيل اثنين التنانير اذا مجتمعك متحفظ خذي 2 وعندك برمودا عنده هالشغلات الحلوه
طبعا شغله مو تنزلين السوق ياعسل على اساس انك ماراح تاخذين من ملابسك القديمه وتقولين كل شيء بخليه جديد
لاانتبهي على هالحال الفلوس طارت ومابقى شيء
العبايات اذا حابه تفصلين اعملي لك عبايتين مع الطرح تبها وخلي لك وحده 300 او عليها على حسب الموديل
كمان الشنط والجزم وانتي بكرامه لاتكثرين لانك بتندمين بعدين
خذي لك2 اسبورت اذا بتسافرون برى للمشي والطلعات مع شنطه ابيض او اسود او عودي
واكيد عندك من قبل ببيت اهلك كم وحده لاتفرطين فيها بس اضيفي عليها
الميك اب خذي الوان حلوه وجريئه ارواج احمر وفوشيا والقلوسات خذي من درجات الخوخ والمشمش مع البلاش
الشدو وعلب الظلال خذي لك علبه ظل صغيره للشنطه والوانها تحبينها وتستخدمينها على طول
وعلبه الوان مخمليه كبيره اللي فيها 50او 45 لون
الكحل عندك من لانكوم هو والماسكارا مايتعدى سعرها 90 ريال
الاساس خذي ديرماكول ممتااااااااز وشوفي الدرجه اللي تناسبك سعرده بحدود35 او45 مو فاكره والله
البودره مالي خبره فيها ولا استخدمها
مرطبات للبشره وتناسب بشرتك مو تاخذين شيء جديد ولاتعرفينه ساعتها تتوهقين اما يسبب لك حكه او تهيج في البشره
وخذي لك بيبي اويل من جونسون بالريحه اللي تحبيها اذا طلعتي من حمامك وانتي بكرامه
طبعا الان ننتقل للعطور ودهن العود والخمريات
لاتكثرين لاتكثرين لاتكثرين بتجيك هدايا من هالنوع
انتي خذي علبيتن عطر بس وخمريه وحده للشعر والجسم ودهن عود واحد وروحي للماجد عندهم مجموعات لايعلى عليها شمي اللي يعجبك وخذيه
ليه اقول لاتكثرين انتي عايشه بمدينه الاسواق فيها مليانه والسوق ماراح تنقطع عطوره
امممممممممممم مري على نكتار عندهم الان وشاريه من كم يوم عطر فواحه ويستخدم للجسم ب50 ريحه قويه وثابته وركزي على التوت
طبعا فيه بنات نصحوني بشغلالالات كثيره اللي هي نوع معين من القمصان وكريمات للجسم وعطورات بروائح معينه
وانا تورطت هالشغلات ماتاخذينها الا بعد ماتعرفين زوجك وش يحب وش يكره وانتي ساعتها بتحددين
الان ننتقل لشغلات الشعر من استشوار او سيراميك او سبراي
اذا شعرك ناعم ومايحتاج سيراميك خليك على الاستشوار بس للتجفيف والتكثير
اذا مو مره ناعم خذي لك سيراميك راح ينفعك وقت الازمه
طبعا الاستشوار والسيراميك تختلف اسعاره بس حطي لك واحد 200 او اكثر بشوي مع الضمان والنوعيه الجيده
شباصات والربطات والاكسسوار تبع الشعر والمشط ماراح يكلف كثير حطي له ميزانيه بحدود 100

اممممممممممممممممممممممم تقريبا هذا اللي عندي اذا كان في بالك سؤال يا عسل ارسل لي برايفت والله يوفقك ويكتب لك الصالح ويجعلك قرة عينه ويصب حبه في قلبك ويصب حبك في قلبه
شغله على السريع لاتقولين الفلوس كثيره وانتي بالسوق لان ممكن 30 الف ريال تطير وانتي بمحل واحد
كمان اذا بتروحون لزيارات ومناسبات كبيره ايام زواجك حطي ميزانيه لك علشان المشغل يسوون لك تسريحه وميك اب لانك عروس واكرر لاتبلغينهم انك عروس وجديده لانهم بيلهفون منك- على قولتهم انتي عروس وبنعمل لك شيء مميز

دعواتي لك وتصدقي لو بريال
فيه دعاء قولي اذا دخلتي السوق راح ينفعك بأذن الله بيسهل عليك بكل شيء ومارا تاخذين وقت طويل وانتي بالسوق ولا راح تحتارين كثير( لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير)

مع الاخت:35:

الله يتمم لك على خير


شوفي إختي نصييييحه لا تخربين فلوسك بخلاقين .. ترى والله راح تملين منها ..

انا عن نفسي ما كثرت ملابس مرره .. يعني اخذت اللي يكفيني ..

ونصيحه روحي لسيتي ماكس .. والله ملابسهم وبناطيلهم وبجاماتهم روووعه ..زي الماركات

انا اخذت منه اغلب ملابسي .. اخذت بجامتين وفستان طويل ولانجريات وملابس النوم وبلايز يمكن 12 وبناطيل وشوزات وشباشب وروب نوم واكسسوارات ..
كلفني يمكن 1800 ريال

وبعدين رحت للماركات واخذت لي شوية أغراض .. مو كثيره .. كلفني 4000

وطبعا لازم تاخذين لك قميص اول ليله قطعتين فخم .. انا كلفني 400 ريال مرررره حلو وناعم .. شفت انواع غاليه على 600 و900 بس اكيد مثله مثل اي قطعه بالأخير راح امل منه .. وحلو التجديد


وطبعا أخذت اشياء حلوه من نعومي بس ما كثرت.. بجامتين وحده حرير وحده قطن

يعني خذي لك شوي من الغالي للكشخــــــه .. والأغلب خذي من الرخيص
لنه لو راح تشترين كله ماركات .. صدقيني ماراح يكفيك المهر

ونصيحه السنتيانات .. خذي لك ماركه ..
انا اخذت من ايتام ومن لاسنزا غاليات بس يستاهلون .. وإبتعدي عن الرخييص ..

الميك أب أخذت شنطه من نكتار بـ 260 ريال تقريبا .. الوانها حلوه

العطورات .. أخذت واحد من لانكوم غالي شوي330 ريال .. ريحته روووعه

وأخذت من نعومي عطر ومجموعه من بدي شوب عباره عن جل ولوشن وعطر وخمريه




وبالنسبه لذهب غاااالي .. الى الأن محتاره

انا ودي أخذ طقمين وسوارتين

الساعه أخذت لي ماركة رادو بـ 2600
حلوه وعمليه وتناسب كل اللبس

وبالنسبه لتصوير .. صديقتي تقول تعرف وحده تصور 23 صوره بـ 600 ريال بحجز عندها

وفستان الفرح .. إيجار .. يعني خصصت له 1200 ريال

والميك اب والتسريحه 1200 ريال

وبالنسبه للفساتين اخذت تقريبا 4 فساتين كلهم حلوين

كلفوني 1000 ريال .. جاهزين طبعا
واحد اخذته 500 ريال
والثاني 300
والثالث كان قبل التخفيض 480 وأخذته بعد التخفيض 150
والرابع كان قبل التخفيض بـ 380 وبعد لاتخفيض أخذته بـ 190


واتمنى افدتك ..